Gildran á NAD

Gildran...var alveg búinn að steingleyma þeim..kannski sit ég á gullpotti, ég á nefnilega vínilplöturnar þeirra frá A-Ö..þeir seldu plöturnar sínar grimmt rétt fyrir kl. 3 að nóttu eftir ball á Akranesi fyrir ca 20 árum....

kannski að maður grafi NAD plötuspilarann upp og hlusti á Gildruna.. Steðmenn eru að sjálfsögðu off...Hvað fær maður fyrir ómetanlegt safn af Gildrunni á vínýl???

Hefðbundnir Stuðmenn á Varmárvelli

Grísa sig í hel

Fyrir þá sem hafa gaman af körfubolta þá er alveg hægt að grísa sig í hel í þessu sporti. E.s ég hef sótt um einkaleyfi á vörumerkinu Bessastaðabeikon.......... hvernig líst ykkur á það?.

 

Þvílík lengd á þessum drjólum

Vandamálið að ná honum ekki upp í upphafshöggunum í golfi er alþekkt-

þá á ég við boltaflugið, var einhver að misskilja mig? Taldi mig hafa leyst gátuna á Jaðarsvelli þar ég notaði símastaura sem tí - tæknileg mistök sem ég gerði í Nevada Bob.. Þvílík lengd á þessum drjólum.. þá á ég við tíinn.. sá þessi á netinu.. þau lækna kannski öll vandamál??

Ótrúleg eftirspurn eftir lélegustu sætunum

Ísland - Kanada er ekki leikurinn sem mun slá áhorfendamet í Laugardalnum. Reyndar hefur farið lítið fyrir sölutölum hjá KSÍ....kíkti á midi.is í kvöld og sá að eitt hólfið, E-hólfið, er stappfullt...mhmhm það er víst heiðursstúkan..

Kíkti á hin hólfin og það er skemmtileg mynstur á bláu (seldu) sætunum á miði.is í minni stúkunni en svo virðist sem að búið sé að "selja" öll sæti hólfum M-S sem eru efst í stúkunni? Bestu sætin eða hvað - öll sætin sem eru næst vellinum í þessum hólfum eru auð enn sem komið er.. þori að veðja Callaway drævernum mínum að þetta er fiff hjá KSÍ og Midi.is..

Það er líklega búið að selja um 1000 miða á leikinn og líklega eru 400-500 boðsgestir þar til viðbótar... Kannski að það slefi í 2.500 þegar uppi er staðið.. en takið eftir því á morgun hve fáir verða í minni stúkunni... samkvæmt sölutölum á að vera búið að selja 1.500 miða bara þeim meginn.. uh  right..

Samkvæmt lauslegri talningu í N-Vesturkjördæmi í kvöld er staðan þannig á miði.is

I-hólfið ca 160 miðar seldir

H-hólfið ca 260 miðar seldir

G-hólfið ca 250 miðar seldir

F-hólfið 28 miðar seldir

E-hólfið uppselt - heiðursstúka

D-hólfið 49 miðar seldir

C-hólfið ca 210 miðar

B-hólfið ca 200 miðar

A-hólfið ca 150 miðar.

 

Minni stúkan

J hólfið 0 miðar

K hólfið 0 miðar

L hólfið 11 miðar

M-hólfið ca 250 miðar

N-hólfið ca 250 miðar

O-hólfið ca 250 miðar

P-hólfið var læst gat ekki skoðað það..

R-hólfið ca 250 miðar

S-hólfið ca 250 miðar

T-hólfið ca 250 miðar

 

 

Vísir skúbbar í kvennaboltanum

Stórskúbb á Vísir.is........ 

 

Valsstúlkur mæta Everton

Dregið hefur verið í milliriðla evrópukepppni félagsliða kvenna. Valsstúlkur voru í pottinum eftir frækilega frammistöðu þeirra í milliriðlum í Færeyjum fyrir skömmu. Milliriðlarnir verða leiknir í Belgíu en auk Vals eru Everton, Frankfurt og Rapide Wezemaal frá Belgíu í riðlinum. Leikið verður daganna 11. - 16. október.

 

 

Frá því á þriðjudag hefur þetta legið fyrir..

