Maðurinn sem bjargaði golfíþróttinni

Maðurinn sem bjargaði golfíþróttinni í dag er fæddur í Ástralíu árið 1977.

Jíha..þangað til á Mastersmótinu í byrjun apríl...

Gríðarlegur hraði á fraktskipum

Ég gerði mér ekki grein fyrir því að hraðinn á millilandaflutningaskipum (fraktskipum) væri svona mikill.

Gengi ísl. kr. fellur mikið kl. 10 og nokkrum mínútum síðar er búið að hækka flestar innfluttar vörur á klakanum.

Velti því líka fyrir mér hvort það sé einhverntíma rétti tíminn fyrir íslensku krónuna. Þegar allt gengur vel er hægt að lækka stýrivextina þar sem að það gæti haft slæm áhrif á íslensku krónuna. Og núna er enn ólíklegra að stýrivextirnir verði lækkaðir.

Er ekki bara kósí að borga 19% vexti það sem eftir er.. mikið er ég stoltur að því að eiga næstum því 10 ára gamlan Peugeot - með engu myntkörfuláni áhvílandi.....

Fermd!

Þá er það afstaðið. Frumburðurinn er ekki lengur barn.

Til hamingju með áfangann Elísa Svala.. 

Eru konur á fertugsaldri enn stúlkur?

Hvenær hætta stúlkur að verða stúlkur.

Ég hef velt þessu lengi fyrir mér.

Ég sé ekkert stúlkulegt við marga leikmenn úr körfuknattleikssliði Keflavíkur Margar þeirra eru  rúmlega þrítugar. Samt er liðið yfirleitt nefnt Keflavíkurstúlkur í prent og ljósvakamiðlum.

Er eitthvað stúlkulegt við handknattleikslið Vals. Neibb. Samt er liðið oftast nefnt Valsstúlkur. Er eitthvað stúlkulegt við kófsveittar konur sem eru löðrandi í trjákvoðu  og rífa í hvora aðra í varnarleiknum? 

Eruð þið að ná þessu.

Íþróttafréttamenn eru ótrúlega vanafastir og viðhengið "STÚLKUR" loðir við  öll kvennalið.

Yrði ekki allt vitlaust ef menn færu nú að segja: Kjellingarnar úr Keflavík lögðu lið Hauka.. eða Hlíðarendakjellingar skelltu ÍBV...

Eða er ekki nóg að segja frá því að um sé að ræða kvennalið Vals og KR. Hvernig væri ef nafninu piltar, drengir væri skeytt fyrir aftan öll karlalið. Er ekki nóg að segja karlalið Vals eða KR?

Tékkið á þessu á næstu dögum, í umfjöllun allra fjölmiðla um kvennalið.  

Bara pæling.. þetta stúlkukjaftæði fer alveg hrikalega í taugarnar á mér..... 

E.s myndin er af Hólmfríði Júlíusdóttur sem er fyrirliði Beyglustúlkna. 

Rooney og Ronaldo í vafasömu atriði

Þetta er of gott tækifæri til þess að klúðra því.

Myndin segir allt sem segja þarf.

Velti því líka fyrir mér hvernig kollegum mínum á íþróttadeild gömly SÝNAR muni tækla nafnabreytinguna.

"Og leikurinn var í beinni á STÖÐ 2 SPORT 2" mhmhmhmhmhmh...ég veit það ekki.

Plögg í ljósvakamiðlum

Stundum er ég áhrifagjarn. Og ég á það til að taka vel eftir auglýsingum og öðru áreiti, „plöggi“ í ljósvakamiðlunum. Á dögunum var ég hvattur til þess að vakna með Valdísi Gunnarsdóttur útvarpskonu á Bylgjunni og Agli Helgsyni sjónvarpsmanni. Úff. Ég fékk bara hroll.

Hvernig tilfinning væri það að vakna með rauðhærða og mjúka krulluhausinn hægra meginn og Valdísi Gunn vinstra meginn? Steríó?

Fyrir þá sem hafa lent í þessu þá bendi ég á þessi góðu samtök.

39 stiga afsökunarbeiðni í Efstaleitið

Jæja. Ég ætla að byrja á því að senda afsökunarbeiðni í Efstaleitið. Það sem lak út á mbl.is í kvöld fór beint í sjónvarpsfréttirnar hjá RÚV kl. 10.  - Sorrý. Geri þetta aldrei aftur. 

Ég var heppinn að fá tækifæri til þess að sjá Grindavík - Þór í úrvalsdeild karla. Magnaður leikur.

Þar fór Þorleifur Ólafsson á kostum og skoraði að  ég hélt 36 stig alls og 34 stig í síðari hálfleik. Við ritaborðið var röggsamur drengur, með rautt hár og gleraugu, og hann var alveg á því að Þorleifur hefði skorað 39 stig í leiknum og 37 í síðari hálfleik.

