"Ég vorkenni ekki íslenskum blaðamönnum að þurfa að sitja úti,"

Íslendingar eru gestrisnir og vilja taka vel á móti þeim sem hingað koma. KSÍ er að sjálfsögðu á þessari línu og þeir fjölmörgu blaðamenn sem hingað koma á landsleikina gegn Spánverjum og N-Írum fá flestir húsaskjól á Laugardalsvelli. Enda mikilvægt að láta gestum líða vel og njóta leiksins við bestu aðstæður. 

Íslenskir íþróttafréttamenn sem skrifa um íþróttir í dagblöð eru sjómenn stéttarinnar. Við stöndum úti á dekki í hvaða veðri sem er á meðan kollegar okkar úr ljósvakastéttinni sitja inni í hlýjunni, tala útlensku og éta vínarbrauð. Við herðumst á þessu og kynnumst íslenskri náttúru. 

Reyndar sat einn reyndur garpur úr ljósvakastéttinni á meðal okkar í frilufts aðstöðunni á Spánarleiknum. Arnar Björnsson. Égheld reyndar að hann hafi verið í upptöku á þættinum Tekinn....menn sitja ekki sjálfviljugir í nýju blaðamannaaðstöðunni í grenjandi rigningu.

En hvað eru menn að væla. Við fáum frítt á leikinn, veitingar eru í boði, kaffi og samlokur, og sætin eru á besta stað á vellinum. Helv. frekja í stétt íþróttafréttamanna að ætlast til þess að fá að sitja inni við vinnu sína.

Svona er þetta í útlöndum og þá er alveg hægt að gera slíkt hið sama á Íslandi. "Ég vorkenni ekki íslenskum blaðamönnum að þurfa að sitja úti," sagði formaður KSÍ í útvarpsþættinum á fotbolti.net í gær. Ég geri því ráð fyrir því að formaðurinn verði með okkur í blaðamannastúkunni í kvöld og komist að því sem allir vissu.. rigningin á Íslandi kemur úr öllum áttum.

Kominn tími á sigur

Athugasemdir

[Skúlinn (IP-tala skráð) 12.9.2007 kl. 11:17]

Bíddu situr Geir ekki 5 metrum fyrir aftan ykkur ?

Þegar vinnuaðstæður er lélegar, þá hættir fólk yfirleitt.

Getur kannski komið því til skila til hans Henrý.
Hann ætti að snúa sér að Saving Iceland eða einhverju slíku væli.

[Sigurður Elvar Þórólfsson, 12.9.2007 kl. 11:21]

Því er hér með komið til skila - enda er Henry helsti aðdáandi Moggabloggsins..

[HBG (IP-tala skráð) 12.9.2007 kl. 13:31]

Skúli minn, hef ekki tíma í að bjarga íslandi, er að bjarga KSÍ og blaðamönnum.

Moggabloggið rules man !!!