Forgangsröðun og fréttamat?

Það getur vel verið að ég fylgist of mikið með íþróttafréttum. Og sjái því hlutina í öðru ljósi en þeir sem detta inn og út í þessum efnum.

Íþróttadeild SÝNAR, Stöðvar 2 og Bylgjunnar eru með mjög kröftuga fréttastofu. Þeir eru með marga fréttatíma sem þeir þurfa að fylla af efni, og oftast gera þeir þetta mjög vel.

Ég hef að undanförnu hlustað og horft á fréttirnar með ákveðna  samsæriskenningu í huga.

Ég hef það á tilfinningunni að þeir ýti þeim fréttum fremst í röðina hjá sér þar sem fjallað er um atburði sem eru búnir að vera á dagskrá í áskriftarsjónvarpi þeirra eða þeir fjalla um atburði sem verða væntanlega á dagskrá í áskriftarsjónvarpi þeirra.

Vissulega eiga þeir til myndir af þessum atburðum og stundum er rík ástæða til þess að draga þessa atburði upp sem HELSTU fréttir. En ég hef það samt á tilfinningunni að margar lókal fréttir úr íslensku íþróttalífi verði útundan í þessari samkeppni.. 

Er ég sá eini sem upplifa þessa þróun í fréttaflutningi 365?  - Ég ætla ekki að reyna að bera RÚV saman við þá í gamla Tónabæ.. ójafn samanburður..

Mér fannst fréttin af B-liði Keflavíkur á RÚV s.l. mánudag alveg frábær..Ég varð glaður að sjá að ég er ekki eini fyrrum körfuboltamaðurinn sem hefur þyngst um +1-20 kg....á síðustu 10 árum eða svo...

 

Skrúfað fyrir í gamla Tónabæ?

Ég var að horfa á NBA-boltann á SÝN á dögunum, næturefni í beinni útsendingu.. Boston - Lakers..og þar sem að Lakersliðið gat ekki neitt þá fór ég að skipta á milli stöðva..

Og stöð 48 -NBATV, var eina stöðina á Digital Ísland sem var lokuð..

ég velti því fyrir mér hvort forsjárhyggjan ráði ferðinni í þessu tilviki..

Aðeins boðið upp á NBA á SÝN og á sama tíma er skrúfað fyrir NBATV..

kannski voru þetta bara tæknileg mistök, eða eru menn eitthvað að fikta í græjunum  þarna í gamla Tónabæ? -hver veit..

Einar ofurplöggari er bráðfyndinn

Þetta fannst mér fyndið...tekið af vef DV 

Einar Bárðarson segir margar skondnar sögur í nýju bókinni sem Arnar Eggert Thoroddsen hefur skrifað um feril hans í umboðsbransanum. Í frásögn af því þegar Einar flutti Mikhail Gorbatsjev fyrrum leiðtoga Sovétríkjanna til Íslands í fyrra er meðal annars vikið að viðtali sem tekið var við Einar á fréttastöðinni NFS.
Gorbatsjev kom hingað í tilefni af því að liðin voru tuttugu ár frá hinum fræga leiðtogafundi hans og Regans, þáverandi Bandaríkjaforseta, í Reykjavík.

„Ég var lóðsaður í viðtal á NFS“, segir Einar, „og blaðakonan unga spurði mig af hverju ég hefði bara fengið Gorbatsjev? Af hverju ég hefði ekki fengið Reagan líka? Ég benti henni á að því miður væri það fullseint. Þannig væru nú að Regan hefði látist fyrir nokkrum árum. Sem betur fer var þetta ekki í beinni útsendingu þannig að viðtalið hófst bara að nýju! “

Og Einar bætir við meinhæðinni athugasemd: „Þetta segir kannski ýmislegt um af hverju NFS lifði ekki lengur en raun var“.

Koma svo - bönnum auglýsingar á óhollum mat........

„Pabbi sagði sá fimm ára hátt og snjallt við mig í morgun," þegar hann var að hella upp á kaffi fyrir sig...

„Í dag ætlum við að borða Dominos pizzu. Það eru sko megadagar. 

Á morgun förum við á McDonalds, um helgina tökum við KFC á laugardag, Burger King á sunnudag - þú veist. Þynnkumatur fyrir þig pabbi.