Ok, ég keypti það, því ég hafði ekki tíma til að fara yfir gang leiksins - stóri EPSON prentarinn í Hádegismóum var víst á HOLD og menn vildu fá sitt efni.

Ég lét þessar upplýsingar flakka á mbl.is. 

Nokkrum mínútum síðar eftir aksturinn frá Grindavík og í Hádegismóa, gat ég farið yfir þessa hluti aftur. Þorleifur var "aðeins" með 34 stig í síðari hálfleik og 36 alls. Málið var leiðrétt á mbl.is en það var of seint. Sorrý RÚVARAR ég skal aldrei gera þetta aftur. 

 

Afmælisbarn dagsins

Afmælisbarn dagsins er Ísak Örn,  sem er 6 ára í dag.

Ísak kann ýmislegt fyrir sér og í stuttu máli er hann snillingur.

Til hamingju með daginn Ísak.

(e.s. já, þetta er rétt, bræðurnir á heimilinu eru fæddir 12. og 13. mars) Mjög hentugt fyrir þá sem eiga erfitt með að muna afmælisdaga.  

Afmælisbarn dagsins

Afmælisbarn dagsins er Axel Fannar, 10 ára fótboltastrákur, kylfingur og söngvari.

Til hamingju með daginn....

Ótrúleg liðsheild, myndband

Ég er nokkuð viss um að óðalsbóndinn á Bjargi við Laugarbraut hefur séð þetta á Discovery áður. 

Liðsheild í Krüger þjóðgarðinum í Suður-Afríku. Sjón er sögu ríkari

 

Hagræðing???

Ég hef ekki lagt það í vana minn að lesa það sem þessi ágæti maður er að blogga.

Játa á mig glæpinn, og ég renndi yfir þessa síðu í rólegheitum í kvöld. Skoðaði reyndar eiginlega bara fyrirsagnir og stolnu myndirnar....

Ég velti því fyrir mér afhverju baunateljarar á fjölmiðlum landsins eru ekki búnir að ráða manninn í vinnu til þess að fjalla um ALLT:

Stjórnmál, fólk í fréttum, kvikmyndir, íþróttir, innlendar fréttir, veðurfréttir, erlendar fréttir, sjávarútvegsmál, viðskiptafréttir, stjörnuspánna, staður og stund...svo eitthvað sé nefnt...............

HAGRÆÐING er lykilorðið í þessu samhengi....... 

 

Geispi í Birmingham

Geisp......................................er varla að nenna þessu. Og ég hef heyrt að Birmingham sé ljótasta borg Evrópu. Svei mér þá ef við Tottenham gaurarnir hérna á klakanum eigum ekki eftir að skella okkur í helgarferð til Birmingham. Þetta er nú ljóta ástandið...........

Taktu strætó heim og málið er dautt

Þetta er frábært framtak hjá Akraneskaupstað.

Ört vaxandi bær og ég er ekki í vafa um að aðsóknin mun stóraukast.

Það eru ekki margir sem gera sér grein fyrir því hve langt er á milli bæjarhluta hérna á Skaganum. 

"Pabbi viltu ná í mig?"  -Ekki séns.. taktu strætó heim.. og málið er dautt.. 

Frítt í strætó á Akranesi

Heitt í kolunum á 365 miðlum?

Það er aðeins farið að hitna í kolunum hjá 365 í Skaftahlíðinni. og þá er ekki ég ekki að tala um hlutabréfin hjá félaginu sem gætu kannski flokkast undir "kauptækifæri" núna. Veit það ekki. Þarf fyrst að selja í DeCode..

Hressandi deilur hjá Henry Birgi á Fréttablaðinu og Valtý Birni sem stýrir þættinum Mín Skoðun.

Henry var reiður í færslu sem birtist í kvöld, en þar var fyrirsögnin "Hvernig er hægt að vera svona vitlaus" en síðar var búið að pússa aðeins fyrirsögnina og færsluna í heild sinni. Fyrirsögnin er víst "Hvernig er hægt að misskilja svona?"

Hressandi hjónabandserjur í gamla Tónabæ.....

koma svo strákar.. öll dýrin í skóginum eiga að vera vinir.

Bara eitt gigg í Serbíu

Ég heyrði íslenska sigurlagið Júróvísjón  í fyrsta sinn í bílnum rétt eftir að keppninni var lokið í Smáralind.

Það var reyndar með íslenskum texta. Og þegar ég hafði hlustað á lagið í fyrsta sinn hugsaði ég hvort fólk í Evrópu myndi gleypa þessa froðu... ég mundi ekki viðlagið og gat ekki rifjað upp eina laglínu eftir fyrstu hlustun....

