Hreggviður stóð við stóru orðin

ÍR er heitasta liðið í Iceland Express deildinni í körfubolta þessa stundina. Þeir tóku Íslandsmeistarana í nefið í kvöld, man ekki lokatölurnar, enda skiptir það engu máli. Spáin mín stóðst prófið en ég ætla ekki að spá í undanúrslitin fyrr en nær dregur að þau hefjist.

Keflavík vinnur Þór 2:1 (Keflavík vann 2:0).

Grindavík vinnur Skallagrím 2:0 (Grindavík vann 2:1).

ÍR vinnur KR 2:0 (ÍR vann 2:1).

Snæfell vinnur Njarðvík 2:0 (Snæfell vann 2:0).

Keflavík leikur gegn ÍR og Grindavík er með heimavallaréttinn gegn Snæfell.  

Mér fannst gaman að þessu drasltali sem Hreggviður Magnússon úr ÍR og Fannar Ólafsson úr KR voru í á milli leikja og eftir leiki. Menn verða að standa við stóru orðin og það gerði Hreggviður. KR-ingar voru þungir og einhæfir í sóknarleiknum. Benni þjálfari tók ábyrgðina á sínar herðar í leikslok og kenndi engum um nema sjálfum sér. Fagmaður þar á ferð.  ÍR gæti allt eins farið alla leið og Jón Arnar þjálfari ÍR er greinilega að ýta á réttu takkana á þessu liði. Nate Brown er frábær leikmaður en liðsheildin er sterkasta vopn ÍR.

Athugasemdir

[Magnús Þór Jónsson, 4.4.2008 kl. 09:21]

Sammála þér í einu og öllu þarna, sérlega glaður að sjá strák eins og Hreggvið vera að fylgja liðinu sínu svona áfram og ná að setja banana í suma munna.  Toppdrengur þar á ferð í alla staði og vonandi stríða ÍR Keflvíkingum verulega!

Benedikt er náttúrulega drengur sem á bara að taka upp á video og láta íslenska þjálfara hlusta á til að læra af.  Reyndar Jón Arnar litlu síðri.  Fagmaður klár þar!

En úrslitakeppnin sýnist manni verða bara flott!!!  Spái enn, eins og ég gerði fyrir hana að Snæfell og ÍR, mín lið, verði í úrslitarimmunni og Hólmarar vinni!

[Sindri (IP-tala skráð) 4.4.2008 kl. 11:17]

Djöfull er ég ánægður með Breiðhyltinga, og sérlega sáttur með trashtalkið hjá Hreggviði. En þeir verða að drífa sig niður á jörðina fyrir næsta einvígi.

[Rúnar Birgir Gíslason, 6.4.2008 kl. 06:00]

Nú þarf spáin að koma í dag