Á mánudag er það Hrói Höttur og á þriðjudag fáum við okkur Taco Bell., Snickers og Mars í eftirmat. Á miðvikudag fáum við okkur bara sjeik, það eru prótein í mjólkinni, og í hádeginu á fimmtudag er það Subway - við verðum að fá eitthvað grænmæti. Íþróttaálfurinn segir að það sé hollt," sagði strákurinn sem er frekar bráðþroska. Eða er hann kannski að þyngjast óeðlilega mikið. Ég veit það eiginlega ekki. Sé hann svo sjaldan  - stýrisvextirnir maður....og aukavinna...

Að sjálfsögðu ræður hann ferðinni þegar við verslum í matinn en við erum alveg steinhætt að kaupa fisk, mjólk, ávexti og brauð - Krúttið vill þetta ekki og til hvers að vera rökræða þetta eitthvað við hann. Maður hefur bara ekki tíma í að vera rífast við börnin sín.  

Ástandið er ekki alvarlegt að mínu mati og við erum sko ekki að missa völdin í uppeldinu. Ég er vissulega frekar þreyttur á Big Mac með beikoni, frönskum og flötu gosglasi. En ég læt mig hafa það. Velferð barnanna er það sem skiptir mestu máli. Og það er líka ótrúlegt hvað eldri systkyni hans eru sammála honum þegar kemur að því að velja kvöldmatinn.  - þau fá víst engu ráðið í hádeginu í leikskólanum og skólanum - greyinn. Þar þurfa þau að borða fisk, slátur og eitthvað annað ógeð.

Það eru bráðum 2 ár síðan yngsta barnið tók völdin af okkur foreldrunum hvað varðar innkaup á mat og hann ræður algjörlega ferðinni í valinu á kvöldmatnum.

Það eru að sjálfsögðu sjónvarpsauglýsingar og annað áreiti í fjölmiðlum sem gera það að verkum að við misstum völdin.

Hvernig er það með ríkisstjórn þessa lands?

Geta ráðamenn landsins ekki brugðist við þessari þróun og hreinlega bannað KFC og McDonalds að auglýsa í sjónvarpi og í dagblöðum..

Hvað er annað hægt að gera í stöðunni?

Ég skora því á ráðamenn landsins að axla þá ábyrgð sem fylgir því að ala upp börnin mín..

koma svo....Geir og Solla...

Árás á miðaldra karla með sítt hár

Það er ekki á hverjum degi sem að myndatexti dregur lesendur að efninu..en að fá á sig það orðspor að vera perralegur þjálfari eru ekki bestu meðmæli í því starfi.....eða öðrum störfum..24 stundir bjóða upp á þetta íþróttaefni í dag.. margt vitlausara...

Ég velti því fyrir mér hvort jafnréttisráð eða baráttusamtök síðhærðra, miðaldra karla með rótfylltar tennur, geti ekki fjallað um þetta mál...

Verið að draga upp neikvæða staðalímynd af síðhærðum, miðaldra hnefaleikaþjálfurum..En hvað eru þau að gera á karlaklósettinu og afhverju eru stelpur í boxi ekki með hár undir höndunum. það er meira svona austantjalds og getur ruglað andstæðinginn í ríminu...

Þetta verður kannski tekið upp í utandagskrárumræðum á Alþingi.. Guðjón Arnar byrjar.. Ásta Ragnheiður eða Ragnheiður Ásta tekur síðan við keflinu og Steingrímur Joð klárar málið rétt fyrir miðnætti..

 

 

 

Birgir Leifur magnaður

Birgir Leifur Hafþórsson atvinnukylfingur frá Akranesi fær prik dagsins. Strákurinn er bestur í nóvember og ég ræddi það við hann á dögunum að hann ætti bara að spila í nóvember.. en það er víst ekki hægt.

Það er að mínu mati ótrúlegt afrek hjá Birgi að vera kominn á þann stað sem hann er í dag. Og lokadagurinn í gær á lokaúrtökumótinu var dæmigerður fyrir Birgi.. vippað í á 17. úr vonlausri stöðu fyrir fugli og málið dautt..

