Sagði hann dottað?

Ég var í bílnum í gær  þegar ég heyrði útvarpsmann á Bylgjunni minna á skoðanakönnun á Bylgjan.is.

Hann sagði: "Og stjórnendur þáttarins Reykjavík síðdegis spyrja í dag hvort ökumenn hafi sofnað eða dottað undir stýri. Farðu inn á Bylgjan.is og svaraðu spurningunni"......

Ég var alveg glaðvakandi en mér fannst þetta ansi tvírætt. 

"Sagði hann dottað? eða var þetta t þarna í upphafi orðsins?  hugsaði ég." 

Uno

1 leikur hjá Woodgate.. ég er bara ánægður ef hann nær fleiri en 9 leikjum sem var heildartalan hjá drengnum í herbúðum Real Madrid. 

Hann hefði kannski átt að velja sér lægra númer á keppnistreyjuna hjá Real Madrid.....

Ég er ekki í vafa um að allir halda að þetta séu verstu kaup sögunnar hjá mínum mönnum... en kannski á Woodgate eftir að sýna snilldartakta.. hver veit? 

Ef hann verður með gegn Man. Utd. á laugardag þá eru það stórtíðindi.. tveir leikir í röð. Og hann er nr. 39 hjá mínum mönnum.. ætli hann nái 39 leikjum áður en hann leggur skóna á hilluna?

 

1998–2003 2003–2004 2004–2007 2006–2007 2007–2008 2008–

Leeds United Newcastle United Real Madrid → Middlesbrough (lán) Middlesbrough Tottenham Hotspur

104 leikir (5) mörk 028 leikir (0) mörk 009 leikir (0) mörk 027 leikir (0) mörk 019 leikir (0) mörk 001 leikur (0)

 

Poyet ánægður með Woodgate

Á hvaða lyfjum eru hinir?

Þegar George O’Grady stjórnarformaður Evrópumótaraðarinnar tilkynnti á síðasta ári um lyfjapróf á atvinnumótaröðum í golfi víðsvegar um heim sagði hann að í raun þyrfti aðeins að senda einn kylfing í lyfjapróf..... Tiger Woods..

"Ef Woods er ekki á lyfjum, þá er mér alveg sama á hvaða lyfjum hinir eru..það virðist allavega ekki hjálpa þeim til þess að ná honum."

Svei mér þá ef þetta er ekki bara rétt hjá O’Grady..

Hvað með John Daly? Niðurstaðan úr lyfjaprófi úr honum er eflaust fréttaefni..... 

Ólafur F.. í Little Britain?

Það er allt að verða vitlaust út af þessum Spaugstofuþætti sem sýndur var á laugardaginn.

Ég brosti og hló nokkrum sinnum og það hefur ekki gerst lengi yfir Spaugstofunni.

Mér fannst margt af þessu bráðfyndið og kaldhæðnin í aðalhlutverki. Ég skil ekki afhverju svona margir eru að æsa sig yfir því að atburðir samtímans séu settir upp í "farsa" eða "revíu" í vikulokinn? Að  mínu mati hefðu þeir mátt ganga miklu lengra.

Ef þetta grín er sett upp í alþjóðlegt samhengi þá gætum við alveg ímyndað okkur hvernig Bretar hefðu tekið á þessu upphlaupi í Borgarstjórn Reykjavíkur?

Little Britain? Spaugstofan er bara sunnudagsskóli miðað við margt annað sem við sjáum daglega í sjónvarpi.

Harpa Hreinsdóttir kennari við Fjölbrautaskóla Vesturlands hittir naglann á höfuðið í þessari færslu. Þar tekur hún Ólaf F. í nefið en Harpa hefur ekkert að fela þegar kemur að umræðu um geðsjúkdóma eða geðsýki.....

"Af hverju er valdamikill maður, borgarstjórinn í Reykjavík, að reyna NÚNA að draga umræðu um geðsjúkdóma niður á sama plan og upp úr 1975, þegar menn göptu yfir Gaukshreiðrinu  hans Milos Forman, gerðri eftir bók sem kom út 1962 og byggði á reynslu Ken Kesey af vaktmannsstörfum á geðsjúkrahúsum nokkrum árum fyrr." 
 

Tognun í aftanverðu læri?

Læknisskoðun já.

Vonandi eigum við góða lækna sem telja að ekkert sé að leikmanninum.

Tognun í aftanverðu læri?

mhmhmhmhmhmhmhmhmhmhmhmhmhhmhmhmhmhmh

Woodgate til Tottenham

IKEA selur bíla!

