Örhventir og konur

Horfði ekki á Silfur Egils um helgina, en í þessari bloggfærslu kvartar Sóley Tómasdóttir yfir því að 8 karlar hafi verið í þættinum - og engar konur.

Ég er alveg handviss um að meiri jöfnuður væri í þáttum Egils ef aðeins væri keppt í opnum flokkum í skák og bridge.

Konur og stjórnmálaflokkar sem vilja berjast fyrir auknu jafnrétti í næstu Alþingiskosningum ættu að setja þetta mál í efsta sæti.

Ég hef aldrei skilið afhverju það er keppt í kvennaflokki í þessum greinum.

Á meðan þessi kynskipting er til staðar í keppni í skák og bridge verður staða kvenna í samfélaginu óbreytt. Þetta er gríðarlega mikilvægt mál. 

Ef þetta ófremdarástand lagast ekki legg ég til að keppt verði í flokki örvhentra í skák og bridge.

Ég hef áður minnst á kvennaflokkinn í skák og bridge á þessu bloggi mínu og fengið eitt svar frá konu um málið.

Þar var áhugasvið kvenna helstu rökin fyrir því að keppt er í kvennaflokki í skák og bridge.

Svo sem ágæt rök en ég skil samt ekki afhverju það er keppt í kvennaflokki í skák og bridge. Það fer að líða að því að ég hætti að sofa yfir þessu máli. Og hana nú. 

Snoop Dogg handtekinn í Svíþjóð

Athugasemdir

[Sigurður Elvar Þórólfsson, 12.3.2007 kl. 10:53]

Takk fyrir svarið.

Jú þetta með rauðu teigana í golfi er góð ábending, en þar kemur einn hlutur inn sem tengist testósterón framleiðslu og líkamsstyrk.

Konur eiga erfiðara með að slá bolta úr háu grasi í golfi, (röffinu).

Á því sviði standa karlarnir betur að vígi einfaldlega þar sem þeir eru oftar en ekki líkamlega sterkari. Það er kostur við slíkar aðstæður í golfinu og konur sem leika á Íslandsmótinu í höggleik eiga oft í erfiðleikum utan brautar þar sem röffið er eins og "lím" þykkt og rífur í kylfuna þegar boltinn er sleginn. 

Í skák og bridge eru engar slíkar hindranir.