Mark ársins?

Íþróttaheimurinn logar eftir atburði gærkvöldsins á Akranesvelli. 

- Ég skoðaði mark ársins (so far) margoft í gær á myndbandi og mín upplifun er að þetta hafi verið slys.

Eftir að Bjarni skýtur boltanum í átt að markinu þá skokkar hann rólega inn að miðjunni á sitt varnarsvæði og mér fannst hann ekki einu sinni horfa á boltann þegar hann var á leiðinni að markinu. Leikmaður sem reynir að skora af þessu færi hlýtur að fylgjast grannt með framvindu mála á meðan boltinn er á leið að markinu. 

Bjarni er sá eini sem veit hvort þetta var óviljaverk eða ekki. Ég trúi því ekki að hann hafi gert þetta viljandi.

Það eru margar kjaftasögu sem eru í gangi um það sem gerðist fyrir utan búningsklefana í gær. Menn lamdir og fúkyrði látin falla..

Gísli Gíslason fyrrum bæjarstjóri og núverandi formaður mfl. ÍA var í hlutverki sáttarsemjara og stóð sig bara vel að mér fannst. 

Ég stóð fyrir utan girðinguna í um 5 metra fjarlægð og fylgdist með því sem gerðist. Bjarni fór fyrstur inn og Guðmundur Steinarsson náði að komast inn áður en hurðinni var lokað um stundarsakir. Bjarki Guðmundsson fyrrum markvörður ÍA og núverandi varamarkvörður Keflavíkur talaði hátt líkt og margir aðrir en ég held að þetta hafi ekki verið eins "heitt" og menn láta í veðri vaka. 

Nokkrir leikmenn Keflavíkur gengu rólegir upp að vallarhúsinu en það voru fáir sem voru mjög æstir og reiðir að mér fannst.

Kristján Guðmundsson þjálfari Keflavíkur sagði í sjónvarpsviðtali eftir leikinn að B. Guðjónsson hefði orðið sér til skammar "enn og aftur" og ég væri til í að fá nánari útskýringar hjá Kristjáni á því hvað hann átti við með "enn og aftur". Það verður spennandi að fylgjast með framhaldinu á lokasprettinum í sumarfríinu. 

Bjarni þurfti lögreglufylgd

Athugasemdir

[H, 5.7.2007 kl. 17:08]

Sammála , hann lítur varla upp eftir að hafa sparkað til markvarðarins eins og sést á myndunum.

Skömmin er Keflvíkinga eftir fáránlega framkomu , bull þjálfarans og glæpsamlegt brot á Bjarna sem ætti að kæra til lögreglu. Algjört lögreglumál og sjá svo glottið á tilræðismanninum þegar hann var rekinn útaf og heilsar liðsmönnum sínum ! , skammarlegt. Í sumarlangt bann með púkann !

[Kristófer K. (IP-tala skráð) 5.7.2007 kl. 17:56]

Sjálfur er ég hlutlaus í þessu atviku (er Frammari) en ég horfði þó á leikinn í sjónvarpi og mér fannst það augljóst um leið og hann spyrnti boltanum (þurfti engar endursýningar) að um var að ræða ásetning. Bjarni biður um boltann (af hverju var ekki kastað beint á Keflvíkingana úr innkastinu?) tekur við honum, lítur svo upp og sér markvörð Keflvíkinga standa utarlega í teignum. Horfir svo niður á boltann og lætur vaða. Það er greinilegt að maðurinn skaut í áttina að markinu og það sést best þegar hann lítur upp og virðir fyrir sér markið áður en hann skýtur.

Keflvíkingar voru að sjálfsögðu engin englabörn þarna, enda brugðust þeir sem hinir verstu við eftir markið og gengu e.t.v of langt, en Bjarni varð þó svo sannarlega sjálfum sér og Skagamönnum öllum til skammar með því að hundsa það sem fótboltanum er kærast; "fair play".

Minnir mann dáldið á það þegar KRingarnir gerðu okkur Frammörum þetta. Við spyrntum boltanum útaf, þeir taka innkast, keyra upp að markinu og skora... Og viti menn, þá var Biti að þjálfa Vesturbæinganna rétt eins og hann er að þjálfa Skagamenn núna.

En KRingar hafa alltaf verið í algjörum sérflokki hvað það varðar koma öðrum upp á móti sér, Biti eða enginn Biti í þjálfarastólnum.

[Þorgeir Jón (IP-tala skráð) 5.7.2007 kl. 18:04]

Það hvort að Bjarni gerði þetta viljandi eða ekki er að mínu mati aukaatriði í dag.  Menn hafa misjafnar skoðanir á því og ómögulegt er að segja hvor þeirra er rétt.

Það sem liggur ljóst fyrir hins vegar er að Bjarni spurði Guðjón hvort þeir ættu ekki að kvitta fyrir, þ.e að leyfa Keflavík að skora eða skora sjálfsmark.  En Guðjón Þórðarson hinn heiðarlegi stuðningsmaður Fair Play sagði NEI!!  Bjarni Guðjónsson hafði ekki kjark til að taka til síns ráðs og skora sjálfsmark eftir þessi skilaboð Guðjóns og ég lái honum það ekki.