Bílaflotinn á heimilinu er kominn á besta aldur. Á undanförnum mánuðum hef ég verið að skoða ýmsa möguleika í bílakaupum. Fór í B&L og skoðaði Range Rover ekinn 140.000 km. sem kostaði 7,9 millur. Djók. Frétti síðan af því að IKEA væri að ryðja sér inn á markaðinn með frábærri lausn.

Maður þarf bara þetta

 

 

 

 

 

 

 

 

 

 

og síðan setur maður saman bílinn........

Handbolti í fótboltabænum

Íslenska landsliðið náði markmiðum sínum - þrátt fyrir 11. sætið. 

Það munaði  hinsvegar  litlu að Norðmenn stælu af okkur þessu sæti í forkeppninni.

Hinsvegar varð ég vitni að atviki hérna á Akranesi sem hefur ekki sést lengi.

Fimm ára púki kom vælandi fram af "boltaganginum" vegna þess að hann fékk bolta í andlitið.

Það var handboltaleikur í gangi á Akranesi.

Fréttaefni.

Handbolti er ekki víst ekki á dagskrá hjá íþróttafélögum á Vesturlandi.

Síðasta stoppistöð handboltans áður en haldið er norður í land frá Höfuðborginni er Mosfellsbær. Ég veit ekki hvort handbolti er stundaður á Blönduósi en ef svo er ekki þá er Akureyri næsta bæjarfélag þar sem handbolti er stundaður.

Snæfellsnes og Vestfirðir eru ekki með neitt "klístur" í gangi og á Egilsstöðum hafa menn reynt að blása lífi í Hött af og til.

Þegar farið er suður með landinu frá Austfjörðum í vesturátt, er handbolti stundaður í Vestmannaeyjum og á Selfossi. Á öðrum stöðum ekki. Á Suðurnesjum er karfan allsráðandi. 

Handboltinn hefur ekki náð að festa sig í sessi í mörgum bæjarfélögum og með tilkomu knattspyrnuhúsa víðsvegar um land held ég að það verði jafnvel enn erfiðara að keppa við knattspyrnuna. 

Ísland í forkeppni Ólympíuleikanna og Króatía áfram

Gott komment

Kristján Júlíusson alþingismaður átti kostulega setningu í viðtali á Bylgjunni í morgun. Hann sagði m.a. að mikið væri rætt um heilsufar Ólafs F. Magnússonar. Og fannst honum nóg komið af þeirri umræðu. 

Kristján minnti á það að Ólafur væri sá eini af 15 borgarfulltrúum Reykjavíkur sem væri með læknisvottorð um að hann væri heill heilsu.

Nokkuð gott komment.

Handboltakona fer á kostum

Sálfræðingurinn Hafrún Kristjánsdóttir sem er leikmaður Vals í handboltanum er spaugileg í þessari færslu.

Stórsniðugt.

Jíha

Tímamót í mínu lífi.

Ég hef aldrei horft á leik þar sem að mínir menn leggja Arsenal að velli.

Og eftir öll vonbrigðin á EM í handbolta þá var þessi leikur í gær algjör konfektmoli.

Mamma gamla sextug og Tottenham vinnur Arsenal. Það vantaði bara Heklugos til þess að fullkomna þetta.

Ég held meira að segja að sá yngsti á heimilinu sé að fá áhuga á Tottenham. 

Hann var eitthvað að daðra við Arsenal en slíkt er ekki í boði á þessu heimili.

Tottenham í úrslit eftir stórsigur á Arsenal

Mamma fær bráðum frítt í strætó

Hver  getur trúað því að þessi kona sé  að skríða á sjötugsaldurinn?

Ekki ég.

Til hamingju með afmælið mamma.

Það eru ekki nema 7 ár þar til þú færð frítt í strætó!!

Bestu kveðjur  til Tenerife. Og ekki týna kallinum. 

Er ekki annars fellibylur að  ganga yfir eyjuna? 

 

 

 

Skák og mát - skylmingar

Bobby Fischer átti leik dagsins. Skák og mát. Þvílík snilld. Þingvellir hvað??

Það fóru fram fleiri leikir í dag sem sér ekki fyrir endann á.

Ég sá þessa sakleysislegu mynd á bls. 27 í Mogganum í dag.

Mér fannst hún góð eftir umræðuna um framsóknar jakkafötin og hnífasettin í bakinu.

Mér finnst reyndar að allir framsóknarmenn sem koma úr sveitinni á mölina ættu að fá fatastyrk. 

