Geimsjávarlíffræði II. hluti

Júlíus Rafnsson stóð sig vel í Kastljósinu í kvöld. Fyrrum formaður Golfsambands Íslands og framkvæmdastjóri Grundar s.l. 18 ár, var eins og Sigfús Sigurðsson handknattleiksmaður í varnarleiknum gegn Reyni "KrókódílaDundee" Traustasyni ritstjóra Ísafoldar. 

 Hvað er annars málið með hattinn hans Reynis?, er þetta að svínvirka. Greg Norman er jú flottur á golfvellinum með svona hatt. - Kannski eitthvað sem maður ætti að skoða betur.  

 Helgi Seljan sem stjórnaði rökræðum þeirra í Kastljósinu virtist vera frekar hallur undir málstað Reynis.. eflaust ekki ætlunin en ég fékk það á tilfinninguna þegar ég horfði á þáttinn. Júlli var bara flottur og rökfastur. Fugl dagsins. 

 

"Annars var þetta ekkert sérstakt" (HBS England haustið 2005) 

Reiðhjólamaður slasaðist er hann varð fyrir bíl

Geimsjávarlíffræði

Hjálmar Árnason þingmaður Framsóknarflokksins var ekki að sannfæra mig í Kastljósinu í kvöld - þar sem hann varði nýja stefnu flokksins hvað varðar íraksmálið. Hjartanlega sammála spyrlinum í Kastljósinu. Menn þurfa að svara fyrir sig .

Íranar heita að aðstoða Íraka eftir fremsta megni

Ghost Digital

Enski boltinn er líklega heitasta umræðuefnið  -

SÝN tekur við af Skjánum. Ég veit ekki hvernig SÝN ætlar að taka á málunum næsta haust -eflaust gera þeir eins vel og þeir geta.  

Þeir eru vissulega með marga möguleika á því að koma efninu frá sér á þremur rásum, SÝN, SÝN Extra 1 og 2. En þeir þurfa virkilega að spýta í lófana til þess að fá þá sem eru áskrifendur í dag til þess að "svissa" yfir á ný.  

Áhugi minn á enska boltanum vaknaði fyrir alvöru þegar Skjár Sport fór að sinna þessu fyrir alvöru í fyrravetur - einfaldlega vegna þess að ég fékk tækifæri að sjá mitt lið um hverja helgi, Tottenham. Stórliðið var með 2-3 leiki á vetri í beinni útsendingu áður en að Skár Sport tók við hnossinu. 

Ég er handviss um að það eru margir á sömu skoðun og ég. Ef mitt lið verður ekki í beinni um hverja helgi  - þá kaupi ég ekki áskrift. Kemur ekki til greina að borga áskrift að leikjum Arsenal.

Annað sem veldur mér áhyggjum. Örbylgjusendingar Digital Íslands nást með eindæmum illa hjá mér.

Ég sé Sýn Extra 1 og 2 af og til, en þessar stöðvar nást að mér skilst aðeins í nágrenni við höfuðborgarsvæðið. Sem er bara grín. 

SÝN er stundum inni  - en eiginlega alltaf í kössum sem frjósa á skjánum. Loftnetið er í lagi að mati fagmanns. 

Kannski tekur maður bara allt draslið í gegnum koparvírinn frá Símanum  -en verður Sýn með 5 stöðvar í gangi í gegnum það apparat?

Kannski endar maður bara í sjóræningjaútgáfu af SKY  -

En þeir sýna ekki neitt á laugardögum... sem er hrikalega lélegt.

Síðasti kosturinn  er að flytjast búferlum til London.  

  

Verðið á sýningarrétti á enska boltanum of hátt að mati sjónvarpsstjóra

Stóra SMS málið

Umræðan um meint verðsamráð símafyrirtækjanna á Íslandi vekur athygli. 

Eftir að stóra SMS málið kom upp á dögunum hef ég ákveðnar efasemdir um útreikninga Símans og Vodafone.

 
Stóra SMS málið var á allra vörum á heimili mínu þegar farið var yfir símreikninga ársins á netinu. (Greiðsluþjónustan sér til þess að doði og skortur á yfirsýn tekur völdin.)

Stóra SMS málið er einfalt. Birkir Framsóknarmaður kom ekkert þar við sögu.

Við sem erum í íslenskri áskrift greiðum 49 kr. fyrir eitt SMS í Danaveldi.

Áttaði mig á því eftir að hafa greitt fyrir rúmlega 200 SMS í Danaveldi frá því í sumar.

Það kostar 10 kr á Íslandi að senda SMS  - afhverju er 80% munur á SMS kostnaði í Danaveldi og á Íslandi?

Hef ekki hugmynd eins og Ole Haahr Hansen myndi orða það á Lundgaard.

Málið er grafalvarlegt.... alvarlegra en rörin sem sprungu í gömlu herstöðinni. spurning um að fá Vidda Löggu til þess að rannsaka málið.

Mikil verðhækkun á áburði

Kauptækifæri - dulið eigið fé

Það er eitthvað sem býr að baki.

