KR

Ég fór á stórleik KR og Keflvíkur í Iceland Express deildinni í körfubolta í gær.

Að venju var "Miðjan" stuðningslið KR-inga í góðum gír.

Þeir eru vel æfðir og gera frábæra hluti.Og í úrslitakeppninni í fyrra voru þeir frábærir. Ég hrósaði þeim í blaðagrein í Mogganum og þeir einbeittu sér að því að STYÐJA sitt lið og sungu sigursöngva.

EN..... í gær fóru þeir yfir strikið.. þegar einkamál einstakra leikmanna eru viðruð í þaulæfðum samsöng þá fannst mér það ekki vera FYNDIÐ.

Miðjan hefur átt góða brandara í gegnum tíðina en þegar einn eða tveir leikmenn eru teknir í eineltismeðferð vegna útlits og atvika sem gerast fyrir utan körfuboltavöllinn þá finnst mér menn vera komnir á svipað plan og stuðningsmenn Lazio eða Roma...

 

Athugasemdir

[Baldur (IP-tala skráð) 16.2.2008 kl. 11:55]

Ég get ekki verið sammála þér í því þegar þú ert að lýsa því yfir að miðjan sé komið á svipað plan og stuðningsmenn Lazio eða Roma. Þú verður að kynna þér betur hvernig stuðningmenn Lazio og Roma eru áður en þú setur svona fullyrðingu fram.  Þeir eru með kynþáttafordóma á hæsta stigi og eru oft með slagsmál á leikjum.  Þú hefur aldrei séð stuðningsmenn miðjunnar slást eða standa fyrir skrílslæti á lekjum eða eftir leiki.  Vissulega er stundum skotið á menn og menn geta stundum verið ósammála hvort það sé fyrir neðan beltisstað eða ekki en að vera líkja miðjuna við stuðningmenn Lazio og Roma er of langt gengið.

[Svenni (IP-tala skráð) 16.2.2008 kl. 13:46]

Ef það er til að taka menn útaf laginu eins og gerðist í gær þá á ekki að hika við að nota þetta

[Sigurður Elvar Þórólfsson, 16.2.2008 kl. 14:08]

Sæll Baldur

Kannski er sterkt að nota Lazio og Roma í samanburðinum. En það er þunn lína þarna á milli. Ef það má gera þaulæft grín að útliti og líkamsþyngd leikmanna, og þeirra einkamálum? Er þá ekki næsta skref að gera grín að uppruna þeirra? Ég vona ekki og ég veit að Miðjan hefur ekki hug á því að fara yfir þessa þunnu línu.

Það sem var í gangi í leiknum í gær gegn Keflavík var að mínu mati alveg á landamærunum....Miðjan hefur oft gert betur og ég vona að þeir einbeiti sér að því að styðja við sitt lið en ekki að fyrri afrekum og líkamsþyngd einstakra leikmanna.  

[Baldur (IP-tala skráð) 16.2.2008 kl. 16:23]

Get ekki verið sammála þér Sigurður það er sko órafjarlægð frá því að vera þunn lína.  Þessir "aðalstuðningsmenn" Roma og Lazio eru bullur sem fara bara á völlinn til að slást og hafa læti.  http://www.fotbolti.net/fullStory.php?id=54719 

Ekki voru það miðjumenn sem ætluðu að hlaupa inn á völlinn og hafa læti i gær þú minnist ekkert á það.  Það hefur aldrei verið neitt vesen hvar sem miðjan hefur farið um landið en móttökurnar hafa verið misgóðar og stundum verið heimaliðinu til skammar.

[Sigurður Elvar Þórólfsson, 16.2.2008 kl. 21:20]

Sæll aftur Baldur.. við erum ekki sammála.. ég virði þínar skoðanir.

Það sem gerðist á sjálfu áhorfendasvæðinu sá ég ekki, ég var upptekinn við annað. Og get því ekki dæmt um það sem gerðist á því svæði.

Í stuttu máli: Miðjan er að gera fína hluti. Miðjan fór yfir strikið að mínu mati þegar einkamál, útlit og þyngd, leikmanna eru aðalatriði í "baráttusöngvunum". Þeir eiga að beina kraftinum í annað....

e.s. Ef leikmaður úr Keflavík eða einhverju öðru liði mætir á leik hjá KR eiga þeir von á "kveðju" frá Miðjunni?

eða dómari úr úrvalsdeild mætir á leik hjá KR sem almennur áhorfandi - á hann von á "kaldri kveðju"..... 

Það er kalt á toppnum menn verðað finna það út hvar þolmörkin liggja...