En myndin er góð. 

 
 

EM: Snilldarskrúfa úr hægra horni

Fékk þetta myndband sent frá Bolvíska stálinu.

Það er ekki laust við að þetta flokkist undir snilld.

Stálið kom gríðarlega á óvart í EM horninu í gær.

Hann var þokkalegur til fara.

Var ekki þvoglumæltur eins og tíðkast hjá honum síðdegis á sunnudögum og það sem er merkilegast af öllu.

Hann svaf ekki yfir sig.

:-)

Bolvískt stál og hnífur -framsóknartengt

Ég er á þeim aldri að maður hefur jafnmiklar áhyggjur af foreldrum sínum í útlöndum og börnunum einum á ferð á Akranesi.

Fékk reyndar meldingu í dag sem gefur til kynna að allt sé í stakasta lagi á Tenerife hjá foreldrunum.

"Síðan hvenær hefur þú haft áhyggjur af framsókn" er spurning dagsins  -beint frá Tenerife.

Mér skilst einnig að faðir minn hafi lýst upp umhverfið með því að fara úr síðbuxunum á þriðja degi. Án efa sá hvítasti á svæðinu.

En er hægt að hringja í útvarp Sögu frá Tenerife? 

Ég hef svo sem ekki miklar áhyggjur af framsókn. Þeir sjá alveg um það sjálfir að framkvæma pólitískt sjálfsmorð. Reyndar fannst mér prestsonurinn frá Saurbæ vera sannfærandi í Silfrinu í dag.

"Með mörg hnífasett í bakinu" er frasi dagsins. Kannski að hnífasettin hafi verið gerð úr bolvísku stáli.. muha.

Landsleikur Frakka og Íslendinga var frekar mikil einstefna. Stutt í kúkinn sagði einhver.. úff við gátum ekki neitt..

Kristján Jónsson, Bolvíska Stálið, var aðalmaðurinn í EM settinu á RÚV.

Enda er maðurinn með vandræðanlegan áhuga á Jackson Richardsson.. og öllum frönskum klísturköppum.

Stálið kom vel fyrir og var snyrtilegur, en samt svolítið wild.

Hann var í kóróna jakkafötum sem Framsóknarflokkurinn hafði ekki not fyrir og það verður víst alveg spaklegur eftirmáli af þessu jakkafatamáli hjá Stálinu.

EM stofan er síðdegisefni og sem betur fer.

Ég hafði áhyggjur af því að Silfurgræna Micran og Stálið væru ekki komin í gang á þessum tíma.

Það hefði verið eðlilegt að sofa yfir sig?

Guðjón prestsonur og Kristján Jónsson eru sjónvarpsmenn dagsins.. 

Bolvískt stál og hnífur.... 

Guðjón Valur sá eini á topp 40

Minn maður í liði Svartfjallalands, Alen Muratovic, er næst markahæsti leikmaður EM.

Hann hefur greinilega haft gott af því að losna undan ráðríki Vujovic. 

Íslenska landsliðið á einn leikmann á topp 40 yfir markahæstu leikmenn EM. Guðjón Valur er í 19. sæti með 5,5 mörk.

Er það ekki bara ágætt að eiga fleiri sem geta ógnað..

Ég held það. 

 

 

Kóróna framsóknarjakkaföt og sixpensari

Það er allt að gerast. Íslenska landsliðið í handbolta er ekki lengur lélegasta lið í heimi og EM gæti orðið skemmtun.

Flottur leikur í dag.

Ég hef hinsvegar miklar áhyggjur af Framsóknarflokknum í borgarstjórn Reykjavíkur.

Henry Birgir má ekki bregða sér til Niðarósa þá fer allt til fjandans í flokknum hans út af einhverjum Kóróna jakkafötum.

Björn Ingi hótar að hætta og prestsonurinn Guðjón Ólafur frá Saurbæ í Hvalfjarðarsveit er ekkert að skafa utan af því í bréfinu fræga.

Í stuttu máli er innihald bréfsins þetta. "Þegar ég var með þá vorum við langflottastir en eftir að ég hætti þá er þetta allt í tómu tjóni."

Ég held að innsti kjarni Framsóknarflokksins verði að fá Henry heim hið snarasta áður en allt fer úr böndunum.

Reyndar er Henry með sixpensara sem ég gruna að hann hafi fengið árið 2006 fyrir  borgarstjórnarkosningarnar. Þetta er allt hið undarlegasta mál.

