KKÍ reynir að fækka í starfsstétt íþróttafréttamanna

Ég ætla að kvarta yfir því að forráðamenn Körfuknattleikssambandsins eru vísvitandi að reyna að fækka í starfsstétt íþróttafréttamanna. Ég fór á landsleikinn við Georgíu og aftur í gær á leikinn geg Austurríki.

Hvað eru menn að pæla?

Það er vitað að helsti veikleiki okkar sem skrifa um íþróttir eru sælgæti, skyndibiti, gosdrykkir og mjöður. Í báðum leikjunum hefur ekki sést í vinnuborðin fyrir súkkulaði, gosdrykkjum og sveittum flatbökum alla leið frá útlöndum - Wilson. Og svo er okkur einnig boðið í VIPPIÐ þar sem að enn glæsilegri kræsingar voru í boði.

Ef litið er snöggt yfir stétt íþróttafréttamanna þá getur hvaða barn sem er séð að við erum ekki beint í neinni fokhættu í haustlægðunum. Kólestórólið er núna í botni og allar hugmyndir mínar um breyttan lífsstíl eru foknar úti í veður og vind.

Ég óska eftir því að forráðamenn KKÍ fari ekki alveg svona yfir strikið í næstu heimaleikjum landsliðsins. Úrvalið var eins og þáttur með Sirrý á stöð2, yfirdrifið....

Vatn, gulrætur og ávexti, og kannski kaffi og XO á næsta heimaleik.

Þegar menn fá svona mikinn sykur beint í æð þá verða vítaskot að vítaköstum..í hita leiksins og Friðrik verður sonur Friðriks og Stefán, faðir títtnefnds Friðriks, fer að gruna konuna sína um græsku og allt verður vitlaust..

Íslendingar lögðu Austurríkismenn 91:77

Athugasemdir

[HBG (IP-tala skráð) 6.9.2007 kl. 13:30]

Talaðu fyrir sjálfan þig. Sjálfur er ég í kjörþyngd og lifi á Húsavíkurjógúrti.