Sjálfsmark hjá FH-ingum

Þessi niðurstaða stjórnar FH kemur ekki á óvart. En það tók sinn tíma fyrir stjórn FH að fara yfir málið. Erfið ákvörðun án efa en ég held að "dómstóll" götunnar verði í liði með Fjölnismönnum. Davíð og Golíat. Risinn sem vaknaði í Hafnarfirði fyrir þremur árum er á góðri leið með að skora sjálfsmark og þessi ákvörðun skaðar ímynd félagsins.

FH-ingar hafa ekki unnið bikarmeistaratitilinn og vilja gera allt til þess að ná tvennunni. Ég er á þeirri skoðun að FH-ingar hefðu átt að leyfa strákunum að spila. FH-ingar eru á annarri skoðun og það ber að virða. Þótt ég sé ekki sammála þeim.

Ég ætla að nefna eitt gott dæmi hvernig svona lánsmannamál hafa verið leyst.

Fernando Morientes fékk að leika með Mónakó í fjórðungsúrslitum Meistaradeildarinnar gegn Real Madrid, en hann var í láni frá spænska stórliðinu. Hann skoraði síðan mark í 4:2 tapleik á útivelli í Madrid og  einnig skoraði hann í 3:1-sigri liðsins gegn Real Madrid á heimavelli.  Spænska stórliðið sat eftir og komst ekki áfram. Stuðningsmenn Real Madrid fögnuðu Morientes þegar hann skoraði á Bernabeu..ungmennafélagsandi þar á ferðinni....

Atli Viðar og Heimir verða ekki með Fjölni í úrslitaleiknum

Athugasemdir

[Jón Óskar Þórhallsson (IP-tala skráð) 11.9.2007 kl. 09:22]

Málið snýst nú um fleira en Fjölni og FH.  FH-ingar hafa lánað leikmenn áður og bannað leiki gegn þeim sjálfum.  ÍBV lenti í þessu í fallslagnum 2005 þegar FH var stungið af í deildinni og þeir eru einfaldlega samkvæmir sjálfum sér.  Ég kalla hinsvegar eftir því að svona samningar verði bannaðir í íslenskum fótbolta svo svona sómadrengir þurfi ekki að líða fyrir og í þessu tilviki gætti FH þess að jafnt gengi yfir alla.

[Jón (IP-tala skráð) 11.9.2007 kl. 10:09]

Morientes var nú ekki með þetta ákvæði í sínum samningi, líkt og Atli Viðar og Heimir, þannig að þessi mál eru ekki hliðstæð.

Sigmundur Pétur Ástþórsson er ekki með þetta ákvæði í sínum samningi og hann fær að spila líkt og Morientes.

[Rögnvaldur Hreiðarsson, 11.9.2007 kl. 10:56]

Ég verð að vera ósammála þér núna. Þetta ákvæði er sett inn eingöngu vegna þessa leiks svo FH þurfi ekki að leika gegn sínum eigin leikmönnum. Ég sé ekkert sem knýr FH til þess að hverfa frá þessu skilyrði. Þetta er þekkt fyrirbrigði um allan heim. Mér finnst ekki skipta máli á hvorum enda málsins "litla" félagið er. 

Er ekki rétta lausnin sú að Fjölnir gangi frá kaupsamningi á drengjunum núna úr því þeir vilja vera áfram og FH vill ekki nýta þá?

[Sigurður Elvar Þórólfsson, 11.9.2007 kl. 11:03]

Ég hef aldrei verið sammála því sem þú hefur flautað

Þetta ákvæði um að leikmenn geti ekki leikið gegn "móðurfélaginu" er líklega arfleið frá Englandi þar sem allt snýst um veðmál og "tipp". Leikmenn eru ekki settir í þá aðstöðu að geta haft áhrif á slíka hluti.

Mér finnst þetta Fjölnismál einstak., þeir sem tapa á þessu eru leikmennirnir, því það eru ekki allir sem fá tækifæri til þess að leika í bikarúrslitaleik á ferlinum. Fjölnir kaupir þá bara og málið er dautt.. 

[Jón (IP-tala skráð) 11.9.2007 kl. 11:11]

Eins manns dauði er annars brauð. Fá þá ekki aðrir leikmenn tækifæri til að leika úrslitaleikinn í stað þessara tveggja FH-inga ?  Jafnvel uppaldir Fjölnismenn

[Rögnvaldur Hreiðarsson, 11.9.2007 kl. 12:13]

Þér er greinilega skítkalt ennþá....