Margir hafa efast um Birgi allt frá árinu 1997.. hann hefur verið afskrifaður oftar en Framsóknarflokkurinn..en Birgir hefur sett undir hökuna og barist í gegnum mótlætið. 

Lokúrtökumót Evrópumótaraðarinnar er af flestum sérfræðingum talið vera erfiðasta mót ársins.

Allt lagt undir á sex dögum og framtíðin í húfi - spilað um fall niður á Áskorendamótaröðina eða sæti á meðal bestu kylfinga heims.

Birgir býr nú að reynslu sem fáir búa yfir. 11 ár í röð á úrtökumótunum og ég held að næsta tímabil verði það ár sem að okkar maður nær að fóta sig í keppni á meðal þeirra bestu..

Birgir fær aðeins tækifæri á um 40% af þeim mótum sem eru á dagskrá Evrópumótaraðarinnar  - það er því mun erfiðara fyrir Birgi að vinna sér inn verðlaunafé  -þar sem hann fær færri mót en þeir sem eru með aðgang að fleiri mótum.

Þeir sem léku á flestum mótum á síðasta tímabili léku á 35 mótum en Birgir lék á 18 mótum. Til þess að vera í hópi 115 efstu þurftu kylfingar að vinna sér inn rúmlega 19,7 milljónir kr eða meira. Birgir var með 6,7 milljónir í verðlaunafé á 18 mótum og í 184. sæti á peningalistanum.

Bryant og Harvey - góðir saman

Ég reyndi að horfa á Indiana og Lakers í gærkvöld en missti áhugann þar sem að Lakersliðið getur ekki rassgat en það skiptir víst ekki máli því Indiana er enn verra  - Larry Bird forseti Indiana myndi án efa líta vel út í leikjum liðsins - þrátt fyrir að hann hafi hætt að spila árið 1992. 

 Kobe Bryant er alveg eðlilegur að reyna að spila á samherja sína  - bara til að líta vel út. Þetta fer honum ekki. Bryant á bara að skjóta í hvert sinn sem hann fær boltann og þá yrði þetta allt mjög eðlilegt - það er ekki í eðli Bryant að gefa tuðruna.

Það vakti athygli mína að það voru afar fáir áhorfendur á leiknum - AP fréttastofan gefur upp að 11,577 hafi mætt á svæðið en
Conseco Fieldhouse tekur víst 18,345 áhorfendur. Rétt rúmlega 60% nýting....Ég skil ekki alveg hvar þessir 11,577 áhorfendur voru - allavega ekki í sætunum.. þeir hafa kannski fengið sérfræðinga úr knattspyrnunni í Grindavík til að telja.. 

NBA - æðið gekk yfir Ísland undanfarna daga en það er víst einhver leikmaður í tyrkneska liðinu Banvita sem hefur leikið í NBA  -Donell Eugene Harvey. Ef marka má fréttir af Harvey undanfarna daga þá er það óskiljanlegt að maðurinn skuli ekki vera aðalmaðurinn í NBA-deildinni í dag.

Ég sá leikinn gegn KR í gær í vefsjónvarpi KR og þar var Harvey að sýna ágæta takta - en er ekki sá besti..

Harvey kallinn á magnaðann feril að baki í NBA, á 7 árum skoraði hann 5,6 stig að meðaltali og var 39 sinnum í byrjunarliði í 205 leikjum. Hann tók þátt í því afreki að vera leikmaður Denver Nuggets sem var með 20% vinningshlutfall veturinn 2002-2003...17 sigrar og 65 tapleikir... en þeir fengu  Carmelo Anthony í nýliðavalinu....það var besta tímabilið hjá Harvey - sem er að sjálfsögðu með þeim betri í heiminum í körfubolta

Mögnuð endurkoma hjá Dallas gegn Toronto

Átök á landsliðsæfingu í Köben.....

Það er ekki oft sem að fjölmiðlar skúbba fréttum í dag - en á morgun er gamli góði Mogginn, þessi hægfara og ljúfi öldungur, að skúbba helvíti góðri frétt frá Köben.

Á landsliðsæfingu Íslands var tæklað alveg upp í háls sem eru góðar fréttir og það sem er hægt að segja er að menn voru að fórna sér og það brotnuðu bein á þeirri æfingu...........

Rauðar eða svartar?

