Slæs, húkk eða fade?

Sat spakur með popp og kók í grasbalanum á Akranesvelli í kvöld í sumarfríinu og horfði á leik ÍA og Keflavíkur.

Lokamínútur leiksins eru það skrautlegasta sem maður hefur séð í mörg ár.

Það verður rifist um mark Bjarna næstu árin..og fyrir fjölmiðla er þetta atvik "veisla".. fyrir kylfinga er vert að skoða boltaflugið hjá Bjarna og ég held að þetta hafi verið slæs sem átti að vera húkk...

- Ég held að flestir Skagamenn hefðu viljað að ÍA liðið hefði einfaldlega leyft Keflavík að skora og minnka muninn í 2:1 - allir sáttir.

En eru fordæmi fyrir slíku?

Ég man allavega ekki eftir því og það var létt kaos í gangi þarna úti á vellinum.

- Einar Orri Einarsson leikm. nr. 13 í liði Keflavíkur gerði heiðarlega tilraun til þess að "jarða" Bjarna undir lok leiksins.

Ljótt hefndarbrot.

Menn eru fljótir að gleyma. Ingvi Rafn Guðmundsson leikmaður Keflavíkur er nýbyrjaður að leika á ný eftir fótbrot fyrir tveimur árum í leik gegn ÍBV þar sem Ingvi var fórnarlambið..Það mátti litlu muna að illa færi í samskiptum Einars og Bjarna.    

Guðmundur Steinarsson gerði atlögu að Íslandsmeti í 100 metra hlaupi þegar hann reyndi að ná Bjarna sem fór rakleitt upp í búningsklefa eftir leikinn.

Slíkur sprettur hefur ekki sést á hlaupabrautinni á Akranesvelli frá Landsmótinu árið 1975. Guðmundur náði reyndar ekki Bjarna..

Áhorfendur  hópuðust að  innganginum við  búningsklefana en rammgerð UEFA girðing hélt múgnum frá  aksjóninu. Eða þannig. 

Einn vippaði sér yfir girðinguna án þess að nokkur skipti sér að því.

Þetta er annað árið í röð þar sem að allt fer úr skorðum í leik ÍA og Keflavíkur.

Í fyrra voru það Hjörtur Hjartarson og Guðmundur Mete sem áttu sviðsljósið. Hitti reyndar á Hjört á leiknum og hann var alveg spakur. Þeir  félagar mætast á miðvikudagin í bikarnum, Þróttur og Keflavík...

Hef ekki trú á því að hinn rólegi Hjössi fari á límingunum í þeim leik. 

Ég bíð spenntur eftir næsta leik þessara liða  - úrslit í bikarnum væri fínn  leikur?

Skagamenn lögðu Keflvíkinga á dramatískan hátt

Athugasemdir

[Fótboltaáhugamaður (IP-tala skráð) 5.7.2007 kl. 00:11]

"- Ég held að flestir Skagamenn hefðu viljað að ÍA liðið hefði einfaldlega leyft Keflavík að skora og minnka muninn í 2:1 - allir sáttir.

En eru fordæmi fyrir slíku?"

Vissulega eru fordæmi fyrir slíku:

http://www.youtube.com/watch?v=BfwktuMXK0I

[Sigurður Elvar Þórólfsson, 5.7.2007 kl. 00:12]

Takk fyrir ábendinguna...

[Jóhann P (IP-tala skráð) 5.7.2007 kl. 00:22]

Nei við skagamenn sáum enga ástæðu til þess að leyfa Keflvíkingum að skora. Hafi Bjarni Guðjónsson sýnd ódrengilega framkomu og skorað þetta mark viljandi þá sýndu Keflvíkingar ennþá ódrengilegri framkomu í leiknum.

1. Páll Gísli Jónsson fiskaður út af í baráttu um boltann eftir að Keflavík skoraði. Keflvíkingurinn stökk á fætur á nákvæmlega sama augnabliki og Kristinn féll í gildruna og lyfti rauða spjaldinu.

2. Brjálæðisleg tækling Einars. Boltinn skipti nákvæmlega engu máli, bara að meiða Bjarna.

3. Ef Bjarni hafi ekki verið meiddur fyrir þá átti svo sannarlega að meiða hann eftir leik. Það sást greinilega að Guðmundur Steinarsson ætlaði að berja Bjarna Guðjónsson.

Ef leikurinn hefði snúist um það hverjir áttu drengilegri framkomu á vellinum, þá er ég sannfærður um að ÍA átti sigurinn. Og svo segir Kristján Guðmundsson að Bjarni hafi verið sjálfum sér til skammar. Ef Bjarni á að skammast sín, hvað á þá Keflavíkurliðið að gera?

[Magnús Þór Jónsson, 5.7.2007 kl. 00:55]

Sammála Sigurði Elvari. 

Skaginn átti að leifa Keflavík að skora og málið dautt.

Þá hefði þessi farsi ekki orðið.

[Guðmundur Brynjólfsson (IP-tala skráð) 5.7.2007 kl. 02:00]

Bleeeeesaður Elvar

Leyfa að skora? Hver leyfir einhverjum að skora? Hafa þeir "vitringar" sem hafa látið þessi orð falla eitthvað skoðað þau mál? Í dag er veðjað (tippað) á alla vegu, KG. þjálfari Keflavíkur (sem hét reyndar ÍBK þegar ég var strákur) hefur t.d. gaman af þeim leik. Væri eðlilegt að leikur endaði t.d. jafntefli af því að lið hefði "leyft" hinu liðinu að skora vegna meintra dómaramistaka. Þetta er náttúrulega bara kjaftaþvæla!!! 

Bið að heilsa ömmu Buggu:)

kv, G.

[Þröstur Heiðar Þráinsson (IP-tala skráð) 5.7.2007 kl. 04:31]

Sammála þér í flestu Sigurður.  Þó tel ég að við hefðum átt að sýna Fair-Play og gefa keflavík mark í staðinn. Það eru kominn mörg fordæmi fyrir því út í heimi. Við hefðum getað verið fyrstir til á klakanum :) Ég er fullviss um að við hefðum unnið leikinn hvort sem er. (og þá með fullkomnum sóma)

 Keflvíkingar hafa enga stjórn á skapi sínu. Það hafa þeir sýnt í flestum ef ekki öllum leikjum gegn okkur skagamönnum undanfarinn ár. Vonandi tekur KSÍ hart á þeim sem harðast gengu framm.

Peyjinn sem reyndi að enda ferill Bjarna ætti helst að fara í annað sport. Mæli með karate.

[Sigurður Elvar Þórólfsson, 5.7.2007 kl. 17:05]

Guðmundur Brynjólfsson  - ég hélt að þú hefðir fengið 5 ára dóm í stóra málinu þarna um daginn? það eru aldeilis breytingar þarna á LH.  - Lengjumálið sem þú bendir á er góður punktur..kannski að stór hópur manna frá Malasíu hafi staðið að baki þessu marki eftir að hafa veðjað háum upphæðum á leik ÍA og Kef á 1x2? hver veit... næst reyna þeir að slökkva á fljóðljósunum á Akranesvelli í stöðunni 1:1 í næsta heimaleik.. verst að það eru engin fljóðljós..skila kveðjunni frá þér til Ömmu Buggu.