Ekkert núll og nix

Leikur Vals og Aftureldingar í N1-deildinni í handbolta sem fram fór í gær var eftirminnilegur. Leiktíminn var "spænskur"  -20:30. Leikurinn sjálfur var jafnáhugaverður og 10 fréttir sjónvarpsins á RÚV. Geisp. 

Það var planið að vera með beina textalýsingu frá Vodafonehöllinni, en þráðlausa netið var í pikkles í fyrri hálfleik. Vodafone hvað? - og upphaf síðari hálfleiks tafðist um ca 20 mínútur vegna bilunar í leikklukku.

Valsmenn deyja ekki ráðalausir. Þulur leiksins sem sat við hliðina á mér tók að sér að tilkynna hvernig staðan var í hátalarakerfinu, og hann gerði það vel.

Ég stakk upp á því við kollega mína sem sátu í blaðamannastúkunni að við tækjum að okkur að mynda tölustafi með líkamanum og gefa þannig til kynna hver staðan var.

Í stöðunni 20:19 fyrir Aftureldingu sagði ég við Dag á DV að við gætum myndað töluna 20, ég yrði 2 og hann 0.

Dagur hafði alveg húmor fyrir þessu en við hefðum verið helv. góðir saman í stöðunni 0:0................

Athugasemdir

[tom (IP-tala skráð) 26.9.2007 kl. 13:03]

Netið í rugli í VODAFONE höllinni?

[Hjörtur Júlíus Hjartarson, 26.9.2007 kl. 17:32]

Mér finnst ég skynja vissa óvild frá þér í garð Ríkisútvarpsins, komrat Elvar, hmmmm.

[Sigurður Elvar Þórólfsson, 26.9.2007 kl. 17:44]

Alls engin óvild..komrat Hjörtur

ég vildi óska þess að RÚV fengi fjármagn og mannskap til þess að vera með alvöru fréttatíma seint á kvöldin í stað þess að tæma úr "skúffunni" með einhverjum sveppafréttum eða rofabörðum á Suðurlandi. 

[Dagur (IP-tala skráð) 26.9.2007 kl. 17:49]

Er að vinna í því að koma mér niður/upp í 1. Gengur hægt.

[Hjörtur Júlíus Hjartarson, 26.9.2007 kl. 21:30]

Jæja, segðu! Það er víst ekki von á því í bráð ef marka má þann gæðamiðil DV, sem flytur nánast daglega hörmungarfréttir af peningaástandi stofnunarinnar...En mikið er ég sammála þér að öðru leyti.

[HBG (IP-tala skráð) 26.9.2007 kl. 22:35]

Sáttur við að Hjössinn sé orðinn PR-maður Rúv :)