Ég átti erfitt með að sofa í nótt þar sem ég var að hugsa um hvort ég ætti að vera í svörtum eða rauðum buxum í hjólreiðafirmakeppninni um næstu helgi. Hvað finnst ykkur eiga betur við mitt lið - rauðar eða svartar buxur?

Fékk þessar myndir sendar frá hjólreiðaáhugamanni í Danaveldi.. ég velti því líka fyrir mér í hvernig buxum John Taft fyrrum leikmaður Vals hefði keppt í??? Smellið á myndirnar til þess að stækka þær..

Er mötuneyti fréttaefni?

Þessa frétt er að finna á Mannlífsvefnum.. þar er mötuneytið á vinnustað mínum fréttaefnið...

Stórkostlegt fréttaefni.. hvar í veröldinni væri fjallað um mötuneytismál á fjölmiðli...í öðrum fjölmiðli..

En fljótt á litið þá held ég að starfsmenn Árvakurs hafi ekki beint verið að svelta sig í hel  - svona fljótt á litið..

það eru afar fáir sem eru í alvarlegri fokhættu...

 

Magnað viðtal við Alfreð Gíslason

Það er mjög heimilislegt andrúmsloft á vef TV á handbolti.is...

þetta viðtal t.d. við Alfreð Gíslason er alveg magnað..

óvæntar uppákomur og fleira..Alfreð á frekar erfitt með að tala vegna hláturs..

Hvað kostar svona vél?

Velti því fyrir mér hvað svona vél kostar?

Er þetta tjón upp á +10 milljarða kr. eða meira?

Svona eins og tvenn Hvalfjarðagöng á miðað við árið 1998?

Vona að íslensk tryggingafélög séu ekki með Airbus sem stórkúnna.....

"Ef þú ert tryggður þá færðu það bætt!"

Klessukeyrði nýja Airbus-þotu

Eru ljósmyndir vinsælasta þýfið?

Ljósmyndir virðast vera helsta þýfið á veraldarvefnum þessa stundina. Ég er ekki saklaus sjálfur. Googla oft myndir inn á þetta bull. En ég er samt sem áður ekki viss um að menn megi gera þetta.

Myndin er af golf.is. Höfundur myndarinnar er á Reuter fréttastofunni og hann tók myndina í Suður-Afríku í desember á síðasta ári.

Ég er handviss um að höfundarrétturinn er brotinn í þessu dæmi.

Búið að breyta myndinni og það er bannað samkvæmt höfundarréttalögum - nema með samþykki höfundar.

Ég er ekki viss um að þessi mynd sé aðalumfjöllunarefni í fjölmiðlum í S-Afríku en það er áhugavert að velta því fyrir sér hve auðvelt er að stela myndum frá atvinnuljósmyndurum. Ég er sjálfur sekur með því að skrifa þessa færslu og birta þessar tvær myndir - en ég held að það sé ágætt að skapa umræðu um höfundarrétt ljósmyndara - og þá sérstaklega íslenskra atvinnuljósmyndara..

 

Sullen og kransæðakíttið

Sjálfsímynd mín er undir verðbólgumarkmiðum Seðlabankans þessa stundina. Ég velti því fyrir mér afhverju verslunareigandi í Borgarnesi er að herja á mig vegna opnunar á Yfir 46 sem er víst tuskubúð fyrir sterkar og flottar konur sem nota stærðir 46-60...

ég vissi ekki að líkamlegt ástand mitt væri umræðuefni í markaðsátaki Borgnesinga....

 
Kannski að bandaríski körfuknattleiksmaðurinn Maurice Ingram leikmaður Stjörnunnar hafi einnig fengið svona póst inn á sitt heimili. Ef hann setur farsíma í rassvasann þá er sá sími utan þjónustusvæðis......Farangursgeymslan er svo stór að massinn hefur áhrif á flóð og fjöru....

Haustið 1994 var bandarískur leikmaður í úrvalsdeildarliði ÍA, Anthony Sullen, fjölskylda hans átti nóg af peningum og þurfti ekki að hafa áhyggjur af brauðstritinu. Atvinnumennska í Evrópu var bara ævintýri fyrir hann - og líkamlegt ástand Sullen var hræðilegt þegar hann mætti í ágúst. Ég fór með hann á landsleik Íslands og Svíþjóðar á Laugardalsvelli - ég held að það hafi verið fyrsti leikurinn þar sem að flóðljósin voru kveikt.. Hann hélt með Svíum af því það var einn "brother" í sænska liðinu eins og hann orðaði það - Henke Larsson...

