Kóróna framsóknarjakkaföt og sixpensari

Það er allt að gerast. Íslenska landsliðið í handbolta er ekki lengur lélegasta lið í heimi og EM gæti orðið skemmtun.

Flottur leikur í dag.

Ég hef hinsvegar miklar áhyggjur af Framsóknarflokknum í borgarstjórn Reykjavíkur.

Henry Birgir má ekki bregða sér til Niðarósa þá fer allt til fjandans í flokknum hans út af einhverjum Kóróna jakkafötum.

Björn Ingi hótar að hætta og prestsonurinn Guðjón Ólafur frá Saurbæ í Hvalfjarðarsveit er ekkert að skafa utan af því í bréfinu fræga.

Í stuttu máli er innihald bréfsins þetta. "Þegar ég var með þá vorum við langflottastir en eftir að ég hætti þá er þetta allt í tómu tjóni."

Ég held að innsti kjarni Framsóknarflokksins verði að fá Henry heim hið snarasta áður en allt fer úr böndunum.

Reyndar er Henry með sixpensara sem ég gruna að hann hafi fengið árið 2006 fyrir  borgarstjórnarkosningarnar. Þetta er allt hið undarlegasta mál.

 

Athugasemdir

[Henry Birgir (IP-tala skráð) 20.1.2008 kl. 01:46]

Þetta er skelfilegt mál, hef þegar reddað varamanni inn til Noregs og kem heim á morgun með fyrstu vél enda ástandið slíkt að ekki verður við unað.

Þess má svo geta að Bingi borgaði fyrir pensarann en rukkaði svo flokkinn fyrir hann til baka enda rándýrt helvíti.