[RaggiKR (IP-tala skráð) 17.2.2008 kl. 00:35]

Sæll Vinur Veit ekki betur en að hann Röggi Dómari hafi setið með Keflavíkurstuðningsmönnunum sem og tryggvi Guðmunds og Gumma Ben Ekki urðu þeir fyrir neinu frá okkur enda skiptir það eingu máli með hverjir eru í stúkunni nema að það séu KR LEGEND þá fá þeir hrós frá okkur!! Svo líka vissi maður að það kæmi sá dagur að einhver fjölmiðlamaðurinn færi að setja útá okkur!!Það er aldrei skrifað um lætin sem að önnur lið og þeirra fólk er með í okkar garð og svo er það eitt að við höfum alltaf gert það að taka mestu hættuna úr liði mótherja og reynt að kæfa hana með svona lögum!! Þó svo að þér finninst þetta ekki í lagi að við gerum þetta þá er þetta eitthvað sem að hefur verið partur af Fótbolta og Körfubolta um allann heim!! Spurning um að ef að menn höndla ekki pressuna og nokkrar kyndingar í leiðinni þá er bara kominn tími á að hætta og snúa sér að prjónamennsku!!!! Ætla að enda þetta á eini bestu setningu sem að hefur heyrst og kom eftir KR-snæfell í úrslitum í fyrra frá Brynjari Snillingi og er svona! LOSERS GO HOME!!!! Þetta er ekki flókið þú verður að vera pressuspilari í dag annars geturu bara hætt þessu

[Arnar (IP-tala skráð) 17.2.2008 kl. 02:02]

Þessi skot voru einungis til að taka Magga úr sambandi. Það gekk 100% upp. Finnst þetta algjör óþarfi að vera væla eitthvað yfir þessu.

En hvað við syngjum um að gæjinn sé feitur og stuðningsmenn þeirra gefa okkur Puttan, er það alveg eðlilegt eða?

En ég mæli með því að þú farir á leik út í Ítalíu eða Þýskalandi, þá fyrst geturu talað um bullur og læti.

[Byssan (IP-tala skráð) 17.2.2008 kl. 03:43]

Sæll vinur. Eitt hérna í upphafi: Af hverju breyttiru heiti færslunnar eftirá? Fattaðiru kannski hvað þetta var fáránlegt komment?

Þú spurðir hvort dómari sem mætti á leik sem almennur áhorfandi myndi fá "kaldar kveðjur" frá okkur? Já ef dómarinn er Kiddi Óskars! Varðandi kveðjuna frá okkur til leikmanna hins liðsins þá eiga auðvitað allir leikmenn gestanna von á því að fá kveðju frá okkur Miðjumönnum. Það er jú okkar hlutverk að skapa stemmningu á leikjunum, sem og við jú gerum!

Þú hinsvegar setur þetta upp eins og stuðningurinn hafi verið í aukahlutverki en því fer fjarri. Þú tókst greinilega betur eftir því þegar við tókum kyndingasöngvana heldur en þegar við studdum liðið enda sungum við nokkuð marga KR-söngva (að venju) þetta kvöld og sungum heillengi og nánast allan leikinn um að við værum ÍSLANDSMEISTARAR!!!

Og á meðan sumir neikvæðir fjölmiðlamenn taka þessum söngvum okkar illa (sem allir aðrir taka vel í) þá eru stuðningsmenn gestaliðsins (og bara núna um daginn leikmaður og þjálfari hins liðsins) að gefa okkur ítrekað miðputtann sem skrifast á góðri íslensku: að gefa fokkjúmerki! Aldrei er skrifað um það en fyrir skemmtilega söngva viltu henda frá þér setningum eins og  "Miðjan fór svo sannarlega yfir strikið" eða "dansaði á þunnum landamærum milli þess að vera beinskeittir og að vera jafn sóðalegir og hrottalegir og stuðningsmenn Roma og Lazio". 

Síðan er mjög fyndið að þú segir að við höfum oft verið betri og nefnir því til sönnunar úrslitakeppnina í fyrra sem margir tala enn um vegna þess að þar bjuggum við bara allt í einu í fyrsta skipti til stemmningu í kringum innanhúsleiki á Íslandi. En þar vorum við t.d. að syngja um Egil (3 metra manninn í Njarðvík) að hann væri 20 kíló. Það var allt í lagi en núna erum við í "ruglinu" og "orðnir eins og stuðningsmenn Lazio og Roma". Svona neikvæðni er hvað stærsta vandamálið sem íslenskir fjölmiðlamenn eiga við að stríða en vonandi leysist það með tíð og tíma. En við skulum samt ekkert vera of jákvæðir á að slíkt gerist :)

Menn mega ekki alltaf taka þessi örfáu "slæmu" dæmi og mikla þau svo mikið fyrir sér að menn séu farnir að byggja kastala í sandkassanum heima hjá sér til að gera mál úr engu. Reynum að skemmta okkur frekar á leikjunum og það hlýtur að vera fagnaðarefni að í fyrsta skipti í sögunni er farin að myndast stuðningsmannaumgjörð í kringum innanhúsíþrótt á Íslandi. Þótt það sé ekki hjá nema einu liði, þá er það allavega ágætis byrjun!

