MUFF á færeysku?

Veit einhver hvað MUFF stendur fyrir??? 

Svarið er einfalt: Manchester United Fjepparafelag Føroyar, stytt MUFF. 

Færeyska er snilld. Kassameistari, Tiltakslimur og að sjálfsögðu Fjepparafelagið - 

Tekið af fréttavefnum Dimma.fo. Ég held að færeyska hornið verði tekið hér af og til á þessu bulli.

Fyri jól varð eitt føroyskt fjepparafelag fyri Manchester United skipað í Føroyum. Um vikuskiftið skipaði nevndin seg soleiðis:

Formaður: Heri Simonsen
Næstformaður: Birnir Hauksson
Kassameistari: Jóannes Egholm.
Skrivari: Jón Brian Hvidtfeldt
Nevndarlimur: Jan Poulsen
Tiltakslimur: Leivur Langgaard

Felagið hevur eisini tvær undirvendir, eina ferðanevnd og eina heimasíðunevnd.
Almenna navnið á felagnum er Manchester United Football Club’s Supporters Club Faroe Islands Branch, á føroyskum Manchester United Fjepparafelag Føroyar, stytt MUFF.

Felagið hevur higartil skipað fyri tveimum, almennum tiltøkum. Einum fyrireikandi fundi fyri at meta um áhugan fyri felagnum, og einum stovnandi aðalfundi, ið varð hildin á Rex sunnudagin 15. desember. Higartil hava umleið 200 fólk teknað seg sum lim í MUFF. Limagjaldið er 250 krónur um árið.

Fjepparafelagið hjá Manchester United er tað 4. fjepparafelagið hjá einum felagi í ensku Premier League. Hini trý, sum hava fjepparafeløg, eru Liverpool, Arsenal og Newcastle.

 

Heylóarvísa í boði MS

Mjólkursamsalan hefur á undanförnum árum verið einn dyggasti bakhjarl íslensku átaks sem birst hefur í mörgum myndum hjá fyrirtækinu.

Ekkert út á það að setja.

Ég sá hinsvegar í dag fínt dagatal frá MS þar sem að Jónas Hallgrímsson er í aðalhlutverki.

Móðir mín er snillingur í málfræði og stafsetningu. Hún rak augun í þessa fyrirsögn. Þetta var eitthvað skrýtið.

Á dagatalinu er mynd af fugli, og þar er stór fyrirsögn. Og hér kemur það...

Heylóarvísa -

Það er nefnilega það var það fyrsta sem okkur datt í hug.

Uppfærsla...20:10 

En við nánari athugun (með athugasemd frá Heimi L. Fjeldsted) þá er þetta víst rétt nafn á kvæðinu.

Heylóarvísa er víst til  - stundum er betra að hugsa áður en maður skrifar... fy faen

 

Þessi vigt er snarklikkuð

Nýtt ár gengið í garð og ég er ekki lengur 38 ára.

Tiger Woods hringdi ekki í mig á sameiginlegum afmælisdegi okkar þann 30. des.  -.

Fuglakjötið hjá Þórólfi Ævari klikkaði ekki frekar en fyrri daginn. Hann er jafnöruggur og Robbie Keane í vítunum.
Þeir sem voru að horfa á skaupið með mér voru stundum alveg LOST  - en ég brosti af og til og hló meira að segja einu sinni eða tvisvar..

Vakti lengi inn í nýja árið.

Gott mál. Vinna á Nýársdag. Og bara nokkuð hress miðað við allt.

Hef sett mér ný markmið á nýju ári. Vigtin á heimilinu er einnig útvarp og þegar ég stíg á hana stillir útvarpið sig á þá rás sem er á viðeigandi tíðnisviði. Útvarp Saga hljómaði í morgun, 99,4??? Og Arnþrúður Karlsdóttir var á línunni. Hó, hó...

Halló - þessi vigt er snarklikkuð.

Fyrsta nýársheitið er þegar í höfn. Ég er hættur að reykja.. hætti því reyndar í Akrafjalli sumarið 1981..grænn í framan eftir gott Viceroy prófunarferli..

Þau áramótaheit sem eru enn eftir eru:

Að koma í veg fyrir að Ástþór Magnússon nái kjöri..........

meira síðar... 

Og?

Ég held að peningar séu það eina sem skiptir máli í þessu samhengi.

Vinir mínir í Tottenham hafa aldrei slegið hendinni á móti góðum viðskiptum.

