Dúndur

Feðgaferð á leik Fram og ÍA reyndist skemmtun  - en fyrsti klukkutíminn var erfiður. Nammið búið hjá þeim yngsta og hann var búinn að setjast í alla stólana í VIP-stúkunni.. takið eftir því VIP.

Fór að sjálfsögðu í blaðamannaboxið og kannaði aðstæður.

Helv. flott hjá þeim í Dalnum.. og að sjálfsögðu var boðið upp á veitingar í hálfleik sem voru ekkert slor..

Fékk mér bara kaffi en Stella var ísköld á kantinum fyrir þá sem vildu. Var ekki með símann til þess að taka myndir en þær eru víst til.

Sá yngsti þurfti á klósettið í stöðunni 1:0 og við misstum af öðru marki Fram. Sá í þeirri ferð að einhver hefur VIPPAÐ yfir sig í fyrri hálfleik því að vaskurinn á karlaklósettinu var eins og ég man eftir þeim korter í þrjú í Logalandi á sveitaballi - allur útældur...

Það er ekki að spyrja að því...besti bjór í heimi er alltaf ókeypis og þá er bara að dúndra eins miklu í sig og hægt er... skemmtilegt að aðeins útvaldir fá að drekka bjór í þessu íþróttastússi hér á Íslandi.

Ég skrifaði um besta bjór í heimi þann 13. mars s.l. og þar minntist ég á þetta óréttlæti sem Íslendingar búa við hvað varðar aðgengi að áfengi á íþróttaviðburðum. Þetta er bara djók. Ég skora á einhverja aðila að taka sig saman og mæta með eina kippu af bjór í poka á alla helv. leiki í Landsbankadeildinni það eftir er tímabilsins.... og sjá hvað menn ætla að gera í þessum málum..

Sumir eru jafnari en aðrir í þessum efnum.. Jón múrari og Siggi málari fá ekki að komast í bjórinn en við sem erum í VIPPINU fáum bjór.. líklega verður mér aldrei hleypt í Fram-Vippið aftur en ég hef ekki áhyggjur af því á næsta ári... þeir verða líklega á Valbjarnarvellinum.....

Skagamenn, Blikar og Fylkismenn sigruðu

Evrópustaðall í sturtu

Staður og stund: Laugardalslaug, sturtuklefi, fyrir mörgum árum..

Ungur maður gerir sig klárann eins og aðrir, fer í sturtu... hann stendur þarna alveg spakur þegar einhver maður kemur að honum. Maðurinn horfir á unga manninn og mælir hann út  - hátt og lágt.

Ungi maðurinn verður hálfvandræðalegur..en þá horfir maðurinn aftur á hann og frekar miðsvæðis á líkama unga mannsins. Hvað er í gangi hugsar sá ungi.
Þá gengur maðurinn að sturtunni og horfir enn meira á miðsvæðið. 

"Fellur þetta sem hangir á þér undir Evrópustaðalinn?" var spurninginn sem ungi maðurinn fékk.. Og þessi er sönn.. það fylgdi því ekki hvort hann átti við að græjann væri of lítil eða of stór..

Rauðhærður Íri

Djöf.. getur maður verið heimskur.. ég hélt alltaf að Pete Doherty væri leikmaður Arsenal. Rauðhærður, írskur, vinstri bakvörður. Þessi sem vann keppnina um rauðhærðasta Íslendinginn á írskum dögum 2003...

Eins og ég hef lýst yfir áður er markmiðið að verða betri í slúðrinu og þetta er annað skrefið af 12 í þeim efnum.

E.S kattarkonan er búinn að fá húsnæði en hún var stödd á þessari rallkeppni í Finnlandi en þessi beygja virðist vera nokkuð erfið.

Moss kallar Doherty „svikarottu“

Kona leitar sér að leiguíbúð

Þessi ágæta kona hringdi og var að leita sér að íbúð til leigu.. hún er víst með nokkra ketti en það á ekki að vera vandamál..hún gefur þeim að borða daglega  - hún sendi myndband og allt..

 

The real thing eða fake?

Ef þetta er the real thing og ófalsað þá eru til menn og konur sem hafa ekki áhyggjur af því að missa lífið.

  

Fyrsta skrefið...

Ég hef ákveðið að verða viðræðuhæfur þegar kemur að fræga fólkinu. Þetta er fyrsta skrefið af 12 í þeim efnum. Meðvituð ákvörðun.

Ég sá þátt í gær í sjónvarpinu þar sem fjallað var um Lindsay Lohan en ég hélt alltaf að hún væri í Nylon. Nú veit ég betur. Lohan er ekki í Nylon. 

