Jón Arnór á skotskónum?

Hjörtur Hjartarson á RÚV er búinn að ráða sig sem prófarkarlesara á Moggann og Fréttablaðið. Það er bara gott mál að fá aðhald frá Hjössa.

Enda maður með puttann á púlsinum.

Mér fannst reyndar bara skondið að Jón Arnór Stefánsson körfuknattleiksmaður var á "skotskónum" í sjónvarpsfréttum RÚV á mánudagskvöldið. Hann skoraði 19 stig fyrir Róma gegn NBA-liðinu Toronto Raptors í æfingaleik.  

Kannski að Jón Arnór hafi mætt á æfingar með Totti og félögum og lært ný trix?

Þessi færsla var í boði REI. 

Athugasemdir

[Gunnar Níelsson, 9.10.2007 kl. 13:30]

Ja sko góðan daginn en hvernig skora svona karfar eins og Jón Arnar sín stig ?  Með skotum ha ?  Eru ekki skórnir jafn mikilvægir á körfubolta og fótbolta ?   Þ.e.  þú hoppar ekki eins og kengúra á inniskóm. Má þá ekki segja að  maðurinn hafi verið á  SKOT-skóm ??  Hártogun hugsanlega en strangt til tekið þá ætti þetta að geta gengið.

Bestu kveðjur og takk fyrir skemmtilega síðu þó síðuhaldari sé Spursari.

Ps. p.s Hvað er að frétta af blaðamannastúku á Laugardalsvelli, ég á teppi, gömul falleg KA-teppi sem ég get sent ef framkv. eru ekki klárar.

[Hjörtur Júlíus Hjartarson, 9.10.2007 kl. 14:30]

Það er gaman að ég fái jafnstóran sess á þessari síðu eins og raun ber vitni. Reyndar hjó ég eftir því sama þegar ég sá 10-fréttirnar á mánudaginn. Hugsaði það sama, erfitt væri að vera á skotskónum í körfubolta. Eeen, ef við teygjum þetta aðeins, þá er Jón í skóm og hann er að skjóta, og þ.a.l. á skotskóm. Hmmmm, sleppur kannski ekki...

[Sigurður Elvar Þórólfsson, 9.10.2007 kl. 16:03]

Þú átt bara eftir að stækka í þessum bloggheimi...........

[Hjörtur Júlíus Hjartarson, 9.10.2007 kl. 19:43]

Þú ert svona eins og Jón Gnarr í auglýsingunni fyrir sælgætið Djúpur, þegar hann talar um hversu djúpur hann sé að stundum skilji fólk hann hreinlega ekki, ekki einu sinni hann sjálfur. Þetta svar-comment frá þér álíka mind-boggling og vangaveltur Jóns...

[Sigurður Elvar Þórólfsson, 9.10.2007 kl. 20:46]

Við sem erum að vinna hérna uppi á hálendinu, rétt hjá Hveradölum, (Hádegismóar) höfum það fyrir venju að fara út reglulega og reykja njóla. Er samt sem áður ekki viss um að þetta sé njóli. Gæti verið eitthvað enn dýpra. Þar kemur skýringin á þessu helv. bulli.