Ef þeir græða 10-15 milljónir punda á Berbatov þá munu þeir ekki ekki segja nei.

Berbatov minnir mig stundum á Larry Bird. Leikskilningur er það sem þeir hafa umfram aðra leikmenn.

Vonandi fer hann ekki neitt.

En það eru litlar líkur á því.

Berbatov vill vinna titla

Hárið á Gísla fréttamanni

Ég held að þeir sem ákváðu að fara á Langjökul í "blíðunni" í fyrradag hafi ekki áttað sig á því að þar var markaðsafrek ársins unnið.

Hjálparsveitirnar hafa varla getað beðið um betra "plögg".

Og það eiga þær alveg skilið.

Ég velti því fyrir mér hvort Herdís Storgaard fái ekki tækifæri til þess að ræða við þessa ágætu foreldra sem tóku sénsinn þarna á jöklinum.

Það var svo hvasst að hárið á Gísla Einarssyni fréttamanni var á hreyfingu. 

Ótrúlegt lið

Þetta Tottenham lið er ótrúlegt.

Og síðari hálfleikurinn í dag gegn Reading er með því skemmtilegra sem enska úrvalsdeildin hefur boðið upp á.

Ekkert lið hefur skorað fleiri mörk í deildinni á þessari leiktíð en Tottenham, 41, næstir í röðinni eru Arsenal með 40 mörk. 

Við erum fyrir ofan Arsenal í þessari tölfræði og það dugir..

West Ham sigraði Manchester United

Hrós dagsins...

Margrét Lára Viðarsdóttir fær hrós dagsins.

Íþróttamaður ársins 2007 og það er óhætt að segja að hún sé stórkostleg fyrirmynd.

Valið á Íþróttamanni ársins er hápunktur ársins í íslensku íþróttalífi og það var gaman að sjá og heyra hvernig Margrét Lára svaraði spurningum í fjölmiðlum eftir kjörið.

Hún er róleg og yfirveguð.

Liðsheildin og samvinna var það sem hún lagði áherslu á og ekki má gleyma hugarfarinu og að mæta á allar æfingar til þess að gera betur en áður.

Það eru skiptar skoðanir um valið á Íþróttamanni ársins  -bæði á meðal almennings og einnig í röðum íþróttafréttamanna. Það mun aldrei breytast. 

Kosningin er leynileg og ég ætla að halda því útaf fyrir mig hvernig minn listi leit út...........

Þetta er í þriðja sinn sem að Vestmannaeyingur er Íþróttamaður ársins. Ásgeir Sigurvinsson hefur tvívegis verið valinn og núna bætist Margrét Lára við. Skagamenn hafa tvívegis fengið þessa viðurkenningu. Guðjón Guðmundsson árið 1972 og Ragnheiður Runólfsdóttir árið 1991. Þau voru bæði í sundinu.   

Íþróttamaður ársins

Það er alltaf mikil spenna sem ríkir fyrir kjörið á Íþróttamanni ársins.

Og á vinnustað mínum hefur varla verið spurt um annað síðustu daga.

„Hver heldur þú að verði Íþróttamaður ársins?".

Satt best að segja hef ég ekki hugmynd um það.  

Ég veit hverja ég kaus.

En gef það ekki upp.

Ég skýt á það að Birgir Leifur Hafþórsson, Margrét Lára Viðarsdóttir og Ragna Ingólfsdóttir verði í þremur efstu sætunum. Hinir 7 sem eru á topp 10 listanum eru: Jón Arnór Stefánsson, Eiður Smári Guðjohnsen, Guðjón Valur Sigurðsson, Ólafur Stefánsson, Ragnheiður Ragnarsdóttir, Snorri Steinn Guðjónsson og Örn Arnarson.

Loftlagsbreytingarnar maður.........

Fékk mér göngutúr með yngsta barninu á laugardag rétt eftir að leik Arsenal og Tottenham lauk.

Ekki veitti af.

Spurning um hvort írskir dagar verði strikaðir út á næsta ári á Akranesi. Nei, þetta er ekki svona slæmt.

Og Robbie Keane er fínn leikmaður.

Við feðgar fengum okkur göngutúr í Garðalund. Skógrækt Akurnesinga rétt við golfvöllinn.

Veðrið var fínt en birtu var farið að bregða.

Á leiðinni sáum við risastórt tré sem hafði brotnað í óveðrunum (þrennunni) um daginn og við gengum undir tréð þar sem að það studdi sig við félaga sinn hinu meginn við göngustíginn.