 

Íþróttir | mbl.is | 14.8.2007 | 17:09

Valskonur unnu stórsigur í síðasta leiknum

Valur vann í dag hollensku meistarana í Den Haag, 5:1, í síðasta leik sínum í fyrstu umferð Evrópukeppninnar, en leikið var í Færeyjum. Margrét Lára Viðarsdóttir skoraði fyrstu tvö mörk leiksins, á 7. og 19. mínútu, og Dagný Brynjarsdóttir kom Val í 3:0 tæpum tíu mínútum fyrir leikhlé. Í seinni hálfleik bætti Nína Ósk Kristinsdóttir við tveimur mörkum áður en þær hollensku skoruðu sitt eina mark.

Valskonur höfðu reyndar fyrir leikinn tryggt sér sæti í annarri umferð riðlakeppninnar, en hún fer fram dagana 11.-16. október. Þar mætir liðið þýsku meisturunum í Frankfurt, enska liðinu Everton og Belgíumeisturum Wezemaal.

Tilþrif............

Tilþrif........

Eiríkur þriðji

Fjölmiðlamótið í golfi á Akureyri var vel heppnað þrátt fyrir að menn hefðu skilað sér seint inn eftir rástíma.. sumir voru um 6 tíma að klára Jaðarsvöll.. það er afrek..Að venju voru verðlaunin mun fleiri en keppendur....skál fyrir því.

Heilsan var þokkaleg í morgun þegar við Brynjar Gauti ljósmyndari vorum vaktir á gistiheimilinu kl. 9. "sharp". Þar fyrir utan stóð maður með posavél og var að rukka fyrir gistinguna.. góð tímasetning eða þannig...Þið hefðuð átt að sjá svipinn á stúlkunni sem opnaði fyrir okkur herbergið á föstudaginn þegar við komum á svæðið - bara eitt rúm? - hún brosti og spurði: "Viljið þið fá aukadýnu?,". Jebb - málið var þá dautt.

Verð að koma því að: Eiríkur Ásgeirsson blaðamaður á Fréttablaðinu verður framvegis nefndur Eiríkur þriðji...meira af því síðar.

Bjór verður ekki seldur á risatónleikum Kaupþings

Skúbb - Það verður ekkert öl á boðstólum fyrir almenning sem sækir risatónleika Kaupþings á Laugardalsvelli á morgun.

Veitingarnar verða hefðbundnar "pulsa og kók", súkkulaði, kaffi og gos.

Velti því fyrir mér hvort það verði sama uppi á teningnum í VIPPINU og baksviðs... Sem sagt ekkert bjórsull á Laugardalsvellinum fyrir almenning.

En eflaust verður rautt, bjór og svalandi hvítvín í boði fyrir hina útvöldu.....Forsvarsmenn fjölmiðlamótsins í golfi sem fram fer á morgun á Akureyri hafa lofað því að ekkert áfengi verði selt á meðan keppni fer fram og eftir að henni lýkur... áfengið verður ekki selt - það verður gefið....

Ég náð'onum loksins upp

Getuleysi mitt í upphafshöggunum í golfíþróttinni hafa valdið mér áhyggjum.

Ég hef átt í vandræðum með að ná honum upp.

Boltinn hefur flogið lágt og skrúfast jafnvel niður til vinstri.

Ógeðslegustu högg sem eru til.

Ein lítil breyting skilaði þvílíku flugi í dag í Grafarholtinu að annað eins hefur ekki sést.

Hátt draw af og til  - þvílík sjón.

Þannig að ég er farinn að ná honum upp aftur. Viagra hvað?

Bolurinn Henry?

Bolur Bolsson var góður - ekki alltaf jafnleiðinlegur eins og margir aðrir bloggarar.. En það læðist að mér sá grunur að þarna hafi verið á ferðinni Henry Birgir Gunnarsson íþróttafréttamaður á Fréttablaðinu. Ég legg kippu undir að þetta sé rétt hjá mér..

e.s. málið er dautt.. Henry játar "glæpinn".... Ég nennti ekki að lesa alla þessa langloku hjá honum en ég hef það á tilfinningunni að Moggabloggið sé álíka kúl og Glæsibær eða Bingó í Tónabæ...

Saklaus kveðja eða hlutdrægni?

"Ég vona að ykkur gangi vel uppi á Skaga á fimmtudaginn og að þið blandið ykkur almennilega í toppbaráttuna,"  sagði aðstoðarmaður VBV við Leif Garðarsson þjálfara Fylkis í þættinum Mín Skoðun í dag. Saklaus kveðja? eða einlæg ósk aðstoðarmannsins um að öðru liðinu vegni illa í þessari viðureign.

