Einn kaldur á 1200 kall

Hrökkbrauðið hrökk ofaní mig þegar Hallgrímur Indriðason á RÚV sagði frá því í 11 fréttum að gengisvísitala íslensku krónunnar væri 180 og eitthvað!!!

Það sem hræðir mig mest er að einn kaldur (0,4 l.) gæti kostað 1200 kall á veitingastað í Osló..(60-70 nkr.)

Hvað segja blankir námsmenn í Osló um þetta? 

Á námsárum mínum í Osló sá ég að þeir sem dreifðu dagblaðinu Aftenposten á næturna voru með hærri laun en grunnskólakennarar á Íslandi.

Samkvæmt lauslegri könnun minni fá þeir sem bera út Aftenposten yfir blánóttina (1:30-6:00) um 200.000 nkr. á ári sem gera um 3,4 milljónir ísl. kr eða rúmlega 283.000 kr. á mánuði. 

Það er eins gott ef bjórinn kostar 1200 kall...

Það væri gaman að fá dæmi af bjórverði á Íslandi, Danmörku, Englandi og víðar.... þetta er mjög mikilvægt atriði fyrir þá sem ætla sér að ferðast á næstunni :-)

Athugasemdir

[Guðrún Jónína Magnúsdóttir (IP-tala skráð) 26.9.2008 kl. 12:02]

Heyrðu! þetta er flott, norsarar fjölmenna til Rvíkur til að kaupa ódýrar merkjavörur. Fátt er svo með öllu illt...