Helvíti næs

Ég hef á undanförnum tveimur dögum komist að því að það er víst bráðnauðsynlegt að vera með miðstöðina í lagi í bílnum.

Hinn franskættaði Rúnólfur sem var framleiddur árið 1999 og skírður Megane er eitthvað tregur á hitanum þessa dagana og það er sami hiti inni í bílnum og fyrir utan.

Mínus 12 gráður í dag... brrrrr..

Ég keyrði því hægt í gegnum Hvalfjarðargöngin þar sem að hitastigið fór alveg upp í 4 gráður þarna í botninum á göngunum.

Helvíti næs í smá stund. En síðan fór hitamælirinn í mælaborðinu niður á við aftur..... 

Ég hélt líka að löggann myndi stoppa mig á Kjalarnesinu. Var með lambhúshettu og grifflur.

Athugasemdir

[Svanhildur Karlsdóttir, 1.2.2008 kl. 18:20]

Knúsaðu Önnu frá mér, með kveðju frá gömlu eróbykkjunni