Það hefði toppað þetta ef þeir hefðu hringt í Gaua Þórðar í kjölfarið... mhmhmhmhmh..og sagt síðan við hann, gangi þér vel gegn Fylki...?????

Það yrði allt vitlaust ef íþróttafréttamenn tækju þetta upp í skrifum sínum í aðdraganda leikja að draga taum annars liðsins. Það má kannski allt í útvarpi... það er enginn að hlusta??

Lavigne er frunsukrem?

Helv.. gengur það illa hjá mér að muna hverjir eru hvað í þessum celeb heimi.. ég hélt alltaf að  Avril Lavigne væri frunsukrem...nú veit ég betur...hún er í Nylon...

 

 

 

Hleypur um berrössuð

Hannah samkjaftar aldrei

Það er ekki oft sem maður situr í grasbrekkunni á Fylkisvellinum og horfir á leik.

Græni blaðamannaskúrinn var ekki mitt svæði í kvöld enda var stórfjölskyldan á leiknum eftir Esjugönguna. (Við komumst í grunnbúðirnar en reynum við tindinn síðar. Krækiberin töfðu gönguna).

Ég hef ekki séð Fylki spila frá því í fyrstu umferð Íslandsmótsins en það var stórkostlegt að heyra og fylgjast með varnarmenninum David Hannah í leiknum í kvöld. Maðurinn þagnar ekki... alltaf að segja sínum mönnum til, dómarinn fær að heyra það og allir aðrir sem í kringum hann eru. Eina skiptið sem hann þagnaði var þegar hann lá í grasinu í framlengingunni og virtist illa meiddur.

Reynsluboltinn lá eins lengi og hann þurfti en kom síðan eldsprækur inná. Ég held að fáir tali meira í fótboltaleik en Hannah. Hann hefur aldrei samkjaftað...

Græni eiturgræni vinnuskúrinn sem hefur verið aðstaða fyrir fjölmiðlamenn til bráðabirgða í nær áratug var þéttsetinn. Ég nappaði kaffibolla og það tveimur áður en Bjarni Fel náði að snúa sér við. "Benedikt, Benedikt, það er hornspyrna á Fylkisvelli," var það síðasta sem ég heyrði áður en ég laumaðist út með kaffið.

Talandi um áreiti í vinnunni. Hvernig eiga menn að geta unnið í litlu rými þegar verið er að lýsa í útvarpi frá sama svæði.. Óþolandi. Ef þetta heldur svona áfram er líklegt að nýtt Geirfinnsmál sé í uppsiglingu. Útvarpsmenn munu hverfa. Ég var nálægt því á leik FH-KR að mig minnir í fyrra. Einn gaur frá KR-útvarpinu í blaðamannaaðstöðunni í Kaplakrika og sá talaði samfellt í farsímann í 45 mínútur. Þegar hann þagnaði í hálfleik benti ég honum með mikilli kurteisi að "drulla" sér í burtu.. Hvað er í gangi.. að lýsa í útvarpi við hliðina á blaðamönnum sem eru að reyna að einbeita sér að verkefninum og punkta eitthvað hjá sér.. þetta var röfl.. tuðið kemur síðar.

 

Halldór skoraði tvö og kom Fylki í undanúrslit VISA-bikarsins

Fyrstir með fréttirnar?

Slagorð visir.is  -fyrstir með fréttirnar er helv. erfitt viðureignar og stundum er visir.is alls ekki fyrstur með fréttirnar..

Ísland án eiturlyfja 2000 var líka helv. góð hugmynd en líklega óraunhæft.. 

Ég ætla ekki að berja á kollegum mínum þarna á visi.is þeir eru örugglega að gera sitt besta en það er ekki stafur um að GKG og Kjölur fögnuðu sigrum í sveitakeppninni í golfi í dag.

Íslandsmeistarar sem sagt.. þetta var stórkostlegt tuð.. röflið kemur síðar..

Milljón kall fyrir að ná inn á 365

Þetta ætlar að verða smásaga sem endar aldrei... Sky vs. 365.... ég var að hlusta á Simma og Jóa í útvarpinu um daginn þar sem þeir eru að bjóða milljón kall í verðlaun fyrir þá sem svara rétt í símann ef þeir hringja..

"Simmi og Jói," er kallið sem gefur vel af sér..

