Meira KR

Síðasta innslag mitt um Miðjuna, eldheita stuðningsmenn KR, virðist hafa hrokkið ofaní marga.

Miðjan hefur vakið gríðarlega athygli á undanförnum misserum fyrir góða takta. Ferskir vindar sem hafa blásið frá þeim ágætu mönnum. Sumir kollegar mínir hafa dregið upp þá mynd að ég sé í miklu stríði við þá félaga. Það held ég nú ekki. Miðjan fór að mínu mati yfir strikið í leiknum gegn Keflavík. 

Ég er ekki í vafa um að með sama áframhaldi þá fer þessi „djókur“ það mikið í skapið á stuðningsmönnum annarra liða að upp úr sýður.

Það munaði ekki miklu að „djókurinn“ færi úr böndunum á föstudag.

Ef ég hef sært Miðjuna vegna samlíkingar við ítalska stuðningsmenn þá biðst ég innilega afsökunar á því. Að mínu mati er málið einfalt. Miðjan gerir suma hluti ótrúlega vel og ætti að einbeita sér að því.

Að drulla yfir andstæðingana með vel æfðum kór vegna atvika sem eiga sér stað utan vallar, útlits eða líkamsþyngdar – finnst mörgum fyndið. Ekki mér.

Miðjan er hluti af KR.

Íþróttir snúast ekki um það að gera lítið úr andstæðingnum með orðum.

Verkin tala.

Íþróttahreyfingin hefur upp á margt gott að bjóða en ég upplifi sumt af því efni sem Miðjan bauð upp á s.l. föstudag sem vott af einelti.

Er það í lagi?

S.l. sumar varð ég vitni af því að Miðjan söng af krafti nafn Teits Þórðarsonar í fyrsta leiknum sem Logi Ólafsson stýrði liðinu. Mér fannst það frábært framtak. Ég hef heyrt Miðjuna öskra sig hása á leikjum þar sem að staða KR var vonlaus. Ég dáðist af Miðjunni í þeim leikjum.

Ég skora á þessa sterku stráka að halda áfram að hvetja sitt lið en minnka aðeins „kryddið“sem er á alveg á grensunni.  

 

Athugasemdir

[Hilmar (IP-tala skráð) 16.2.2008 kl. 22:43]

Sælir,

Ég verð að játa að ég komst ekki á leikinn og veit því ekki upp að hvaða marki miðjan þandi sig. Hins vegar er það alþekkt að menn "chanti" á leikjum. Það gerist útum allan heim. Mér er minnistætt þegar Man.Utd mætti Chelsea og Eiður okkar Smári hafði grátið eftir að Chelsea var slegið úr leik í Meistaradeild Evrópu. Allir sem einn á Old Trafford sungu "I We saw you cry on the tellie". Það gjörsamlega gerði leikinn. Ekkert móðgandi eða slíkt en var hluti af leiknum.

Eins og ég sagði þá veit ég ekki hversu langt miðjan gekk í leiknum en ég held að stuðningsmannahópum sé leyft að syngja eitthvað umandstæðinginn eins lengi það er ekki kynþáttafordómar eða annað slíkt. Það er bara hluti af leiknum. Ég held líka að leikmenn liðanna séu ekki að taka þetta mjög inná sig. 

-Hilmar 

[Sigurður Elvar Þórólfsson, 16.2.2008 kl. 23:10]

Englendingar kunna þetta.. Miðjan og aðrir kraftmiklir stuðningshópar eru enn að læra. Spurningin er hvar á draga línuna? Ég er ekki viss um að þolmörkin séu þau sömu á Íslandi og Englandi....og einkamál einstaklinga eiga ekki heima í "chantinu" að mínu mati...

[Byssan (IP-tala skráð) 17.2.2008 kl. 03:47]

Siggi, þú virðist vera nokkuð ágætlega þenkjandi en virðist misskilja eitt. Þú sagðir að Englendingar kynnu þetta...

Það er ekki alveg rétt hjá þér...... MIÐJAN KANN ÞETTA!!! ;)

[einarsk (IP-tala skráð) 18.2.2008 kl. 10:26]

Þegar hópurinn syngur um Drulluvík, Maggi feiti, þú varst handtekinn um einn leikmann liðsins, þið getið ekki rassgat, drullið ykkur tilbaka í sveitina, usa usa usa og margt meira niðrandi og um hluti sem koma körfuknattleik ekkert við. Ég trúi ekki að sannur kringur sé stoltur af svona stuðningsveit, þetta er sorglegt því að þetta gætu verið bestu stuðningsmenn landsins ef því er að skipta. Fyrir mína parta var nánast eingöngu um hóp unglingspilta sem margir hverjir voru búnir að innbyrða nokkra ölara og urðu sér og kr til skammar en því miður þá sýnist mér stjórn liðsins halda að einhverju leyti utan um hópinn en hvort þeir séu að hella bjór í þá skal ósagt látið. Kveðja einarsk.

[Byssan (IP-tala skráð) 18.2.2008 kl. 13:46]

einarsk virðist eitthvað vera að misskilja þetta.

USA söngurinn var sunginn í kjölfar þess að áhorfendurnir (myndi segja stuðningsmenn ef það heyrðist einhver stuðningur frá þeim) sem sátu Keflavíkurmegin kölluðu DEFENCE DEFENCE DEFECNE sem er frekar vandræðalegt á íslenskum körfuboltaleik.

