Give me the money

Ég gerði samning við Landsbankann um að greiða í séreignarlífeyrissjóð á sínum tíma.

Staðan í dag er að það fyrirtæki er ekki lengur til og enginn veit hvar peningarnir eru. Ég sárvorkenndi þjónustufulltrúanum í Landsbankanum sem ég ræddi við í morgun. Hún var döpur en hún reyndi að aðstoða mig eftir bestu getu. Það var reyndar Síríus súkkulaði í boði fyrir viðskiptavinina. Grand. 

Ég velti því fyrir mér hvort að sá samningur sem ég gerði á sínum tíma sé enn í gildi. Sá aðili sem ég samdi við fór á hausinn.

Get ég ekki krafist þess að fá brunarústirnar sem verða eftir á reikningnum.

Þegar búið verður að greiða úr flækjunni.