seth

Nýr fréttatími Moggans og S1 virðist höfða til fólkst á aldrinum 12-49 ára.
Capacent mælir áhorfið.

Mogginn og S1 er með 14,5% áhorf.  Stöð 2 er með 17,7%.

Vinur minn Kristján Jónsson a.k.a Bolvíska Stálið kom því til leiðar að fyrirtækið Vín og matur kom rauðvínsflösku til mín fyrir nokkru.

Stálið skoraði á mig að smakka veigarnar og segja frá því hvernig vökvinn smakkaðist. Vínsmökkum bloggheima gæti þetta kallast.

Ég sá ekki þegar flaskan barst upp á hálendið í höfuðstöðvar Morgunblaðsins en ég efast um að Kristján Jónsson hafi þorað á græna sápustykkinu í slíkt ferðalag.

Chianti Classico vínið sem ég fékk í hendurnar er ítalskt. Gamalgróið fjölskyldufyrirtæki Castello Di Querceto er hugmyndasmiðurinn en „brugghúsið" er staðsett rétt við Flórens og Siena.
Í framhjáhlaupi má geta þess að Siena er ítalskur meistari í körfubolta og ég hef séð liðið spila í Róm. Það er önnur saga.

Chianti Classico flaskan sem ég opnaði er frá árinu 2007. Vínið er ungt og það var nauðsynlegt að hella úr flöskunni í karöflu og leyfa því að anda. Ég dró andann með því. Hellti því í stórt glas sem lak ekki.
(Það eru grunnatriðin í vínsmökkum sem ég fékk frá æskuheimilinu. Ef það lekur ekki þá er hægt að nota það.)

Að mínu mati er Chianti Classico er eins og sportbíll. „Stíft" og snarpt. Ég hafði því miður ekki tök á því að elda stórsteik, bjóða fólki í mat og drekka Chianti Classico þar sem að konan var í blaki.

Vínið er bragðmikið og ég ætla ekki einu sinni að reyna að ljúga einhverju um hvaða „ber" eða „bragð" einkennir vínið. Og fyrir mann sem hefur nefbrotnað fimm sinnum í einhverju körfuboltarugli þá er lyktarskynið eins og íslenska bankakerfið. Í molum. 

Chianti Classico er gott á bragðið. Skál fyrir því.

Ég skora á Eirík Ásgeirsson íþróttafréttamann á Fréttablaðinu/Vísir.is að taka við keflinu. Hann er sérfræðingur í rauðvíni. Ég kynntist því á miklu rigningarkvöldi á spænsku eyjunni Mallorca í mars árið 2007. Þar talaði Eiríkur þýskum tungum og var alvitur um rautt, hvítt og Mojito.

Í gær horfði ég á hluta af beinni útsendingu frá brunkeppni karla á heimsmeistaramótinu í Frakklandi á NRK í Noregi. Bara nokkuð gott sjónvarpsefni og Nojararnir kunna alveg að matreiða þetta efni ofaní sjónvarpsáhorfendur.  Hér á Íslandi er líka Ríkisútvarp eins og í Noregi. Íþróttadagskrá helgarinnar á RÚV var með eindæmum. Nákvæmlega EKKERT í boði:

Undanúrslit í bikarkeppni karla í handbolta í dag og sitthvað fleira í gangi. Laugardagar voru á árum áður flaggskip íþróttadeildar RÚV. Beinar útsendingar frá hinu og þessu. Nánast alltaf eitthvað á dagskrá.

Í gær var hinsvegar boðið upp á endursýningu á þýskri heimildamynd um hljómsveitarstjórann Daniel Barenboim og hljómsveit sem hann stofnaði með ungum aröbum og gyðingum. e.

Og síðan tók við önnur endursýning á heimildarmynd um um vinsælustu rokkhljómsveit Dana fyrr og síðar, Gasolin', þar sem Kim Larsen söng og spilaði á gítar á sínum tíma.

Hraði einkennir atburði dagsins. Búið að reka Sigmund Erni og frú á 365..

Skiptar skoðanir um þann gjörning.