Gæjinn sem ætlaði að vaða fyrst inná völlin, og svo í miðjuna og vippaði báðum miðputtunum á loft og ögraði þar með öllum í kringum sig, var í USA-treyju og því hélt kyndingin áfram! Sé nákvæmlega núll athugunarvert við þetta.

Við sungum aldrei að fólk ætti að drulla sér eitt né neitt heldur er lagið fyndið og skemmtilegt og textinn er mjög einfaldur: HEIM Í SVEITINA SJALALALALA, HEIM Í SVEITINA SJALALALALA! Við tekur yfirleitt gott: MUMUMU-MUMUMUMU.

"þetta er sorglegt því að þetta gætu verið bestu stuðningsmenn landsins"

hahahahahaha sæll á að vera bitur. Auðvitað erum við bestu stuðningsmenn landsins. Annar eins stuðningur þekkist ekki hér á landi. Við styðjum liðið frá fyrstu mínútu, sama hver staðan er. En erum ekki eins og "stuðningsmenn" hinna liðanna sem hvetja bara þegar þeir eru komnir yfir svona rétt í lokin. Við syngjum sigursöngva um titlana okkar frá fyrstu sekúndum leiksins og styðjum liðið frá a-ö. Auðvitað inná milli tökum við góða kyndingasöngva sem eru nauðsynlegir og allir þeir sem koma nálægt þessum leikjum upplifa þetta sem jákvæða hluti. Nema auðvitað "stuðningsmenn" og leikmenn gestanna því það eru jú þeir sem bíða lægri hlut og þess vegna fer þetta í taugarnar á þeim/ykkur.

"urðu sér og kr til skammar en því miður þá sýnist mér stjórn liðsins halda að einhverju leyti utan um hópinn"

Aldrei og hvergi höfum við orðið okkur til skammar í stuðningi. Við erum alltaf hvetjandi og erum ekki að gefa fokkmerki yfir til annara áhorfenda eins og við höfum fengið gegn okkur frá nánast öllum liðunum í deildinni, þó það sé langmest áberandi þegar við mætum suðurnesjaliðunum þremur. Það er að vera sér til skammar, þegar rúmlega þrítugir einstaklingar eru vippandi miðputtanum á loft eins og ekkert sé sjálfsagðara því eitthvað er sungið um lið þeirra. Og þegar leikmaður og þjálfari geta ekki stillt sig um að gefa fokkmerki til áhorfenda eða öskra á þá fokkoff, þá held ég að menn þurfi að setjast aðeins niður og fara í örlitla naflaskoðun. Jafnvel naflahreinsun ef því er að skipta. 

Bottomlænið er simpelt. KR vann Djebblavík og stór þáttur í þeim sigri var framganga Miðjunnar. Við tókum ákveðna einstaklinga á taugum og þeir náðu ekki að sýna sinn leik. Það varð sér enginn til skammar eins og sumir vilja meina. Allavega ekki okkar megin. En alltaf verður til fólk sem getur kvartað yfir engu.

[Sindri (IP-tala skráð) 18.2.2008 kl. 21:28]

 Já, djöfull var ég alltaf að fíla Miðjuna vel í sumar. Sannarlega góð stemmning á þeim bænum. En menn verða auðvitað að passa sig á strikinu.

p.s. Þú mátt skila því til Gylfa á markaðsdeildinni að vera nú góður við verkfræðinemana sem komu til hans fyrir helgi! Það myndi styrkja stöðu Moggans verulega að auglýsa í Vélabrögðum, leyfi ég mér að fullyrða.

[Alexander H (IP-tala skráð) 19.2.2008 kl. 13:35]

Hvar var miðjan á móti IR?

[Gunnar (IP-tala skráð) 19.2.2008 kl. 14:18]

Finnst alltaf jafn sorglegt tegar studningsmenn eigna ser hluta af sigrinum.

"KR vann Djebblavík og stór þáttur í þeim sigri var framganga Miðjunnar. Við tókum ákveðna einstaklinga á taugum og þeir náðu ekki að sýna sinn leik".

 Midjan hefur stadid sig vel en slakadu adeins a tessu.

[Byssan (IP-tala skráð) 19.2.2008 kl. 14:58]

Gunnar, ég vona að þú sért að grínast???????? Til hvers eru stuðningsmenn ef þeir eru ekki til að hjálpa liðinu til sigurs?

Auðvitað eigum við þátt í velgengni liðsins, engin spurning!!!

[Hallur (IP-tala skráð) 19.2.2008 kl. 20:41]

rétt hjá byssa ef maður er umvafinnbarnaspikiíkinnunum þá verður maður að láta til sín taka á pöllunum

[Byssan (IP-tala skráð) 20.2.2008 kl. 00:13]

Nujjj og þroski ársins eeeeeeeerrrrrr......

Byrjar á Há og endar á allur! 

[Gaui (IP-tala skráð) 21.2.2008 kl. 09:54]

Mér finnst Miðjan vera orðin alveg glatað fyrirbæri. Í úrslitakeppninni í fyrra voru þeir frábærir. Núna einbeita þér sér eingöngu að einhverju skítkasti og persónuárásum. Ég hef farið á nokkra KR leiki undanfarið, og yfirleitt hef ég hvatt KR (er ekki uppalinn kr-ingur)

Er hættur að nenna að mæta. Ástæða ; Heimskasta og leiðinlegasta stuðningsmannasveit landsins.,Miðjan