Sullen var gæðablóð og hann fór að æfa eins og hermaður þegar hann sá að íslenskur körfubolti var ekkert grín. Hann púlaði eldsnemma að morgni, og tók æfingarnar mjög alvarlega. En það gekk ekkert að létta kauða sem var rétt um 1,95 á hæð en ekki alveg jafnþungur... kannski 130 kg.. 

Sullen hélt æfingaplaninu áfram og æfði eins og skepna.......en hann var látinn fara..eftir nokkra leiki.. stóð ekki undir væntingum... við fengum síðan skýringu á því afhverju hann var ekkert að léttast.. hann kynntist bleika íslenska kransæðakíttinu... KOKTEILSÓSUNNI og hann borðaði víst nokkra lítra á dag með skeið af þessu eðalstöffi... Sullen ...hvar skyldi hann nú vera í dag?

KR-ingar koma út úr skápnum....

Þessi frétt á visi.is í dag er..tja.. undarleg...og jafnframt stórskemmtileg..

KR-ingar opna samningaboxið og launagreiðslur leikmanna  - allt upp á borðinu og allir sáttir?  - ég er samt efins....Samingar leikmanna hafa í gegnum tíðina ekki verið til sýnis en ég fagna því ef þessi gögn eru aðgengileg öllum fjölmiðlum og þeim sem áhuga hafa á slíku..

Vísir, 14. nóv. 2007 19:25

Jónas Guðni dýr en ekki rándýr

Jónas Guðni Sævarsson er öllu ódýrari en Vísir greindi frá í dag.

Vísir sagði frá því fyrr í dag að knattspyrnumaðurinn Jónas Guðni Sævarsson hefði kostað KR 6 milljónir króna og að hann fái 600.000 krónur á mánuði í laun frá félaginu.

Eftir að fréttin fór í loftið höfðu KR-ingar samband við Vísi og sögðu fjárhæðina ekki svo háa. Vísir fékk að líta á gögn frá KR-sport sem sýndu fram á að félagsskiptagjaldið er lægra en upphaflega hafði verið greint frá. Launagreiðslur til leikmannsins eru einnig töluvert lægri en Vísir greindi frá fyrr í dag. Þetta er hér með leiðrétt.

 

Hjúkk

Ég er gríðarlega ánægður með þann áhuga sem íslenskir fjölmiðlar sýna dönsku þingkosningunum.

Ég er einn af fjölmörgum sem hafa misst svefn af spennu vegna Ny Alliance, Khader og Anders Fogh.

Bein útsending frá Köben og allt á Stöð 2 og íslenskur stjórnmálaskýrandi að skýra út gang mála. Bara alveg eins og það á að vera.

Að öllu gamni slepptu.

Er almennur áhugi Íslendinga svona gríðarlega mikill á þessum kosningum?  Ég stórefast um það. 

Eða eru íslenskir fjölmiðlar svona ánægðir með að fá eitthvað "mál" til þess að fjalla um að þeir missa sjónar á því að "less is more". 

Ég er viss um að ættingjar mínir á Lundgaard á Jótlandi hafi ekki fylgst jafn mikið með þessum kosningum og íslenskir fjölmiðlar. -

Ef ég heyrir Anders Fogh einu sinni enn í dag þá.....................................

Danska ríkisstjórnin heldur velli samkvæmt kosningaspá

Afmælistónleikar SSSól

Stundum eru góðar hugmyndir alveg hrikalega slakar. Svo slakar að blár Opal gæti ekki reddað málunum.

Ég er alveg viss um að þeir félagar í hljómsveitinn SSSól, Síðan Skein Sól, sjái alvarlega eftir því flippi að bjóða Silvíu Nótt að djamma með þeim á 20 ára afmælistónleikum þeirra í Borgarleikhúsinu.

Ég sá ekki tónleikana en ég var að horfa á DVD upptöku frá tónleikunum um helgina - margt alveg helvíti gott..og ég held að útgáfan á Halló ég elska þig þar sem að Jakob Magnússon fer á kostum á bassanum sé það besta á þessum diski. Enda er Kobbi fæddur á Akranesi! 