 ég legg til að þeir félagar gefi einnig þeim sem ná inn í þjónustuver 365-miðla, Sýnar eða hvað þeir vilja kalla þetta, milljón kall. Ég hef reynt og kræst.. þetta er ömurlegasta þjónustuver landsins..

ég heyrði af einum sem er búinn að græja enska boltann snyrtilega.. borgar ekki krónu en er samt sem áður með enska í gegnum Digital Ísland.. hehehehehehe....

Lögbannskröfu hafnað

Lífið er of stutt til þess að halda með Tottenham

Úff - dæmigert fyrir Spurs í dag gegn Sunderland... einu sinni heyrði ég stuðningsmann Tottenham segja að lífið sé of stutt til þess að halda með Tottenham.. ég velti því fyrir mér hvort það sé rétt.....

Gerrard tryggði Liverpool sigur með glæsimarki

golf.issssssssss

Sumt breytist aldrei..það eru allir að skoða úrslit í sveitakeppni GSÍ á golf.is., og einnig þeir sem ætla að skrifa um þessa hluti í fjölmiðla.... og að sjálfsögðu er vefurinn á hliðinni í þessum stórsjó.. golf.isssssssssss....

Hestur féll á lyfjaprófi í Tour de France

Ég fylgdist lítið með Tour de France en miðað við þessa innkomu þá missti ég af miklu. Hesturinn féll víst á lyfjaprófi og er þessa stundina vel saltaður í tunnu undir húsvegg.

 

Micran hefði ekki þolað þessa skvettu

Ég er ekki viss um að Nissan Micra tuðrann hans Kristjáns Jónssonar íþróttafréttamanns (a.k.a. bolvíska stálið) hefði þolað þetta hnjask..

Stálið á mjög sérstaka útgáfu af Micra sem er nett sandblásinn á toppnum eftir skvettu úr Óshlíðinni, sandblásinn er kannski ekki rétta orðið.. beyglaður....

Micran er ekki til sölu en liturinn er ómótstæðilegur. Miðað við óeðlilegan áhuga Stálsins á franska handboltþjófnum með síðu lokkana þá er alveg spurning um að breyta nafninu stálið í "franski þjófurinn."

að öðru: ég er ákaflega ánægður með að fólk nenni að lesa þetta bull hjá mér og þessi áhugi hefur fleytt mér yfir þann þröskuld að vera með vinsælla blogg en Simmi í Kastljósinu.. það hefur tekist...reyndar er Simmi hættur að blogga en það er allt önnur saga

Stórir grjóthnullungar féllu á Óshlíðarveg

Afhverju er SÝN ekki með í áhorfskönnunum?

Enski boltinn er heitt umræðuefni hjá mörgum.. SÝN 2 er með pakkann og þeir sem vilja horfa þurfa að borga meira en þeir gerðu í fyrra á Skjánum.

Áskriftarkerfið er frekar flókið en SÝN 2  kostar 4.200 á mánuði miðað við 12 mánaða bindingu. (M12). SÝN og SÝN 2 kosta 7.100 á mánuði miðað við M12.

Ég hef ekki séð áhorfskannanir frá SÝN eða Skjánum á undanförnum misserum og reyndar hefur SÝN ekki verið með í áhorfskönnun í mörg herrans ár.

Ég velti því fyrir mér afhverju það sé?

Ég man eftir einni slíkri og þar var niðurstaðan sú að SÝN var með skelfilega lítið áhorf.. ef ég man rétt þá var vinsælasti þátturinn með uppsafnað áhorf í kringum 5% og rétt tæp 2% horfðu á þann viðburð í beinni útsendingu. 

Ef þetta efni er svona ótrúlega vinsælt þá ætti það að vera einfalt mál að henda SÝN 2 inn í næstu áhorfskönnun og SÝN einnig. Eða er staðreyndin sú að 5000-7000 heimili eru með SKY og þar fyrir utan eru pöbbarnir alltaf fullir þegar stórleikir eru sýndir.

Það væri gaman að fá samanburðinn í áhorfinu.. Dagblöð og tímarit komast ekkert hjá því að vera stöðugt undir smásjánni hvað lesturinn varðar en það er ekki boðið upp á sömu spennu í ljósvakamiðlunum..

e.s. ég væri líka til í að fá að vita hve margir heimsækja eyjan.is.

Hef ekki séð neinar tölur um vinsældir þeirra..

þetta var tuð.. röflið kemur síðar...