Ný klámmynd byggð á ólifnaði Lindsay Lohan

Kindin var ekki í stakk búin til að bera vitni fyrir réttinum.................

Guðmundur Vatnsleysa Brynjólfsson á þessa færslu með húð og hári.. bara snilld.. 

Samkvæmt ástralska netmiðlinum www.news.com.au var máli manns sem var staðin að því að hafa mök við kind vísað frá dómi. Ástæða frávísunarinnar var sú að kindin var ekki í stakk búin til að bera vitni fyrir réttinum.

Maðurinn sem er frá Haaksbergen í Hollandi var ákærður um þetta athæfi eftir að bóndinn kom að honum í "samförum" við kindina. Frávísunin var réttlætt með því að þar sem  kindin gæti ekki borið vitni um að hún hefði ekki gengið sjálfviljug til "leiksins" og það sem meira er; hún gæti heldur ekki sýnt fram á að hún hefði orðið fyrir andlegum skaða við atvikið, þótti réttast að vísa málinu frá.

Samkvæmt Hollenskum lögum er dýraníð af þessu tagi ekki ólöglegt svo framarlega sem ekki verður sýnt fram á að dýrið hafi ekki viljað taka þátt í "kynlífinu"!

"Þessir perrar ganga lausir og hafa sitt fram - bara af því að það er ekki hægt að láta kindur bera vitni" er haft eftir dýraverndunarsinnanum Jos van Huisen.

Þetta er auðvitað með hreinum ólíkindum.

Flokkað undir Heilbrigði þann 7. ágúst 2007 af gb | |

Hittnar flatir....

Ég ætla að reyna halda röflinu í hámarki næstu dagana - Gaman að fyrirsögninni á vísir.is í dag þar sem að Birgir Leifur er með fínan árangur í HITTNUM FLÖTUM  - HITTNAR FLATIR?  - líklega er verið að þýða regulation eða, að hitta flatir í tilætluðum höggafjölda .

Stundum er íslenskan lúmsk og erfið.. hittnar flatir er eflaust ekkert verra en hvað annað.....

þetta var röfl.. nú er komið að tuðinu..

í Golfblaðinu nýja sem að Birtingur gefur út er haugur af fólki sem kemur að því að þýða greinar í blaðið. Margir þeirra eflaust sleipir í ensku en hafa ekki komið út á golfvöll nema kannski á Þjóðhátíð í Vestmannaeyjum -

Í einni greininni í blaðinu er verið að skrifa um Völlinn sem beit frá sér - þar brosti ég út í annað þar sem skrifað er að "Brautin" hafi verið erfið og er þá átt við golfvöllinn í heild sinni en ekki eina af 18. holum vallarins.

"Þetta er erfiðasta braut sem ég hef spilað á...ég myndi segja að þessi braut væri 15 höggum erfiðari en brautin sem ég sigraði á árið 1975," sagði Tom Watson.

Það er heljarinnar braut sem er 15 höggum erfiðari en sú sem hann lék árið 1975... en meiningin er eflaust góð..

ég vona að ég hafi ekki stórmóðgað eðalbloggarann Stefán góða á Akureyri með þessari færslu.. milliríkjadeilan Akranes - Akureyri er ekki enn leyst þrátt fyrir afsökunarbeiðni seth á öðrum bloggsvæðum og víðar. 

 

Skjóta kúlu eða slá bolta????

Golfblaðið, 2. tbl., er komið út. Margt gott við þessa útgáfu en eins og gerist og gengur eru nokkur atriði sem eru ekki í lagi. Kylfingar "skjóta" ekki þegar þeir slá og ég er viss um að 99% kylfinga nota orðið bolti en ekki kúla. Skjóta kúlu eða slá bolta? Þá er þetta bögg búið.

Það er einnig grein eftir einhvern gaur sem keyrði um Ísland og prófaði 9 holu velli. Í greininni kemur það honum á óvart að völlurinn á Leifsstöðum er frekar stuttur..... tja hann hefur kannski ekki fattað það að þetta er par 3 holu völlur.. einnig er gefin einkunn fyrir aðstöðu og annað á þessum völlum. Völlurinn í Vík í Mýrdal fær einnig slaka einkunn fyrir aðstöðuleysi fyrir gesti. Kóm ón..þetta er 30 manna hópur sem sér um völlinn í sjálfboðavinnu........

Steðmenn

Þessi uppskrift klikkar víst aldrei, Stuðmenn. - Tenging... Verslunarmannahelgi..

Er það fréttaefni að mikil ölvun hafi verið á útihátíðum landsins?????????

