Kauptækifæri - dulið eigið fé

Það er eitthvað sem býr að baki.

DeCode hefur ekki skilað krónu í kassann.

Gengi félagsins hefur verið álíka og hjá Stoke þegar það var í eigu Íslendinga.

Það er samt eitthvað Víkingalottódæmi í gangi þarna hjá Kára og félögum.... menn eru alltaf með  - í von um að fá þann stóra... en er það ekki alltaf einhver frá Arndal í Noregi sem vinnur...

"Annars var þetta nú ekkert sérstakt" - HBS, Englandi 2005.

Tap deCODE yfir 4 milljarðar

Með greind á við tilraunarottu

Ég held að það séu margir bílstjórar sem eru varla með greind á við tilraunarottur. Það eru fjórar myndavélar í "rörinu" undir Hvalfjörð og sá sem ekur á 146 km hraða í göngunum er að sjálfsögðu enginn mannvitsbrekka. Líklega ungur karlmaður með mp3 í botni. Ég held að það væri ráð að seinka bílprófsaldrinum...eða hvað?? 

 

Ég fer nokkuð oft í göngin og það eru ótrúlegustu hlutir sem eiga sér stað á þessum stutta kafla. Dráttarvélar á ferð á milli 8-9 að morgni með 300 metra bílalest á eftir sér. Steypubílar á 20 km hraða, í suðurátt, kranabílar á 10 km. hraða í suðurátt þar sem ekki er hægt að fara framúr með góðu móti. Á leið í norður keyra mjög margir á vinstri akrein á tvöfalda kaflanum og ætla að hleypa umferð framúr á hægri akrein. Snilld. 

Atvinnubílstjórar með aðra hönd á stýri, 40 tonn í eftirdragi og síminn í þeirri vinstri. Algeng sjón. Það er því alltaf spenna í göngunum og heldur manni við efnið..

 

"Annars varð þetta nú ekkert sérstakt -" (HBS, England 2005)  

 

 

Ofsaakstur í Hvalfjarðargöngunum

No name drengur og stúlka ársins

Ég hélt að það væri spennandi að vera á þingi - alltaf í sviðsljósinu. Svo virðist ekki vera... Jón Gunnarsson þingmaður Samfylkingarinnar hefur verið á kafi í vinnu undanfarin ár.

Líkt og hún þarna frá Blönduósi, sem varð undir í prófkjöri Samfylkingarinnar í N-V kjördæmi á eftir skólastjóranum og prestinum.

Ég fylgist mikið með fréttum en ég hef aldrei rekist á þessa einstaklinga í umræðunni eða í ljósvakamiðlum? Fyrr en á allra síðustu dögum þegar þau urðu undir í prófkjörum.

Sig. Elvar.

"Annars var þetta nú ekkert sérstakt" - (Halldór Bragi Sigurðsson, Englandi okt., 2005). 

Jón Gunnarsson hættir í stjórnmálum

Einn hring í kringum malarvöllinn - eða Tottenham

Enski boltinn var gleðiefni helgarinnar.

Þar sem mínir menn, Tottenham, áttu ekki í vandræðum með meistaralið Chelsea á White Hart Lane.

Reyndar gladdi það mig meira að Arsenal tapaði gegn West Ham. Pardew nánast búinn að fá Wenger í sveitaballaslag á kantinum.

Það væri gott sjónvarp. Tveir stjórar að slást.  Annars er álagið á þessum köllum hrikalegt og má lítið útaf bregða til þess að æsa þá.

Matthías Hallgrímsson knattspyrnusnillingur frá Akranesi á sök á því að margir af '68 árangnum á Akranesi eru eldheitir stuðningsmenn Tottenham. Matthías var þjálfari árgangsins á sínum tíma og í upphafi æfinga sagði hann alltaf:

"Þeir sem halda með Tottenham fá sér bolta og mega byrja að sparka í markið. Hinir hlaupa 5 hringi í kringum völlinn."

Þessi hernaður Matta heppnaðist með ágætum. 

- "Annars var þetta nú ekkert sérstakt."

(Halldór Bragi Sigurðsson, Englandi okt. 2005). 

Chuck Taylor viðraður

Körfubolti - er frekar einföld íþrótt. Það sannaðist í gær er ég mætti í "hlunkabolta" hjá ÍA í gær eftir tveggja ára hlé. Helstu afrek gærkvöldsins var að ég fór í gegnum æfinguna án þess að meiða mig. 

Hópurinn var fjölbreyttur  - gamlar hetjur og nýjar.

Ég var að sjálfsögður í Chuck Taylor (sjá mynd), leit vel út - en gat ekki neitt. Völlurinn er miklu lengri en áður, körfurnar hærri og hringurinn minni.  

Magnús Hafsteinsson nágranni minn og alþingismaður var ekki á svæðinu en það var úrvalslið lettneskra leikmanna með á æfingunni.

Vinna allir hjá Smellinn og einn þeirra hefur fengið lýsi og harðfisk í barnæsku. Nautsterkur, óslípaður 2 metra demantur.  

 

Drepleiðinleg dægurfluga Vodafone

Auglýsingar hafa mátt. Sjónvarpið vekur mesta athygli á mínu heimili. Auglýsingin frá Vodafone um dægurfluguna er alveg drepleiðinlegt og langdreginn. Hvernig er hægt að búa til svona vont efni. Þessi auglýsing hefur sömu áhrif á mig og sveitatónlist, GIS, eða hvað hann nú heitir. - Síminn heldur mér enn í heljartökum og ég færi mig ekki yfir á Vodafónið eftir síðustu herferð.

Annars var þetta nú ekkert sérstakt...(haft eftir Halldóri Braga Sigurðssyni, á Englandi fyrir ári síðan.)

Skin og skúrir í golfinu

Það var mikið að gera í golfinu um helgina. Media Masters í snarbrjáluðu veðri á föstudaginn., Konni franski reddaði deginum. Kiðjabergsvöllurinn er flottur en hrikalega erfiður í þessum ham. Vel að verki staðið hjá Haraldi Má Stefánssyni vallarstjóra - þrátt fyrir að hann sé Borgnesingur. Á laugardag fór fram síðasta mótið á Moggamótaröðinni. Í blíðu á Grafarholtsvelli. Snilldardagur og ég held að holukeppnin sé mitt fag - allavega í ár. 

  

veðrið sí og æ.,

Sæl og blessuð. 

 Er alveg að vera klikkaður á tali um veðrið sí og æ., 

 Boris og Igor (Lárus Örn og Þórólfur Ævar), hafa á undanförnum dögum aðstoðað mig við að setja saman sólpall í Jörundarholtinu og Igor (Ævar) hefur dálæti á NFS, fréttir allan daginn á 90,9. Hef ekki lagt mikið hlustir né horft á þessa nýju fréttastöð en eftir viku með "Igor" á pallinum er ekki laus við að maður vilji slökkva á þessu helv.. kjaftæði. 

 

Gott og vel en ég er alveg að missa geðheilsuna þegar ég heyri í veðurtrúðnum á NFS sem ber sama nafn og ég, Sigurður Stormur eða eitthvað álíka. Blessunarlega er hægt að slökkva á útvarpinu en ég get ekki annað en brosað þegar ég sé besta veðurfræðíng landsin, Tedda Logn, af Skipaskaga, spá í veðrið af stóískri ró.  - Hobbitinn á NFS ætti að horfa á RÚV öðru hvoru til þess eins að læra -