Kusum naktir í búningsklefanum

Ég veit ekki hvernig framkvæmdin á kjöri leikmanns ársins í Landsbankadeildinni fer fram. 

Það sem ég veit er að leikmenn fá kjörseðil og velja sjálfir besta leikmanninn en geta ekki valið leikmann úr sínu liði.

Ég veit hinsvegar hvernig þetta kjör er í úrvalsdeildinni í körfubolta. Ég tók þátt í nokkrum kosningum, og ferlið er svona:

Umslag með öllum atkvæðaseðlunum er sent á fyrirliða eða forsvarsmann félagsins.

Fyrirliðinn fær umslagið og deilir út atkvæðaseðlunum til leikmanna á æfingu. 

Leikmenn setjast niður í búningsklefanum, hlið við hlið.

Sumir gátu bara kosið naktir, reyndar voru mjög margir sem kusu naktir. Veit ekki afhverju.

Ýmsar spurningar vöknuðu. Hver er besti nýliðinn?, besti dómarinn?, þjálfari ársins?, besti leikmaðurinn?, úrvalslið ársins. Sumir þurftu aðstoð við að rifja upp gang mála á leiktíðinni. 

Oftar en ekki er skortur á pennum á svæðinu. Mjög algengt tæknilegt vandamál

Það kom fyrir að atkvæðaseðlarnir voru mun fleiri en leikmennirnir sem eru á æfingu. 

"Hver vill meira" spyr fyrirliðinn og einhver tekur 5-6 seðla til viðbótar og fyllir þá út. 

Það hefur einnig komið fyrir að fyrirliðinn sat nánast einn með alla kjörseðlana og fyllti þá út sjálfur. 

Atkvæðaseðlunum var síðan safnað saman í eitt umslag sem fyrirliðinn sá um að senda á KKÍ.

Mjög opin kosning og það var mjög auðvelt að hafa áhrif á valið hjá yngri leikmönnum.

Ég er ekki að segja að þetta sé svona í fótboltanum. Vonandi er kerfið miklu betra þar á bæ. En maður veltir því samt sem áður fyrir sér hvernig þetta er framkvæmt.. 

Val á besta leikmanni og þjálfara ársins í öllum boltagreinunum verður alltaf umdeilt.

Ég held að Keflavík hafi í gegnum tíðina fengið ótrúlega fáar viðurkenningar á lokahófi KKÍ - miðað við afrek liðsins. Sigurður Ingimundarson hefur t.d. aldrei fengið viðurkenninguna, þjálfari ársins. Þrátt fyrir fjóra Íslandsmeistaratitla frá árinu 1997.

Samsæri?

Veit það ekki. En þetta er samt sem áður ótrúleg staðreynd.

Ég held að Sigga sé alveg sama um titilinn þjálfari ársins á meðan hann landar öðrum titlum sem þjálfari. 

E.s. myndin sem fylgir færslunni er ekki af mér.   

Athugasemdir

[Rúnar Birgir Gíslason, 24.10.2007 kl. 10:52]

Þó ég hafi aldrei tekið þátt í þessari kosningu þá hef ég alltaf heyrt að þetta væri svona. Margir kalla þetta vinsældakosningu, Keflvíkingar hafa oft haft á orði að menn vilji ekki kjósa þá. Aðrir segja að það sé sjaldnast stjarna í Kef, frekar stjörnur og þá dreifist atkvæðin.

Veit ekki hvaða leið er best í þessu. Held að margir leikmenn taki þessu ekki alvarlega.

En um að gera að velta þessu fyrir sér og spyrja sig hvernig sé hægt að gera þetta betur.

[Svanur (IP-tala skráð) 24.10.2007 kl. 16:54]

Telur þú líklegt að enn þann dag í dag kjósi einhverjir körfuknattleiksmenn að kjósa naktir? Kv, SMS

[Sigurður Elvar Þórólfsson, 24.10.2007 kl. 18:30]

Ég veit það ekki. Við vorum kannski bara svona skrýtnir.

En ég er viss um að þeir sem voru nálægt John Taft á sínum tíma í búningsklefanum voru ekki lengi að fara í nærfötin.

Sá gaur var langt fyrir utan Evrópustaðalinn.

[Svanur (IP-tala skráð) 24.10.2007 kl. 21:54]

John Taft er líklega með þeim betri sem spilað hafa hér á landi en samt er það nú svo að nafn hans er þekkt sem einhverskonar goðsögn hvað varðar ákveðinn líkamshluta. Sagan segir að ólíklegustu menn hafi tekið upp á því að kíkja á æfingu hjá Val bara til þess að eins að skoða gripinn. Sel það þó ekki dýrara en ég keypti það.  Mbk, Svanur

[Sigurður Elvar Þórólfsson, 24.10.2007 kl. 22:13]

Það eru bara til góðar sögur af Taftaranum....en hann var helv. góður í körfubolta.

[Stálið (IP-tala skráð) 25.10.2007 kl. 17:26]

Þú varst sum sé fyrirliðinn...