Sá stutti, sem er 5 ára, var nú ekkert að kippa sér upp við þessar náttúruhamfarir - en hann var með skýringu á þessu tjóni.

"Pabbi. Veistu að þetta tré brotnaði út af loftslagsbreytingunum."

Það er greinilegt að skólakerfið á leikskólastiginu er að virka fínt........................ 

Loftlagsbreytingarnar maður, loftlagsbreytingarnar 

Leeds gegn Huddersfield

Á dögunum var ég staddur í Leifsstöð og þar var stór hópur Íslendinga á leið til Englands á fótboltaleiki.

Hluti hópsins var að fara á Manchester United og Derby - en minnihlutinn var í 20 ára afmælisferð Leeds klúbbsins á Íslandi.

Og það var ekki ómerkara lið en Huddersfield sem Leeds átti í höggi við. Leeds er í 2. deild á Englandi og situr þar í 5. sæti. Þrátt fyrir það er áhugi stuðningsmanna liðsins ótrúlega mikill. Leeds lék í undanúrslitum Meistaradeildarinnar árið 2001....frá þeim tíma hefur félagið verið á hraðri niðurleið...en kannski eru bjartari tímar framundan.

Gunnar Gylfason?

Ég er ekki alveg að átta mig á yfirlýsingu Gunnar Gylfasonar knattspyrnudómara sem hann sendi frá sér í dag. Var þetta eina lausnin? Kannski hefur Gunnari þótt nóg komið?

Öll spjót standi að aðaldómaranum sem er Kristinn Jakobsson. 

Ég hélt að menn í þessum bransa færu saman í gegnum svona verkefni sem LIÐ. 

Það virðist ekki vera þessa stundina.

Gunnar vill sem sagt ekki eiga þátt í þessum vafasama dómi sem var vissulega rangur. 

Gunnar er að mínu mati ekki að hjálpa neinum með þessari yfirlýsingu. En hann hefur tekið þessa ákvörðun og það ber að virða.

Þeir munu ekki tjá sig um málið frekar.

Enda er þeim bannað að tjá sig um málið en eru samt sem áður báðir búnir að tjá sig um málið.

Flókið....já.

Sjálflímandi frímerki -

Prik dagsins fær sá sem kom því í gegn að vera með sjálflímandi jólafrímerki  í boði fyrir landsmenn.

Slapp við það að fá óbragð í munninn við að lepja/sleikja/borða frímerkin í ár.

Þvílík snilld. Afhverju hefur engum dottið þetta fyrr í hug????????????????

Davis er ekkert að grínast

Gamalt og gott.

Þessi Baron Davis er ekkert að grínast.

Hér fær Andrei Kirilenko tuðruna beint í andlitið....

Golden State Warriors húðflúrið verður komið á bakið á mér eftir nokkrar vikur...old school útgáfan..Mínir menn eru með 56% vinningshlutfal, 14 sigra og 11 tapleiki. Allt að gerast.

 

 

 

Tímamót

Tímamót.

Tottenham er núna með fleiri stig en leiki á stigatöflunni.

Það er helvíti jákvætt.

Létt grín í Leifsstöð...

Sumir hlutir eru til þess að blogga um þá.

Seth vaknaði af dvala í morgun þegar komið var með vél Icelandair frá Orlando.

Öryggistékkið í Orlando var frekar hefbundið..., beltið af, úr skónum, fartölvuna upp á borð og allt þetta ferli sem er í gangi á öllum flugstöðvum í dag.

Í Orlando eru starfsmenn með einnota gúmmihanska við störf, tilbúnir að bregðast við krefjandi líkamsleit og fleiru...

Eftir glæsilega lendingu Þorgeirs Haukamanns á Keflavíkurflugvelli röltu farþegar inn í Leifsstöð.

Og þar var boðið upp á létt grín.

Farþegar fóru í gegnum öryggistékk á ný, þar sem að farið var í gegnum sömu rútínu og í Orlando?

Hvaða geimsjávarlíffræðingar búa til svona verkferli?

Hvar áttu farþegar í þessu flugi að hafa náð í óæskilega hluti yfir miðju Atlantshafi?

Svona hluti skil ég ekki....

Ástand....

Núna er seth latur að blogga...

kannski lagast ástandið..

hver veit.. 

Þokkaleg snudda

Já, þeir þarna vinir mínir í Tottenham eru ekkert að hætta að skemmta stuðningsmönnum sínum og aðdáendum.