Góðar stundir.

[Svanur Már Snorrason (IP-tala skráð) 17.2.2008 kl. 18:22]

"...að þar bjuggum við bara allt í einu í fyrsta skipti til stemmningu í kringum innanhúsleiki á Íslandi." Vafasöm fullyrðing í meira lagi. Þú ert líklega það ungur, Byssa (sem miðað við lengd pistilsins ert eiginlega haglari), að þú hefur aldrei heyrt um leiki sem fram fóru í íþróttahúsinu við Strandgötu í Hafnarfirði hér á árum áður. Þar var alvöru stemmning, og þótt þið Miðjumenn séuð góðir þá funduð þið ekki upp stemmninguna. Annars bara bestu kveðjur og ég vona innilega að KR verji titilinn í vor og þið í Miðjunni verðið jafn öflugir þá og þið voruð í vor. Mbk, Svanur

Ps: Annars er það alltaf skemmtilegra að lesa komment frá fólki sem skrifar undir nafni.

[Byssan (Ingvar Örn Ákason) (IP-tala skráð) 17.2.2008 kl. 19:04]

Sæll Svanur. Ég setti þessa setningu nú fram vegna þess að við vorum (allavega núna í seinni tíð) fyrstir til að búa til alvöru söngstemmningu á leikjum eins og þekkist að utan. Ég hef sjálfur farið á leiki í gömlu "góðu" Strandgötunni. Spilaði þar m.a.s. nokkra stemmningsleiki í yngri flokkunum í handbolta.

En ég er 23 ára gamall og skrifa undir nafninu Byssan þar sem ég er oft þekktur undir því gælunafni og finnst þess vegna oftar en ekki óþarfi að vera að skrifa Ingvar Örn Ákason í ofanálag.

Þótt ég sé hrokafullur að eðlisfari (enda KR-ingur og Verzlingur) þá mun ég aldrei setjast á það háan hest að segja að við höfum eitthvað fundið upp stemmninguna en það skal viðurkennast að síðustu ár, áður en við komum inn í 5. leikinn gegn Snæfelli í undanúrslitum körfunnar í fyrra, þá heyrðist ekki mikið annað á pöllunum heldur en *liðsnafn* klapp klapp klapp *liðsnafn* klapp klapp klapp! Og þetta heyrðist yfirleitt bara þegar lítið var eftir í jöfnum leikjum eða hjá liðinu sem hafði betur að lokum. Eins og staðan er einmitt núna hjá öllum hinum liðunum í deildinni.

Þannig að fullyrðing mín er vissulega vafasöm en engu að síður er mikið til í henni.

Christian Slater

[Svanur Már Snorrason (IP-tala skráð) 17.2.2008 kl. 21:03]

Sem Hafnfirðingur og Flensborgari kann ég vel að meta góðan hroka. Og ég tek alveg undir með þér að Miðjan er búin að gjörbreyta landslaginu hvað stemmningu varðar. Síðan verð ég að koma inná ákveðna pælingu í tengslum við sjálf húsin. Ákveðin hús hafa yfir sér svona stemmningssjarma, eins og Strandgatan (ég veit, þetta er nostalgía!) og Ljónagryfjan, sveitt stemmning, pungafýla og allt það. Sum hús hafa ekki uppá slíkt að bjóða, fjarlægð áhorfenda við leikmenn of mikil og svo framvegis. Og þetta er ákveðinn punktur hjá mér, því ég hef aldrei fílað KR Höllina mjög vel. Skrýtið hús og því sérstaklega flott hjá ykkur að ná þessari stemmningu. Hefði ég hatt tæki ég hann ofan. En þetta voru aðrir sálmar sem ég datt í núna. Að lokum þetta (og nú er ég að verða haglari): Þið eruð stríðnir gaurar og Seth getur verið gagnrýninn. Gagnrýni og stríðni er skemmtileg samsetning, skemmtileg blanda og ég vil meira af henni en þá án allrar viðkvæmni. Þeir sem eru í fjöri fá á sig skot og verða að taka þeim - annars er ekkert gaman að þessu. Er þetta ekki alveg rosalega auðskiljanlegur og eðlilegur pistill hjá mér? :)

Áfram KR í körfunni