Ég brosti út í annað þegar fréttaþulurinn á Bylgjunni las þessa frétt í hádeginu í dag. Frétt dagsins er kiss and makup dæmið hjá Árna Johnsen og einhverjum gaur þarna í Þjóðhátíðarnefnd sem eru alveg spakir þessa stundina eftir heiftarleg rifrildi í aðdraganda Þjóðhátíðar.. bara gaman.

Shady söng með Stuðmönnum í Laugardal

Það þarf víst að læra að fljúga

Þessi keypti sér þyrlu, alveg staðráðinn í því að læra að fljúga gripnum. Hann pantaði sér tíma hjá flugkennara en nennti ekki að bíða eftir honum.

Stálheppinn með útkomuna.

Reyna að fljúga fisflugvél umhverfis jörðina

Teitur sigurvegari

Ég held að fáir þjálfarar sem hafa verið reknir frá stórliði á borð við KR hafi gengið frá sínum málum við fjölmiðla líkt og Teitur Þórðarson gerði í gær.

Eftir gærkvöldið fannst mér eins og hann væri sigurvegari kvöldsins. Margir aðrir í hans stöðu hefðu ekki gefið færi á sér...

Sterk persóna sem fór aldrei út fyrir rammann. Hrósaði KR í hástert og var langt frá því að vera bitur. Þetta fór vel í marga að ég held.

Þetta var svona útvarpsmaður

Staður og stund:  Fjölmiðlamót í golfi á Flúðum fyrir nokkrum árum: 

Sól og fínt veður, einn í hollinu sló boltann upp í sólina, og við heyrðum bara í boltanum en sáum varla. Enda meira uppteknir af Viking.

Gaurinn spurði: Hvernig var þetta?

Eddi svaraði: Þetta var svona útvarpsmaður.

 Nú hvað áttu við spurði gaurinn?

Höggið hljómaði ágætlega en leit alveg skelfilega út.

Örninn losaði um spennu og stökk hæð sína

Ólafur Ágústsson vallarstjóri í Hvaleyrinni átti fína spretti í beinu útsendingunni frá Íslandsmótinu í höggleik. Hápunkturinn var þegar Örn Ævar Hjartarson brá sér á salernið á leið sinni að 18. teig á lokadeginum. "Örn Ævar ætlar greinilega að losa um einhverja spennu," sagði Óli þegar Örn skellti sér inn á salernið.. ég misskildi Óla eitthvað....voru fleiri sem gerðu það?

Örn Ævar átti einnig stökk ársins. Magnaði þegar hann reyndi að hoppa úti í röffinu á 18. til þess að kíkja yfir "hraunfjallið" hægra meginn við brautina. Góð og heiðarleg tilraun. Terry Acox fyrrym körfuboltagormur úr ÍA hefði verið stoltur af þessari tilraun Arnar. 

Aukið álag á íþróttafréttamenn

Þetta þýðir bara aukið álag á íþróttafréttamenn landsins... hver skilur ítölsku by the way..talandi um íþróttafréttamenn...

Við sem erum í samtökum íþróttafréttamanna fengum boð frá KSÍ með tölvupósti kl. 15:51 í gær þess efnis að okkur væri boðið að vera viðstaddir vígslu nýrra KSÍ höfuðstöðva í Laugardag.

Takk fyrir túkall..boðið sent með 26 stunda fyrirvara og menn vinsamlegast beðnir um að láta vita ef þeir ætluðu að mæta.

Ég ætla hér með að láta vita með formlegum hætti að ég sá ekki boðsbréfið fyrr en hálftími var liðinn af opnunarhófinu í dag.

Það kemur fyrir að íþróttafréttamenn skoða ekki tölvupóst í 1-2 daga þegar þeir eru í fríi...

Samsæriskenning nr. 1. Ég held að einhver stór sponsor KSÍ hafi ekki getað fyllt þau sæti sem í boði voru...þeir hafa látið vita rétt fyrir kl 15:30 í gær og þá var íslensku íþróttapressunni boðið að taka þátt....kannski hef ég ekki rétt fyrir mér en kenningin er góð. og ég kenni Henry Birgi alfarið um  að okkur ekki boðið að drekka frítt í boði KSÍ... skál fyrir því Platini og Henry..

Emil seldur frá Lyn til Reggina

700 vitlaus innköst á Rey Cup

Fylgdist með nokkrum leikjum á Rey Cup í Laugardalnum um helgina. Laugardalurinn er algjör paradís. Fór úr logninu í dalnum í rokið á Hvaleyrinni.. þvílíkur munur..

Á Rey Cup eru erlendir dómarar að störfum. Sá ágæta enska konu dæma leik hjá dóttur minni í 4. fl. í gær. Eðalstöff þar á ferðinni. Hún er efst á jólakortalista allra þjálfara í 4. fl. kvenna. 

