Sultugel á kantinum

Ég efast ekki um að það verður alveg brjálað að gera hjá öllum í íslenska hópnum sem er mættur til leiks í Finnlandi á Júróvísjón.

Alveg hellingur sem þarf að gera og margir boltar á lofti.

Það var skondið að lesa viðtal við Svavar hárgreiðslustílista í Fréttablaðinu í dag., hann fer með til þess að eiga við rauða faxið á Erik Hawk. En fær samt ekki að greiða og blása hárið á gaurnum eins og hann vill....

Er Eiki ekki bara með heddandsjólders í lummó snyrtitösku eins við hinir?, Smá ítalskt sultugel á kantinum og málið er dautt?

Það þarf ríkisstarfsmann í slík stórverkefni.

0,5 km/ltr. meðaleyðsla

Samkvæmt rannsókn sem gerð var í Bandaríkjunum árið 2006 þá ganga Bandaríkjamenn að meðaltali um 1500 km. á ári. Önnur rannsókn fann það út að Bandaríkjamenn drekka að meðaltali 83,28 ltr. af bjór á ári.

Þeir komast því 18 km á hverjum ltr. Er það gott eða slæmt? Ég hef lauslega áætlað að ég sé frekar í efri mörkum þegar kemur að samanburði á þessu sviði. 

Ég spila ca 30 hringi á ári í golfi... um 210 km., og ég er fyrir ofan ársmeðaltali í USA þegar kemur að því að bæta upp vökvatap líkamans með sérstakri blöndu af vatni, malti og humlum. (innihaldslýsing á Lite frá Viking). 

Mér sýnist að ég komist um 0,5 km. á hverjum ltr. af sérstakri blöndu af vatni, malti og humlum.

Það er ca. dræver, hálfviti, 52. gráðu fleygjárn og tvö pútt. 

Mér datt þetta í hug þegar ég sá konuna sem vann Hummerinn í einhverju happdrætti.

Hún var afar glöð enda ekki á hverjum degi sem að 67 ára gömul kona getur farið í mjólkurbúðina á Hummer ? Hver er meðaleyðslan á Hummer, 40 lítrar á hundraði?

Kaffið var miklu betra í morgun

Hafði ekki orku í að horfa á þetta í nótt. Kaffið var miklu betra í morgun þegar ég kíkti á netið. Stórfréttir úr NBA og Nelson gamli sendi Mark Cuban eiganda Dallas fínar kveðjur með góðum varnarleik. 

Hver segir að kallinn vilji ekki láta lið sín spila vörn, Dirk Nowitzki??? Hver er það? Ég sé fram á andvökunætur í maí en á ekki von á því að þurfa vaka mikið í júní, hver veit? Hérna er ágæt upprifjun á óvæntum úrslitum úr NBA.

Gat ekki stillt mig um að minnast á aðra svona 1. og 8. rimmu í úrslitakeppni í körfubolta.

Grindavík - ÍA, oddaleikur þann 23. mars í Grindavík. Þar var þessi ungi gríski leikmaður í liði Grindavíkur. 

 

Slæm hryllingsmynd fyrir Dallas

Stutt í kúkinn

Skilaboðin eru; það er stutt í kúkinn.

Markvörður er hetja, fagnar, fagnar, fagnar og .....

Skoska landsliðið í handbolta

Það er mikil ábyrgð sem fylgir því að vera markvörður.

Mistök hjá þeim eru sýnilegri en hjá öðrum leikmönnum. Þessi gæti kannski komist i skoska landsliðið í handbolta.

Ætla sko að hjóla í vinnuna

Skráði mig í ofurlið Morgunblaðsins sem ætlar sko að hjóla í vinnuna það sem eftir ársins.

Fann ekki gjaldskrá fyrir reiðhjól í nýrri gjaldskrá Spalar. 

Ef Botnskálinn væri enn við lýði þá mætti skoða það að fara fyrir Hvalfjörð  nokkrum sinnum í viku, Akranes-Rauðavatn-Akranes.

Verð á bláu hjóli sem er merkt Sæmundur. 

 

Ný gjaldskrá fyrir Hvalfjarðargöng

Feluleikur á heimavelli

Hef ekki vakað svona lengi yfir NBA-boltanum í mörg ár. Leikurinn í nótt var stórskemmtilegur, Dallas með +20 stig í fyrri háfleik, en skotsýning Warriors kom þeim inn í leikinn aftur. Ég hélt að Nowitzki ætlaði að halda áfram að vera í feluleik í fjórða leikhluta en hann reyndist vera með þýskt stál þegar á reyndi. Er sannfærður um að Warriors taka þetta á heimavelli aðfaranótt föstudags.

Talandi um feluleik. Ég á frænku sem er að verða fjögurra ára. Hún elskar feluleik og fær stundum nei þegar hún spyr hvort einhver vilji koma í feluleik.

Hún fékk hinsvegar alla athyglina um liðna helgi þegar hún fór í feluleik við afa og ömmu. Þau voru svo dugleg að leita og fengu fullt af öðru fullorðnu fólki til þess að hjálpa sér að leita. Frábær skemmtun fyrir þá stuttu.

Verst að hún frænka var stödd í Rúmfatalagernum þegar hún fór í feluleikinn. Hún fannst, um síðir og það voru sumir orðnir frekar órólegir þegar leikurinn stóð sem hæst. Ekki hún frænka mín. Hún kann sko að fela sig. 

Hó......

NBA: Dallas og Toronto eygja enn von

Veðrið á kjördag ræður úrslitum

Heyrði áhugaverðá kenningu á föstudagskvöldið.

Frekar seint um kvöldið.

Þar var fullyrt að örlög næstu ríkistjórnar gætu ráðist á veðrinu á kjördag.

1.) Ef veðrið verður vont, rok og rigning, eru meiri líkur á því að kjósendur vilji breytingar.

2) Ef veðrið verður gott, sól og blíða, eru minni líkur á því að kjósendur vilji breytingar.

Ég væri til í að fá gott veður, bara til þess að komast í golf fyrir hádegi á kjördag.  

Bjarni Ármannsson ráðherra?

Bjarni Ármannsson verður ráðherra í næstu ríkisstjórn ef núverandi meirihluti fellur....

Heyrði þetta plott í dag á 9. braut á Garðavelli... fékk par enda hugmyndin góð.

Ömurlegt dræv, þokkalegt annað högg. Gott vipp og einpútt.

Bjarni væri fínn ráðherra.

 

-e.s. þeir sem eru að taka þátt í skoðanakönnun síðuhaldara er bent á að eftir að hafa tekið upp nýjan lífsstíl verð ég á forsíðu Vikunnar um miðjan ágúst. "Heineken-kúrinn" svínvirkar. Seth missti vitið og 64 kg.

 

Warriors og Anja

Þar sem að ég hef verið dyggur stuðningsmaður Golden State Warriors í um tvo áratugi er okkar tími kominn. Baron Davis með easy þriggja stiga körfu í myndbrotinu hér fyrir neðan.

 

Man einhver eftir því þegar Denver Nuggets vann Seattle Supersonics í fyrstu umferð úrslitakeppninnar?

Fékk ábendingu um að Anja Andersen væri rugl-uð. Get alveg tekið undir það

Anja Andersen er rugl

Ég sá þessa handboltakonu leika listir sínar í Noregi á árunum 1998-2000.

Þetta myndband lýsir henni vel.

 

 

Ég skora á Guðjón Val Sigurðsson að taka upp eitthvað álíka dæmi. Áskorun. Stökkva inn í helv. markið með boltann eftir hraðaupphlaup. Og taka Íslandsmeti í langstökki í leiðinni.