DeCode hefur ekki skilað krónu í kassann.

Gengi félagsins hefur verið álíka og hjá Stoke þegar það var í eigu Íslendinga.

Það er samt eitthvað Víkingalottódæmi í gangi þarna hjá Kára og félögum.... menn eru alltaf með  - í von um að fá þann stóra... en er það ekki alltaf einhver frá Arndal í Noregi sem vinnur...

"Annars var þetta nú ekkert sérstakt" - HBS, Englandi 2005.

Tap deCODE yfir 4 milljarðar

Með greind á við tilraunarottu

Ég held að það séu margir bílstjórar sem eru varla með greind á við tilraunarottur. Það eru fjórar myndavélar í "rörinu" undir Hvalfjörð og sá sem ekur á 146 km hraða í göngunum er að sjálfsögðu enginn mannvitsbrekka. Líklega ungur karlmaður með mp3 í botni. Ég held að það væri ráð að seinka bílprófsaldrinum...eða hvað?? 

 

Ég fer nokkuð oft í göngin og það eru ótrúlegustu hlutir sem eiga sér stað á þessum stutta kafla. Dráttarvélar á ferð á milli 8-9 að morgni með 300 metra bílalest á eftir sér. Steypubílar á 20 km hraða, í suðurátt, kranabílar á 10 km. hraða í suðurátt þar sem ekki er hægt að fara framúr með góðu móti. Á leið í norður keyra mjög margir á vinstri akrein á tvöfalda kaflanum og ætla að hleypa umferð framúr á hægri akrein. Snilld. 

Atvinnubílstjórar með aðra hönd á stýri, 40 tonn í eftirdragi og síminn í þeirri vinstri. Algeng sjón. Það er því alltaf spenna í göngunum og heldur manni við efnið..

 

"Annars varð þetta nú ekkert sérstakt -" (HBS, England 2005)  

 

 

Ofsaakstur í Hvalfjarðargöngunum

No name drengur og stúlka ársins

Ég hélt að það væri spennandi að vera á þingi - alltaf í sviðsljósinu. Svo virðist ekki vera... Jón Gunnarsson þingmaður Samfylkingarinnar hefur verið á kafi í vinnu undanfarin ár.

Líkt og hún þarna frá Blönduósi, sem varð undir í prófkjöri Samfylkingarinnar í N-V kjördæmi á eftir skólastjóranum og prestinum.

Ég fylgist mikið með fréttum en ég hef aldrei rekist á þessa einstaklinga í umræðunni eða í ljósvakamiðlum? Fyrr en á allra síðustu dögum þegar þau urðu undir í prófkjörum.

Sig. Elvar.

"Annars var þetta nú ekkert sérstakt" - (Halldór Bragi Sigurðsson, Englandi okt., 2005). 

Jón Gunnarsson hættir í stjórnmálum

Einn hring í kringum malarvöllinn - eða Tottenham

Enski boltinn var gleðiefni helgarinnar.

Þar sem mínir menn, Tottenham, áttu ekki í vandræðum með meistaralið Chelsea á White Hart Lane.

Reyndar gladdi það mig meira að Arsenal tapaði gegn West Ham. Pardew nánast búinn að fá Wenger í sveitaballaslag á kantinum.

Það væri gott sjónvarp. Tveir stjórar að slást.  Annars er álagið á þessum köllum hrikalegt og má lítið útaf bregða til þess að æsa þá.

Matthías Hallgrímsson knattspyrnusnillingur frá Akranesi á sök á því að margir af '68 árangnum á Akranesi eru eldheitir stuðningsmenn Tottenham. Matthías var þjálfari árgangsins á sínum tíma og í upphafi æfinga sagði hann alltaf:

"Þeir sem halda með Tottenham fá sér bolta og mega byrja að sparka í markið. Hinir hlaupa 5 hringi í kringum völlinn."

Þessi hernaður Matta heppnaðist með ágætum. 

- "Annars var þetta nú ekkert sérstakt."

(Halldór Bragi Sigurðsson, Englandi okt. 2005). 

Chuck Taylor viðraður

Körfubolti - er frekar einföld íþrótt. Það sannaðist í gær er ég mætti í "hlunkabolta" hjá ÍA í gær eftir tveggja ára hlé. Helstu afrek gærkvöldsins var að ég fór í gegnum æfinguna án þess að meiða mig. 

Hópurinn var fjölbreyttur  - gamlar hetjur og nýjar.

Ég var að sjálfsögður í Chuck Taylor (sjá mynd), leit vel út - en gat ekki neitt. Völlurinn er miklu lengri en áður, körfurnar hærri og hringurinn minni.  

Magnús Hafsteinsson nágranni minn og alþingismaður var ekki á svæðinu en það var úrvalslið lettneskra leikmanna með á æfingunni.

Vinna allir hjá Smellinn og einn þeirra hefur fengið lýsi og harðfisk í barnæsku. Nautsterkur, óslípaður 2 metra demantur.