Sparkað í afturendann á fasteignasölum

Yfirburðir 68'árgangsins í golfi eru gríðarlegir og leikreynsla úr öðrum íþróttum er vanmetin þegar keppt er í holukeppni.

Fasteignasalarnir Bogi Mölby Pétursson og Hákon Svavarsson  voru með bros á vör eftir 12 holur í öðrum af alls þremur úrslitaleikjum þessa tímabils gegn síðuhaldara og Alexander Högnsyni. Bogi og Hákon unnu fyrstu viðureignina á heimavelli okkar á Akranesi en það kom í ljós síðar að útreikningur á forgjöf var rangur enda ekki séns að þeir geti unnið okkur nema með svindli.

Þeir starfa jú við þetta alla daga

Leikplanið gekk fullkomlega upp hjá 68'árgangnum. -

Reynum að hafa þetta jafnt eftir 9 holur þannig að þeir gefist ekki upp eftir fyrri hringinn," sagði Alexander enda rigndi eins og hellt væri úr fötu og Hákon er ekki mikið fyrir það að blotna - hárgreiðslan gæti farið úr skorðum.

Leyfum þeim að ná sér aðeins á strik eftir 12-13 holur," sagði fótboltakappinn á 5. braut.... það gekk einnig eftir... "síðan spörkum við í afturendann á þeim á lokasprettinum með "íþróttasálarfræði" og taktískum leik."

Það var ekki að spyrja að því. Eftir 16. holu í Hvaleyrinni vorum við búnir að snúa leiknum okkur í hag...unnum þrjár holur í röð og á 17. teig var búið að ganga frá heilabúi Hákons með þeim hætti að hann gat varla slegið boltann.. 2/0 game óver...

Þetta heitir REYNSLA.. og af henni eigum við nóg.. Burgerinn og sá kaldi í leikslok var besta máltíð ársins - enda í boði lúseranna. Djöfull er golf einföld íþrótt.

Við heimkomuna var okkur fagnað samkvæmt venju.. með flugeldasýningu..

Athugasemdir

[Guðrún Elsa (IP-tala skráð) 29.8.2007 kl. 11:03]

Sæll Elvar

Má til með að kvitta fyrir komuna.

Alveg sammála með yfirburði okkar árgangs, þá er alveg sama hvar borið er niður.  Greinilegir yfirburðir í golfi og ýmsu öðru...........  Enda alveg sérstaklega vel heppnaður árgangur frá Akranesi !

[Bogi Molby Pétursson (IP-tala skráð) 29.8.2007 kl. 11:57]

Það eru til íþróttamenn sem leika íþróttina sem heiðursmenn á heiðarlegan hátt og óprúttnir íþrottamenn sem beita öllu því svínslega sem fyrirfinnst í mannlegu eðli til þess eins að hljóta sigur í lok leiks.  Ef þessi hegðun sem þið sýnduð í gær er reynsla þá get ég ómögulega metið hvort hún bætir þig og Alla sem persónur.   Ég ætla nú ekki að fara nákvæmt út í hegðun ykkar né lýsa henni í smáatriðum hér á þessum vettvangi.  En engin kraftur í veröldinni getur haldið mér frá að undrast á umræðuefninu sem þið komuð með á 16. og 17. teig.  Þetta eigið þið Alli að vita, að Hákon er tilfinningaríkur og auðsærður persónuleiki og allt tal um kynlíf kemur sálar- og tilfinningalífi hans á hvolf.   Ég spyr hvernig á einstaklingur í slíku ástandi,sem hann var í á þessum augnablikum að geta skarað fram úr í íþrótt sem krefur leikmenn um mikla samhæfingu líkamshluta, mikla nákvæmni og afburða fínhreyfingar?  Mig rekur alls ekki minni  til að Lið HB hafi á nokkurn hátt reynt að brjóta ykkar einbeitingu með sóðatali né reynt að beygja einbeitinguna  ykkar frá íþróttinni til annar hneigða ykkar sem ég blygðast við það eitt að hugsa um.  Ég er þér algjörlega sammála um að allir sigrar er  sætir og fátt gleður magan meir eftir 18 holur en gratis burger.  En í mínum huga er ekki sama hvernig sigurinn er fengin og hvaða ráðum er beitt til að sigra. En engu að síður var útivistin góð og gangan hressandi.

ps.  Hvað var þetta með Bridgestoneboltann sem fannst 75 m aftar en allur leitarflokkurinn taldi? Þetta hefur verið hátt í 111 m drive hjá Alla, með vindi.

[Sigurður Elvar Þórólfsson, 29.8.2007 kl. 13:06]

Þetta skrifaði Mölby með rassinum  - enda er skottið á honum það stórt að massinn hefur áhrif á flóð og fjöru...  p.s.  boltinn  hans Alla var 70 metrum fyrir  framan smellhitta besta dræv ævi þinnar Bogi minn og ég hefði aldrei tímt að gefa honum nýjan Bridgestone bolta.. þú veist það vinur  - eða á ég að kalla þig vin? vertu ekki svona bitur eftir tapið - kapalsjónvarpið í Ólafsvík hefur greinilega farið illa með þig á æskuárunum.. 

[Bogi Molby Pétursson (IP-tala skráð) 29.8.2007 kl. 16:08]

Nú nú það er þessi týpan.

Pabbi minn er stærri en pabbi þinn!