Sá hinsvegar að tæknimenn á visi.is hafa ekki haft tíma til þess að búa til nýtt logo fyrir fréttatíma Stöðvar 2 sem eru auglýstir á forsíðu. 

Uppfært 16:18: Þeir voru á tánum tæknimennirnir og hafa nú fækkað um einn á nýja spjaldinu á forsíðunni.

Samkvæmt mælingu Capacent þá horfðu rúmlega 130.000 á útsendingu frá kjöri íþróttamanns ársins 2008. 

Stórmerkilegt og ánægjulegt fyrir Samtök íþróttafréttamanna. 

Hvers vegna er maðurinn í lúðrasveitabúningnum frá Selfossi alltaf í viðtölum um allt og ekkert á RÚV???

og það á að forgangsraða þannig að rúmlega 300 skuldarar á Suðurlandi verða handteknir vegna bílálána eða Nilfisk ryksugu sem keypt var á raðgreiðslum.. magnað..

Djúpt á þessari færslu. Fattaði í dag að ég er ekki með Fésbók, hef aldrei farið inn á Fésbók og ég veit ekki hvað þetta er........líklega má rekja það til þess að ég er á fimmtudagsaldri.. helvítis fokking fokk..

Ég ætla að reyna að REW árið 2008 í stuttu máli og myndum.... fyrir þá sem ekki vita þá er REW takkinn á VHS tækinu..... Svindlum aðeins á þessu og tökum skref inn í janúar.

6. janúar 2009

Fimleikamaður Akraness 2008 - Frumburðurinn hefur alla íþróttahæfileikana frá pabbanum en mamman (sem verður fertug á þessu ári) má alveg eiga hrósið. Hún hefur víst þjálfað Elísu Svölu frá árinu 1994...... Elísa var á dögunum valin í úrtakshóp KSÍ fyrir 16 ára landsliðið..og hún heldur með Tottenham.. að sjálfsögðu eða þannig

6. janúar 2009

Ég var fljótastur að synda þegar þessi sundkennari sendi mig út í óvissuna í myrkrið í apríl árið 1968.... það leyndi sér ekki á mömmu þegar líða fór á árið að ég var helvíti snöggur.. kom í heiminn 30.12.1968.. Sundkennarinn frá Akranesi hefur á undanförnum mánuðum tekið að sér að vera meindýraeyðir í efri byggðum Akraness..Hann heldur ávallt upp á afmælið sitt þann 6. janúar ár hvert en það eru víst 4 ár í að hann fái frítt í sund.....(þá er hann 63 ára.. ef að Árni bróðir er að lesa). 

Desember...

Jólin komu og fóru. Sá yngsti horfir á Tedda veðurfræðing á RÚV á hverju kvöldi og blótar því ef þessi hitabylgja heldur áfram að hrella landann. Nýju skíðin bíða út í bílskúr og nú á að skíða til að gleyma ICESAVE á árinu 2009. Miðbarnið gleymir ekki þessum jólum í bráð. Helköttaður á barnaspítala hringsins á öðrum degi jóla, botnlanginn eitthvað að þenja sig. Gott að því er lokið. 

Desember

Fórum í Skorradal að höggva tré.. áttum ánægjuleg nótulaus viðskipti við RÍKIÐ en tréð felldi ekki eina nál eftir að það var gróðursett í stofunni. Allir í stuði þegar við sóttum gripinn..

Jólagjöfin fyrir þá sem eiga allt.... 

Niðurskurður rauði þráðurinn á árinu 2009, verðbólgan í botni, skattahækkanir, atvinnuleysi...

Betra að eiga slíka nauðsynjavöru.....

Kakóhitarar eru víst staðalbúnaður í 90% bifreiðum landsins... það gæti líka verið kostur að vera alltaf með kakóhitarann í gangi á næsta ári

Á meðan við tökum þátt í því að rétta af þessi smávægilegu mistök.....

Þetta er vont en það venst...

Blaðamenn sem funda með ritstjóra undir fjögur augu þurfa framvegis að...