 

Líkleg skýring á eineltinu

Alen Muratovic sem ég minntist á í þessari færslu frá EM í Sviss 2006 er leikmaður Svartfjallalands á EM í Noregi.

Það skýrir kannski eineltið hjá Veselin Vujovic sem var þjálfari Serbíu/Svartfjallalands á EM 2006. Það var einhver rígur og hatur þarna í gangi.

Muratovic blómstrar með Svartfellingum í Noregi enda aðeins 19 mánuðir frá því að landið fékk sjálfstæði.

Hann skoraði 9 mörk gegn Dönum í kvöld og er aðalmaðurinn í þessu liði.

Meira af Muratovic síðar. 

Takk fyrir og bless á RÚV

Jæja.  Fyrsti leikurinn á EM var eins og dæmigert Júróvísjónpartý.

Væntingar, spenna, gleði og síðan óendanleg vonbrigði.

Þessi fertugi markvörður lét skjóta í sig rúmlega 20 sinnum.

Hef aldrei skilið hvað það er sem fær menn til þess að velja það að fara í mark í handbolta. Að fá boltann í sig eftir þrumskot af stuttu færi? Það er vont.

Tomas Svensson verður fertugur á þessu ári líkt og síðuhaldari. Hann virðist vera í betra formi en ég.

Kannski að maður taki sig á og endi ferilinn með kombakki hjá 2. deildarliði ÍA.

Búningurinn hans Anthony Sullen hlýtur að vera til eða þá búningurinn á gaurnum sem var í ÍA þegar liðið fór upp í úrvalsdeild 1993. Stewart að mig minnir. Hann var með farangursgeymslu sem tók pláss inn í teig. Rassinn á honum var svo stór að hann hafði áhrif á flóð og fjöru.

Verð að hrósa RÚV fyrir góða eftirfylgni eftir leikinn gegn Svíum í gær. Eða þannig.

"Við þökkum fyrir okkur, verið þið sæl."

Óskiljanlegt að vera ekki með spekinginga í spjalli eftir leikinn eins og gert var fyrir leikinn. Vissulega tafðist upphafið á leiknum um einhverjar mínútur en kóm ón. 

Guðmundur Guðmundsson kom frekar illa út í settinu hjá RÚV fyrir leikinn. Þetta minnti mig á hundleiðinlega spurningaþáttinn, ertu skarpari en skólakrakki. Það vantaði svona upphækkun fyrir Guðmund. 

Guðmundur horfði upp til þeirra Baldvins og Júlíusar þar sem þeir stóðu við borð. Hefði kannski gengið ef Adolf Ingi og Geir hefðu rætt við Guðmund. 

En Júlíus var eins og Yao Ming þarna við hliðina á Guðmundi.

Eldur í hóteli íslenska landsliðsins

Jæja. Lína Langsokkur og Emil í Kattholti rúlluðu okkur upp í Þrándheimi í kvöld á EM.

Ástandið var það slæmt að það kviknaði eldur á hóteli landsliðsins og það var ástand á Brittania hótelinu.

Neðsta hæðin var rýmd og þrír aðilar voru fluttir á sjúkrahús vegna gruns um reykeitrun. 

Nóg með það. Kannski bara stormur í vatnsglasi hjá norsku pressunni.

Í kvöld var frumsýning á nýju kerfi sem tölvugúrúarnir á mbl.is hafa á undanförnum tveimur dögum verið að vinna að. 

Leikur Íslands gegn Svíum var í beinni lýsingu og var úrvinnslan á lýsingunni með allt öðrum hætti en áður.

Það eru nokkur atriði sem við þurfum að fínpússa fyrir næsta leik en að öðru leiti held ég að þetta hafi tekist vel.

Þetta er komið til að vera og núna verður ráðist í beinar lýsingar á alls kyns íþróttaviðburðum. 

Það væri gaman að fá komment á þetta nýja kerfi og hvað mætti þá laga?

  

Ísland - eða Fjölnir vs. Keflavík

Það hefur kannski ekki farið framhjá landsmönnum að EM í handbolta byrjar í dag.

Ísland - Svíþjóð kl. 19:15.

Eflaust verður ekki kjaftur á ferð á götum Íslands í kvöld - jú kannski á Reykjanesbrautinnni og í Grafarvogi.

Fjölnir  - Keflavík er nefnilega á dagskrá kl. 19:15 í kvöld í Iceland Express deild karla. 

Ég bíð spenntur eftir áhorfendatölum úr Grafarvogi.