Grafalvarlegt ástand í Vesturbænum -

KR er í vandamálum - því er ekki hægt að neita. á vefsvæðinu krreykjavik.is er þessi pistill..... væri ekki hægt að lesa þetta sem næsta áramótaávarp eða eitthvað slíkt... málið er grafalvarlegt í Vesturbænum...

--- 

Veistu fyrir hvað KR stendur kæri leikmaður, þjálfari og stjórnarmaður? Veistu hvaða þýðingu það hefur að vera KR-ingur? Veistu hvaða máli KR skiptir fyrir okkur í Vesturbæ Reykjavíkur? Okkur sem höfum alist upp í Vesturbænum, æft í yngri flokkum félagsins og síðan mætt á leiki liðsins til að styðja það í sætu og í súru.

 

 

VIÐ ERUM KR! STUÐNINGSMENN KR!

Veistu?

Í hvert sinn sem þú klæðir þig í búning KR-liðsins, þennan svarthvítröndótta þá ertu ekki einn. Sérhver stuðningsmaður KR klæðir sig í búninginn með þér. Þú hefur hvern stuðningsmann félagsins á bak við þig. Sú eina krafa sem við gerum er að þú leggir þig fram, berjist fyrir félagið og getir stoltur gengið af velli.

Tap er ekki það versta í heimi. Uppgjöf er mun verri. Sérhver sigurvegari hefur tapað leik og það er óbeit hans á því tapi sem knýr hann áfram til sigurs. Vilji og löngun. Þegar þú klæðir þig í búning KR-liðsins þá skaltu vita að þú ert ekki sá fyrsti og verður ekki sá síðasti. Þú ert hlekkur í langri og gylltri keðju fyrrum leikmanna þessa félags, sem hafa margir gefið allt sitt í leikinn. Enn í dag munum við nöfn þeirra leikmanna sem gáfu allt í leikinn. Hin nöfnin eru skráð í sögu KR en okkur stuðningsmönnum gleymd. Það eru þeir sem hafa beinin, hafa viljan og hafa kraftinn sem lifa í hugum okkar.

Það eru forréttindi að vera KR-ingur. Ekki sjálfsögð forréttindi því þú þarft að vinna fyrir þeim, þú þarft að sinna þeim og síðan en ekki síst að minna þig reglulega á að þú sem KR-ingur hefur skyldum að gegna gagnvart félaginu. Vinna – sinna og minna!

Hvort sem stuðningsmaður eða þá ekki síður sem leikmaður, þjálfari eða stjórnarmaður ertu skuldbundinn af verkum genginna KR-inga. Þeir settu viðmiðin hátt. Þeir sköpuðu stærsta og mesta knattspyrnufélag landsins. KR. Við sem á eftir komum berum þær byrðar að ekkert annað en það besta dugir. Það eru erfiðar en ánægjulegar byrðar!

Leikmenn vinna leiki. Þjálfarar tapa leikjum og dómarar eyðileggja þá. Stjórnir koma og fara. Dómarar hafa ekki eyðilagt leiki okkar í sumar. Þjálfarar hafa ekki tapað leikjum okkar og leikmenn hafa ekki unnið leikina. Stjórnin ber aðeins ábyrgð á því að skapa mönnum og þjálfurum rétta vinnuumhverfi.

Stuðningsmenn KR hafa unnið margan leikinn í ár og án efa þá alla. Leikmenn liðsins hafa verið minntir á þýðingu þess að vera KR-ingur rækilega af stúkunni í allt sumar. En þeir hafa ekki hlustað! Hakan hefur verið rígnegld niður í bringuna og hlustin lokuð. Þetta verður að breytast!

Leikmenn og þjálfari KR-liðsins verða að hlusta á okkur. Okkur stuðningsmenn félagsins. Okkur sem svíður inn að beini slakt gengi liðsins, okkur sem líðum vítiskvalir við hvert mark á okkur, hvert misnotað færi.

Enginn efast um að knattspyrnumenn hafa þann metnað að leggja sig fram, að hafa vilja til að vinna. En í dag eru leikmenn KR-liðsins hræddir. Þeir eru hræddir við mistök, þeir eru hræddir við leikinn. Það á ekki að vera svo. Leikmenn KR eiga aðeins að hræðast einn hlut og það er; Hvernig við stuðningsmenn KR minnumst þeirra!