Sá reyndar ekki leikinn gegn Birmingham en ég sá sigurmarkið þeirra. Þokkaleg snudda.

Svona er þetta.

Við vinnum bara UEFA-keppnina í ár.

Enska úrvalsdeildin verður eftir 5-10 ár þokkalega óspennandi með þessu áframhaldi. Fjögur til sex lið með allt fjármagnið og hin liðin reyna að hanga með.

David Stern verður þá kallaður til leiks og bjargar málunum enda verður meirihluti liða í ensku úrvalsdeildinni í eigu Bandaríkjamanna. Ég nennti ekki að lesa allar pælingar HBG á blogginu hans um samanburð hans á finnska og íslenska landsliðinu í fótbolta.

Fljótt á litið þá hef ég það að tilfinningunni að HBG verði brátt kominn í starf hjá KSÍ sem samanburðardreifilíkanssérfræðinguríevrópskrinútímaknattspyrnusemtekur aðeinshálftímaímatogersnögguraðþví....ég vil fá þessi nöfn í næstu samanburðarpistlum HBG. Egil Drillo Olsen, Eddie Murphy, Charles Barkley svo einhverjir séu nefndir..  

 

Hvað vinna margir á skrifstofu Alþingis?

Þegar maður horfir á störf Alþingis utanfrá þá virðist þetta vera þokkalegt og ágætlega launað innistarf. Oft eru fáir í þingsal og ég hef haft það á tilfinningunni að það séu fáir sem nenna að mæta í vinnuna. Það er nú öðru nær.

Það hefur lítið farið fyrir þessari frétt.

Menn vilja fá meiri aðstoð inni á þingi enda nóg að gera á síldarplaninu.

Ég fór að velta því fyrir mér hve margir vinna á Alþingi og notaði vefinn til þess að fletta því upp.

Ég hafði gert ráð fyrir svona 30-40 manna skrifstofu sem sæi um þetta. Nei ég var ekki einu sinni nálægt því.

Á skrifstofu Alþingis eru 126 starfsmenn.

Já, 126.

Og það liggur fyrir Alþingi frumvarp þar sem fjölga á starfsmönnum Alþingis haustið 2008.

Ekki veitir af þegar rædd eru mál á borð við bleikar eða bláar samfellur..... sem er alveg grafalvarlegt mál..

Á myndinni má sjá sáttaleiðina sem farin verður á Sjúkrahúsi Akraness. Þar verða öll börn klædd í bláar samfellur en lakið í vöggu þeirra verður bleikt. Og málið er dautt. 

17 þingmenn enn á mælendaskrá um fjárlög

Allt hefur breyst......

Í gær voru stór tímamót í mínu lífi.

Í dag líður mér eins og ég sé á sömu bylgjulengd og flestir

landsmenn., nema þá kannski þessir, og ekki gleyma þessum.

Allt hefur breyst.

Ég skynja hlutina með öðrum hætti og mér finnst ég hafa þroskast. Loksins

Já, ég segi það og skrifa.

Ég er búinn að sjá Mýrina.

Og vitið þið hvað.

Ég sofnaði ekki yfir myndinni...

Verður Oprah í sjónvarpinu?

Þetta er að sjálfsögðu alls ekki nógu gott. Litavalið í þessum karl-læga bás er ekki til eftirbreytni.

Ég skora á áhugafólk um forræðishyggju á Alþingi að taka þetta mikilvæga baráttumál upp.

Það er til fullt af fólki sem hefur tilfinningu fyrir þeim ríkislitum sem eiga að sjálfsögðu að ráða ferðinni á svona stöðum.

Að sjálfsögðu verður boðið upp á íþróttaefni og eitthvað álíka drasl í þessum karlabásum 

- ég legg til að Oprah, Ameríkunæstíröðinnitoppfyrirsætuþátturinn, og innlitútlitrústumþvíogbyggjumafturplöggþátturdauðans, verði einnig á dagskrá.

e.s. mér fannst það alveg glatað þegar örvhenti og litblindi hjúkrunarfræðingurinn klæddi strákinn minn í gula samfellu með bleiku blómamynstri á Sjúkrahúsi Akraness 12. mars 1998...

það verður að sjá til þess að ríkisstarfsmenn séu ekki að klúðra málum með slíkum hætti. 

Bönnum litlblinda og örvhenta ríkisstarfsmenn... 

Pabbar í pössun í Hagkaupum