Í gær bað ég krakkana mína að rifja upp laglínu í sigurlaginu eða viðlagið..

sá yngsti var bara ánægður með annað sætið og söng Hey, hey, hey i say hó, hó, hó, -

miðbarnið söng "Hvar ertu nú?, ert þú að leita að mér, eins og ég leita að þér?" og sú elsta gretti sig bara. "Ég syng ekki, var svarið"

Ég held að undankeppnin í Serbíu verði fyrst og síðasta giggið hjá Íslandi.. nema að gaurinn, þarna úr Hagaskóla, hakki sig inn á tölvukerfið og sjái til þess að Ísland verði best í heimi.. eða Evrópu.. 

Ég sá hinsvegar menn mætast í meintu rifrildi í Kastljósi í gær sem tengdist Júróvisjón.. úff.. who cares? 

Í Tottenhamtreyju í skólann

Lífið virðist ekki vera of stutt til þess að halda með Tottenham....og margt hefur breyst á stuttum tíma. Sonurinn sem er á 10. ári fór í Tottenham treyjunni í skólann.. það hefur ekki gerst áður.

Helvíti var þetta skemmtilegt.. einn mesti "lúser" atvinnumennskunnar, Jonathan Woodgate, skorar sigurmarkið gegn Dollarliðinu hans Roman Abramovich...Íhaaaa

Kannski að Woodgate verði bestu kaup sögunnar??? hver veit.. 

Kalkúnn frá Írlandi??

Írar hafa í gegnum tíðina átt góða spretti í Júróvísjón.. Johnny Logan?? þrefaldur meistari..

Írar hafa ekki átt góðu gengi að fagna í þessari keppni undanfarin ár og líklega verður þessi kalkúnn ekki langlífur í Serbíu.. verður án efa slátrað...

Ég sá ekki lokaþáttinn í gær á Íslandi og gæti ekki fyrir mitt litla líf munað eina laglínu úr sigurlaginu.

þessi keppni er að fara til fjandans.. 

Óli Jó tekur við handboltalandsliðinu

Ég er með hugmynd. Þverfaglegt samstarf KSÍ og HSÍ.

Ólafur Jóhannesson verður þjálfari A-landsliðs karla í fótbolta og handbolta.

Óli hefur reynslu af því að þjálfa handbolta.

Hann þjálfaði að mig minnir handboltalið Skallagríms og gott ef ekki hjá ÍA á sínum tíma.

Í grunninn eru þessar greinar mjög líkar..eða þannig

"Kaupstaðarlykt?"

Enn er þátturinn Utan vallar til umræðu þar sem að landsliðsþjálfaramál HSÍ voru í brennidepli.

Ég horfði aftur á þáttinn í gær og ég dreg það í efa að Þorbergur Aðalsteinsson hafi verið með réttu ráði í þættinum.

Menn hafa spurt mig hvort það hafi verið "kaupstaðarlykt" af gömlu stórskyttunni? Ég get ekki fullyrt það. Var ekki á svæðinu sjálfur. En ég velti þessari spurningu sjálfur fyrir mér í gærkvöldi þegar ég hafði séð þáttinn aftur...

Ef svo er þá sendi HSÍ veikasta hlekkinn í þessa útsendingu. 

Þorbergur Aðalsteinsson !!!

Ég horfði á endursýningu á þættinum Utan vallar á Sýn í kvöld.

Það er óhætt að segja að Þorbergur Aðalsteinsson hafi stimplað sig vel inn í umræðuna um landsliðið.

Hann verður án efa í aðalhlutverkinu næstu daga og pókerspil Birkis Jóns þingmanns eða nætursaltað blogg Iðnaðarráðherra um sjónvarpsmanninn í borgarstjórn Reykjavíkur mun gleymast fljótt.

Þar opnaði hann bókina og sagði m.a. að Aron Kristjánsson hefði farið fram á 40% hærri laun en Dagur Sigurðsson fór fram á.

Gott og vel.

Er það hlutverk stjórnarmanns í HSÍ að upplýsa um það sem fór á milli í viðræðum við Dag, Geir og Aron? Ég hefði haldið að það sem fram fór á þeim fundum hafi verið trúnaðarmál.

Og ég velti því fyrir mér hvort einhver Íslendingur hafi í raun áhuga á starfinu eftir þessa uppákomu í þættinum. 

Hvað er í gangi? Vissulega eru menn svekktir og sárir að vera þjálfaralausir eftir fjögur misheppnuð vítaköst...

Þorbergur taldi jafnvel að Einar Þorvarðarson hefði logið að sér um samskipti HSÍ og Ólafs Stefánssonar.

Og hann reifst einnig við Aðalstein Eyjólfsson. Ívar Benediktsson vinnufélagi minn var spakur á miðsvæðinu. Og ég skildi það vel.

Mér fannst þetta ljómandi skemmtilegur þáttur og það er greinilega eldfimt ástand í herbúðum HSÍ.