 Guðjón Þórðarson er sá sem á að biðja Keflvíkinga, Skagamenn og aðra unnendur íslenskrar knattspyrnu afsökunar.  Hann hefur með þessu sett svartan blett á annars glæsta sögu Knattspyrnufélagsins ÍA sem seint verður afnumin ef þá einhvern tíman.

[Sigurður Elvar Þórólfsson, 5.7.2007 kl. 18:41]

Það eru skiptar skoðanir um þetta mál... höfum allir rétt fyrir okkur..en það var gaman að sjá Símun Samuelsen þegar hann lá í markinu eftir átökin við Pál Gísla... Símun var alveg rosalega meiddur en stóð upp um leið og hann sá rauða spjaldið fór á loft.. líklega eðlileg viðbrögð í hita leiksins en bráðfyndið að fylgjast með þessu.. 

[Reykavíkingur (IP-tala skráð) 5.7.2007 kl. 19:23]

Greinilegt að menn sjá bara það sem þeir vilja sjá. Ég er líka búinn að horfa margoft á markið og mér finnst algjörlega augljóst að Bjarni gerir þetta viljandi. Það að hann horfi ekki á eftir knettinum gerir þetta bara meira áberandi. Reynir að skjóta yfir markvörðinn en reynir að láta þetta líta út sem óviljaverk. Greinilegur ásetningur í þessu hjá honum og til háborinnar skammar fyrir hann og ÍA. Um framkomu Keflvíkinga skal ég ekki segja þar sem fréttir af því sem gerðist inni í íþróttahúsinu eru mjög misvísandi. En menn geta nú varla furða sig á því að hann hafi eitthvað fengið að heyra það. Skrárra væri það nú.

[Sigurður Elvar Þórólfsson, 5.7.2007 kl. 20:10]

Reykavíkingur: Við erum greinilega ekki sammála en það þýðir ekki að ég hafi rétt fyrir mér og þú rangt fyrir þér eða öfugt. Eftir Kastljósþáttinn í kvöld þar sem rætt var við Bjarna, Guðjón, Guðmund Steinars og Kristján, komu upp nýir fletir á þessu máli.

[Kristján Eldjárn Þorgeirsson, 5.7.2007 kl. 23:35]

Sæll Sigurður Elvar!

Það sem mér finnst einkennilegast við þetta er hvernig Keflvíkingar haga sér eftir að boltinn lendir í netinu.  Ég get svo sem skilið reiði þeirra en að vaða í Bjarna með svona látum lýsir þeim meira heldur en hvort þetta hafi verið ásetningur eða ekki hjá Bjarna.  Hvað ef Keflvíkingar hefðu haldið ró sinni þá er aldrei að vita nema Skagamenn hefðu leyft þeim að skora?  En með þetta mál sem gerðist eftir að dómarinn flautaði af, það á að mínum dómi ekkert skilt við fótbolta.  Þetta er fáránleg framkoma, hvort sem Skagamenn eða Keflvíkingar hafi átt upptökin af þessu,og á ekki að sjást.  Ég hef nú um nokkra ára skeið verið liðstjóri hjá Selfossliðinu í handbolta og þar hefur maður lent í því að menn hafi kanski eldað grátt silfur í leiknum og svo kanski eitthvað orðaskak á milli manna eftir að leik sé lokið, og þá venjulega takast menn í hendur og skilja "sáttir".  En að menn fari að elta leikmenn andstæðinganna inn í klefa það veit ég ekki til að hafi gerst. Og er örugglega minni öryggisgæsla á handboltaleik heldur en fótboltaleik.  Það þori ég að fullyrða.   

[Magnús Þór Jónsson, 6.7.2007 kl. 00:54]

Enn hefur enginn lagt í að spyrja Guðjón og forsvarsmenn ÍA hvers vegna þjálfarinn fór ekki "hollensku leiðina" þrátt fyrir beiðni fyrirliðans.

Alls konar persónuárásir og skítkast komast að, en enginn vill ræða um "Háttvísi, höfum rétt við", einkennisorð KSÍ.

Bjánalegt að tala um viðbrögð Keflvíkinga við marki Bjarna.  Dómarinn stjórnaði því algerlega og veitti engum spjald.  Þegar að ljóst var að markið átti að telja, þá fyrst varð allt vitlaust.  Það er nefnilega kjarni málsins. 

Ég er að byrja að vorkenna Bjarna, en skil ekki alveg Guðjón!!!

Mínar heimildir úr klefanum segja nákvæmlega það að Bjarki varamarkmaður Keflavíkur og markmaður ÍA til einhverra ára hafi misst sig og Skagamenn misst sig til baka.

Dómarar og eftirlitsmaður KSÍ gerðu enga athugasemd við nokkuð eftir leik, líka bara mínar heimildir.

Bjarni lent í atviki á Keflavíkurvelli í fyrra, í kjölfarið missti þjálfari Keflavíkur sig í viðtali og fékk leikbann og sekt frá KSÍ fyrir.