Hún dæmdi 700 sinnum vitlaust innkast, 500 sinnum rangstöðu og þar af 450 sinnum þar sem að leikmaður sólaði alla varnarmennina og skaut sjálfur að marki. Bara stuð á Rey Cup...

Hassreykingar eru leyfðar í Efstaleitinu

Mistök eru til þess að læra af þeim. Elín Hirst og félagar hennar á RÚV áttu "klippingu" aldarinnar þegar hætt var að sýna frá úrslitaleik í bikarkeppni kvenna í fótbolta hér um árið.. rétt áður en vítaspyrnukeppnin fór fram.

RÚV var með sama prógrammið í dag þegar komið var að lokum Opna breska meistaramótsins..

Sergio Garcia búinn að koma sér í glompu á lokaholunni.. spennan í hámarki.. hvað gerir Spánverjinn??? - tja ég veit það ekki.. við fengum ekki að sjá það...RÚV fór í auglýsingar...

Ég vil fá að vita hvað þeir eru að reykja þarna í Efstaleitinu, ég hélt að það væri búið að banna reykingar í opinberum byggingum en þeir eru þá bara að fá sér jónu........arg hvað ég varð reiður.......annars bara góður.

Nýr formaður Arsenalklúbbsins....

Ég er búinn að finna mann sem verður að taka að sér formennsku í Arsenalklúbbnum á Íslandi.

Þetta er ekkert illa meint.

Fyrrum formaður Arsenalklúbbsins á Íslandi náði þeim árangri að vera á 198 myndum af alls 200 í bók sem klúbburinn gaf út fyrir nokkrum árum. (Ég skoðaði bara myndirnar þar sem ég get ekki lesið mikið um Arsenal)..

Einn efnilegasti íþróttafréttamaður Fréttablaðsins er sjálfkjörinn í þetta embætti.

Í grein sem hann ritaði í helgarblað Fréttablaðsins tókst honum að vera á öllum fjórum myndunum í greininni sem hann skrifaði sjálfur....ég er viss um að útgefendur á Íslandi eru sáttir við þessa þróun því að ljósmyndarar verða ekki lengur nauðsynlegir í framtíðinni.. við sem erum að bulla í blöðin tökum bara sjálfir myndir af okkur og málið er dautt..

Ég skora á Hjalta stórkylfing að ná 5 myndum í næstu úttekt þar sem hann kemur við sögu þegar hann tekur púlsinn á mínum mönnum, Skagamörkunum....

e.s ég veit að Henry Birgir og Gloria eru í sumarfríi og strákarnir á ritstjórn Fréttablaðsins eru greinilega í miklu stuði án þeirra.....

Svart á hvítu

Kemur á óvart eða þannig... í "denn" í hinum ýmsu sumarvinnum kynntist ég Járnblendinu með ýmsum hætti.

Málaði meira að segja stálbitanana sem eru fyrir ofan reykháfana á verkssmiðjunni. Það var slökkt á ofnunum á meðan við vorum að vinna en það var verið að hreinsa ofnana.

Félagar mínir hjá "Málningarþjénustunni" voru ekkert að láta vita af því að það væri best að forða sér þegar einhver flauta fór í gang þarna á verkssmiðjusvæðinu...ýlfrið í lúðrinum var skerandi og skömmu síðar sat maður sótsvartur í 45 metra hæð á örmjóum stálbita..

Þessi hljóðmerki gáfu víst til kynna að það væri von á "bombu" frá þeim sem voru að hreinsa ofninn. Ég lærði af reynslunni.

Járnblendið hefur mátt glíma við "mannleg" mistök í gegnum tíðina og sumarið 1998 var ég við vinnu uppi á þaki verkssmiðjunnar nánast allt sumarið þar sem við vorum að skipta um þakplötur.

Á þeim tíma sá maður það "svart" á hvítu hve mannlegir brestir eru algengir. Úff..

Að lokum vil ég koma því á framfæri að þrátt fyrir að vatnsból Akurnesinga sé í næsta nágrenni við tvær risaverkssmiðjur á Grundartangasvæðinu þá hef ég ekki orðið var við að heilsu minni hafi hrakað af vatnssdrykkjunni. Sjá myndina hér til hliðar.

Æ ég gleymdi að Viking er bruggaður á Akureyri... hef ekki smakkað vatn á Akranesi frá 1. mars árið 1989...

Reykur frá járnblendiverksmiðjunni Grundartanga

Ótrúleg færni....

Ef þetta er ekki snilld þá er ekkert sem heitir snilld..

Kannski að gaurinn geti málað staurinn í leiðinni??