Sveittur hamborgari á raðgreiðslum

Afhverju datt mér þetta ekki í hug. Staðarskáli er að sjálfsögðu gullmolinn sem á eftir að auka hagnað N1 verulega á næstu áratugum.

Vegasjoppa dauðans  - og allir sem hafa rennt sér með fjölskylduna inn á slíka staði vita að þar er verðlagið í takt við allt annað hér á Íslandi. Okur...  Fiskur og franskar eða  , sveittur hamborgari á  raðgreiðslum og  lítið gosglas á yfirdráttarvöxtum.

Núna fattar maður það afhverju strákarnir frá Rússlandi sem voru að spila körfubolta með okkur í gamla daga sátu úti í rútu og borðuðu nestispakka eins og góðir Norðmenn gera. Á meðan létum við hinir hafa okkur að fíflum í vegasjoppum út um allt land..... 

Ekki skrýtið að  matvöruverslanir og  veitingastaðir á Íslandi  auglýsi  það sérstaklega að "nýtt greiðslukortatímabil" sé hafið.  Alveg magnað..

Ætli það sé búið að selja Olíustöðina í Hvalfirði?, Botnskálinn er farinn., ég ætla að tékka á Ferstiklu.. það er góður bissness - allir hættir að fara í gegnum Hvalfjarðarrörið ekki satt? Ferstikla...það er málið enda er flest fólk fífl..

N1 kaupir Staðarskála

Athugasemdir

[Hafliði (IP-tala skráð) 27.8.2007 kl. 10:39]

Vel mælt !

Reyndar finnst mér þetta með raðgreiðslurnar svo fyndið, að í hvert sinn sem ég versla í svona búllum hér eftir þá ætla ég alltaf að spyrja um raðgreiðslur þegar kemur að því að strauja kortið  : )