Ástþór hótar að blogga

Ég las fréttina á dv.is í fljótheitum og áttaði mig á því að fyrirsögnin er að sjálfsögðu ekki rétt.

Ástþór er að hóta bloggara en ekki að hóta því að fara að blogga... hjúkk.

Ástþór Magnússon hótar bloggara

"Þetta er frekar mikið"

Útvarp Reykjavík, nú verða sagðar fréttir....

blablabla.. og talið er að skuldir Íslands vegna Icesave reikninga séu um 640 milljarðar... blablabla..

10 ára gutti leggur við hlustir, lítur upp úr íþróttasíðunni og spyr.

"Pabbi, hvað eru margar milljónir í einum milljarði, eru það 100?"

"Nei vinur, það eru 1.000 milljónir í einum milljarði."

"Ertu ekki að grínast?, afmælispeningarnir mínir í 1.000 ár myndu ekki duga fyrir einu skrilljónprósent af 640 milljörðum,"  sagði ungi maðurinn og hélt áfram að slafra í sig hunangs sjéríósinu...

"Þetta er frekar mikið," bætti hann við..

 

Hvar eru konurnar?

Ég horfði á Útsvar á RÚV í gær. Skagamenn.

Mitt bæjarfélag að keppa við Kópavog.

Í mínu liði var maður sem hefur ekki búið á Akranesi í 30 ár!..........

Það fannst mér skrýtið og undarlegt.

Nenni ekki að fylgjast með framhaldinu.

Kópavogsliðið skipað þremur "eilífðargettubetur" vitringum sem eflaust vinna þetta eins og í fyrra... 

Ég spyr líka.

Hvar eru konurnar? 

Fjórða þorskastríðið hafið

Fjórða þorskastríðið er hafið...

fjári fyndið framtak..

Íslendingar eru ekki alveg búnir að missa skopskynið....

Heyrði í dag að Harry Redknapp stjóri Tottenham hefði óskað eftir því að dagskrá vetrarins yrði breytt.

Hann leggur til að Tottenham mæti rauða liðinu frá Everton, þetta með Carlsberg merkinu framaná í hverri einustu viku fram í maí..

 

Skeggvöxtur og íþróttir?

Evrópumeistaramót í skeggvexti var önnur af alls TVEIMUR íþróttafréttum RÚV í 20 fréttum sjónvarpsins.

Ég hef reynt að láta það eiga sig að tuða yfir því sem fram fer á öðrum íþróttafréttamiðlum - en keppni sérvitringa sem safna andlitshárum er kannski frétt en ekki íþróttafrétt.....

RÚV hefur gefið upp boltann... skora á einhvern hér á landi að setja upp EM í rassháravexti og toppa það síðan með HM í pungháravexti... það væri PÚÐUR í því... allt í beinni á RÚV?

Með leyfi forseta

Bútur úr ræðu Kolbeins kafteins alþingismanns...

Með leyfi forseta: 

"Fari það í þúsund trilljón tryllta, tarfóða, tólgsadda, tannhvalsétandi, termítabitna túnfiska í Trékyllisvík!

Það bráðvantar týpur eins Kolbein í íslensk stjórnmál...

Reiður og yfirvegaður...Þetta bréf fannst mér fyndið...

Ég held að félagar okkar í Kína muni redda okkur um yfirdrátt... ÓRG óðalsbóndi á Bessastöðum fundaði með bæjarstjóranum í Ólympíuþorpinu í Peking í sumar. Þar liggja okkar möguleikar... 

SEND

Lánið frá Færeyjum mun næstum því duga fyrir rekstrarkostnaði FL-Group/Stoða árið 2008. Hjúkk. 

Það hefur eitthvað verið minnst á alþjóða félagsmálastofnunina hér á landi að undanförnu. IMF.

Það er víst eitthvað á reiki hvort umsóknin um yfirdráttinn hafi borist frá Íslandi.

Var sigld með bréfið á víkingaskipinu Íslendingi?, eða er þetta rafræn umsókn. !

Kannski að -b bóksali geti ýtt á SEND fyrir ríkisstjórnina. Málið dautt.

Það er líka hugmynd að fá þessa gaura til þess að leysa úr gjaldeyris skortinum á Íslandi. 

 

Einar Bárðarson gæti kannski plöggað big time á Alþingi og komið þessu í gegn.

Electricity, heights and women

Ég mæli með þessu myndbandi. Skemmtileg útivinna. Rafmögnuð spenna.

Og lokasetningarnar eru kómískar.

"There's only 3 things I have ever been afraid of...Electricity, heights and women... and I'm married too." 

Hugsum lengra

18 er talan

Auðvitað eru stýrivextir á Íslandi í 18%. Það eru víst 18 sjússar í vískíflöskunni......hvað um það...

Ísland er öðruvísi.. samanber þessi samantekt..

Golfmót. 8. nóvember. Á Íslandi. Garðavelli, Akranesi, á sumarflötum. Mæti, ekki spurning.. 

 

 

Tæringaráhrif brennisteinsvetnis í andrúmslofti

 

 

 

 

Ég var að stússast í sjónvarpsmálunum á heimilinu í dag og datt óvart inn í útsendingu frá Alþingi. Alveg satt.

Fylltist öryggistilfinningu að heyra það sem þar fór fram.. hmhmhmhmhm..

Allt í tómu tjóni á klakanum...og störf þingsins voru að sjálfsögðu í samræmi við ástandið.

Störf þingsins 05. nóv.

Tæringaráhrif brennisteinsvetnis í andrúmslofti.

Sæstrengir í friðlandi Surtseyjar.

Útbýting þingskjala:

Mengunarmælingar við Þingvallavatn.

Húsaleigusamningur ríkisins og ríkisstofnana

Lífsýnasöfn, 123. mál.

Jamm...ég átti nefnilega erfitt með svefn í gær þar sem ég velti fyrir mér tæringaráhrifum brennisteinsvetnis í andrúmslofti.... 

 

 

 

 

 

 

 

 

 

 

Ísland - best í heimi

Fékk þetta sent frá Noregi eftir atburði gærdagsins. Glitnir, Landsbankinn, Kaupþing....Ótrúlegt..
	November 5.

Most Corrupt Countries, 2008

Rank	Country
1.	Iceland
	Somalia
2.	Iraq
3.	Haiti
4.	Tonga
	Uzbekistan
5.	Afghanistan
	Chad
	Sudan
6.	Congo, Democratic Republic
	Equatorial Guinea
	Guinea Myanmar
	Laos

Nígeríumaður hækkar stýrivexti

Obafemi Martins hækkaði stýrivextina á Íslandi um 2% í kvöld.

Nígeríumaðurinn skoraði bæði mörk Newcastle í 2:0-sigri gegn Aston Villa í ensku úrvalsdeildinni.

Tottenham er því aftur á botninum, 20. sæti. Þýðir það ekki 20 % stýrivexti? ef kenningin er rétt...

Línulegt samhengi stýrivaxta og velgengni

Ég sé að stýrisvaxtahækkunin er strax farin að virka vel -  í London....

Ég spái því að það verði línulegt samhengi á milli stýrivaxta Seðlabankans og stöðu Tottenham í deildinni..

Bendi því til staðfestingar að Spursliðið er í 18. sæti eftir 2:1 sigur gegn hinu liðinu frá Everton....

þessu rauða með Carlsbergmerkinu framaná.. man ekki í augnablikinu hvað þeir heita...

Hver þarf lán frá Rússlandi eftir sigurmarkið frá Pavlyuchenko ... óborganlegt.