En SNÓTT kemur fram í einu lagi.. Nostalgíu..og ég varð alveg brjálaður að sjá hana fokka þessu upp......hún getur ekki sungið fyrir fimm aura og hún átti ekkert erindi í 20 ára sögu hljómsveitarinnar.

Það er móðgun við snillinga á borð við Pétur Grétarsson, Kjartan Valdemarsson, Guðmund Pétursson, KK, Björn Jörundd og Matthías Stefánsson að bjóða upp á SNÓTT á svona giggi.

Annars bara góður enda afmælisfærsla hér á ferðinni, nr. 400.

Verð að hætta, fundur hjá Framsóknarflokknum á eftir,.. buhahhaa

Eins og íslenska veðrið

Tottenham er eins og íslenska veðrið. Við sem höldum með Tottenham vitum aldrei hverju er von á. Stundum er ég á því að lífið sé of stutt til þess að halda með Tottenham. Spurning um að fá að spila gegn Wigan allar helgar það sem eftir er.

Ég hef lært nokkur blótsyrði á búlgörsku að undanförnu til þess að geta sagt Dimitar Berbatov til syndanna. Hann hefur á undanförnum vikum verið "andlegt mein" í herbúðum liðsins.

Í dag sýndi hann hvers vegna hann er einn skemmtilegasti leikmaður ensku úrvalsdeildarinnar. Ég gleymdi öllum búlgörsku blótsyrðunum.

Hann var með snilldartilþrif í kippum og hápunktur leiksins var á 44. mínútu í fyrri hálfleik  - þá brosti Berbatov.

Ég vona að það atviki hafi verið myndað í bak og fyrir. Slíkt gerist ekki oft.

Annars minnir Berbatov mig alltaf á teiknimyndapersónur úr sögunum af Ástrík þar sem hann var að keppa á Ólympíuleikunum.

Þar voru keppendur frá Grikklandi eða Egyptalandi að mig minnir og mér finnst Berbatov líkast þeim fígúrum. Hann er einnig glettilega líkur Andy Garcia leikara.

Ronaldo með tvö mörk og United á toppinn - Tottenham vann stórsigur

Skagamenn rokkuðu yfir Dalvíkinga

Ég held ég viti hver skrifar þessa pistla á ia.is   - þeir eru stórskemmtilegir..

Það er sérstaklega skemmtulegt  hvernig höfundur kemur að þeirri staðreynd að leikmenn Dalvíkur hafi einfaldega verið feitir og í lélegu formi. Við erum að tala um pistil úr 2. deild í körfubolta.. meira af þessu John Doe...

Skagamenn rokkuðu yfir Dalvíkinga 

Skagamenn hófu leikinn í dag með miklum látum og ljóst að rokkuð upphitunartónlist frá Sigurjóni hafði komið leikmönnum í gírinn.  Stuðið á Skagamönnum og stærð íþróttahússins á Jaðarsbökkum kom þéttvöxnu liði Dalvíkur nokkuð í opna skjöldu og stóðu norðanmenn nánast á öndinni allan fyrri hálfleikinn,  þeir náðu t.a.m. aðeins að skora 5 stig í öðrum leikhluta.  Staðan í hálfleik var 60 – 23 heimamönnum í vil og þeir hvergi nærri hættir. Flugeldasýning Skagamanna hélt áfram í síðari hálfleik og setti liðið niður alls 15 þriggja stiga körfur í leiknum og urðu lokatölur 111 – 52.  Næsti leikur Skagamanna er á Dalvík um næstu helgi og ljóst að heimamenn munu mæta miklu grimmari til leiks og leika þéttan varnarleik í litla íþróttahúsinu á Dalvík.

Pissukeppni á milli mbl.is og visir.is

Pissukeppni dagsins.

Mbl.is telur að Hamar hafi sigrað en visir.is er á öðru máli.

KKÍ er einnig með skoðun á þessu 45:42 -stórmáli.

Karfan.is, er einnig með frétt af málinu. 

Hei, hei, hei eða hó, h, hó, what ever.

Það verður að fá úr þessu skorið strax.