DV skrúfar fyrir sportið

Frétt af vef samtaka íþróttafréttamanna. 

DV hyggst leggja niður íþróttakálf sinn sem fylgt hefur blaðinu undanfarin misseri en þar hafa þrír íþróttafréttamenn unnið í fullu starfi og haldið úti myndarlegu blaði. Í staðinn verða tveir íþróttafréttamenn færðir yfir á dv.is og sjá þar um íþróttaskrif og einn fer yfir í almennar fréttir. Verður mikil eftirsjá í íþróttakálfi DV, ekki síst um helgar þar sem mátti lesa mörg skemmtileg og ítarleg viðtöl við íþróttafólk - og jafnvel íþróttafréttamenn. Einnig var ítarleg umfjöllun um enska boltann á mánudögum sem var geysi vinsæl. DV verður ekki samt eftir þessar breytingar.

 

Athugasemdir

[Þorgeir Jón (IP-tala skráð) 7.5.2008 kl. 11:31]

Og ég sem samþ. 3 mánaða áskrift í gærkveldi (á verði eins) að DV þar sem sölumaðurinn fullyrti að íþróttarumfjöllun í DV í sumar yrði með sama sniði og verið hefur.  Mikið fjallað um fótboltann og fleira...maður þarf að hringja í DV menn og athuga málið betur..

[Karl Jónsson, 9.5.2008 kl. 11:16]

Því miður eru íþróttafréttirnar alltaf taldar fórnanlegar þegar grípa þarf til sparnaðaraðgerða. Þá er oft betra að sleppa því alveg að skrifa um íþróttir, sem ég held að 24 stundir eigi að gera frekar en að vera með þessa stefnu sem þeir eru með.