Þið leikmenn og þjálfari KR. Þið eigið skilyrðislausan stuðning okkar meðan þið klæðist svarthvítröndóttu treyjunni en munið það að þið fáið aðeins að klæðast henni til að uppfylla væntingar okkar og vonir. Þið hafið það í höndum ykkar að skapa ykkur nafn í minni okkar!

Þið hafið þrjá leiki!

Sleggjukast kvenna

Ég var að horfa á HM í frjálsum - sleggjukast kvenna. Stórkostlegt sjónvarpsefni. Ég dáist af þeim starfsmönnum sem sjá um að mæla köstin á þessum mótum í sleggju, kringlu og spjótkasti.

 Svona svipað og vera í marki í handbolta. Sem ég hef aldrei skilið.

Eins gott að þeir sem starfa við að mæla í sleggjunni séu með athyglina í lagi  - menn gera líklega bara ein mistök í þessu starfi? -

Ég var líka að velta því fyrir mér hvernig flöt á golfvelli myndi líta út ef sleggjan myndi lenda á flötinni eins og golfbolti. Það mynda varla duga að laga það með flatargaffli.? 

Annars hafa slys átt sér stað í spjótkastinu... ekki fyrir viðkvæma. 

Ha?

Ha ? Má allt í beinni útsendingu? Ég held að Dolli þurfi að undirbúa sig fyrir það að geta hlaupið hratt þegar hann kemur frá Japan....Eflaust einhverjir sem eru ósáttir...

RÚV, Bjarni Fel og íþróttaminjasafnið

RÚV verður með svakalega innlenda dagskrá í vetur og eru það góðar fréttir. Ég ætla að benda þeim á að senda bara myndatökumanna á alla leiki í Landsbankadeildinni það sem eftir er mótsins og taka upp samtöl þeirra sem eru að lýsa leikjum útvarpinu.

Bara fyndið. "Bjarni?, heyrir þú í mér?. Nei, ég heyri bara í sjálfum mér. Ekkert í þér." Hallgrímur er á Víkingsvelli, Hallgrímur heyrir þú í mér?,,, nei Hallgrímur heyrir ekki í okkur. Ásgeir ertu þú tilbúinn í Kaplakrika?.... nei Ásgeir heyrir ekki í mér.. ég held þá bara áfram að lýsa héðan af KR-velli.

- nett skáldasaga frá lýsingu RÚV en innihaldið er það sama. Tæknileg mistök.. skemmtiefni að heyra goðsögnina Bjarna Fel. vera í þessu brölti. Hinn stórskemmtilegi Gísli Skessa Út og Suður Einarsson átti í sömu vandræðum á Akranesvelli í kvöld.

Skondið að hlusta á þetta tæknistúss enda eru RÚVARNIR með tæknibúnað sem flestir safnarar eru að leita að. Ég veit að Gísli keyrir alltaf mjög hratt framhjá Byggðasafni Akraness þegar hann er með RÚV græjurnar í bílnum... þeir vilja ólmir fá þetta dót á íþróttaminjasafnið. 

Öskrandi hás

Ég held að þetta sé efni fyrir þá sem fá frítt í strætó vegna aldurs. E-Street Bandið og Brúsi öskrandi hás að hvæsa "Born in the USA" og allur sá pakki.

Ég segi pass en eflaust eru margir sem gleðjast yfir þessum fréttum. Hvenær fer U2 að túra aftur? Skráði mig í U2 klúbbinn áður en síðasta tónleikaferð hófst og maður ætlaði að næla sér í miða á undan öllum hinum. Það var ekki að spyrja að því. Tölvukerfið á u2.com bráðnaði eftir nokkrar sekúndur þegar salan hófst. Örugglega eitthvað Macca drasl þar á ferðinni... 

 

Bruce Springsteen í tónleikaferð með E Street Band

Vítakast var það heillinn

"Og Zaza Pachulia skorar úr síðara vítakastinu," sagði í 10 fréttum sjónvarpsins á RÚV í gær þegar lokakaflinn í leik Íslands og Georgíu var sýndur. Vítakast - kóm ón - þetta eiga menn að vita?????? -

Vítaskot var það heillinn. -

Visir.is svaf á verðinum í gær. Alls ekki fyrstir með fréttirnar af landsleiknum - það var ekkert komið um leikinn þegar ég kíkti á visir.is rétt fyrir kl. 2 í nótt. Kannski að hinn ágæti ritari KKÍ taki málið upp á næsta stjórnarfundi. Vísvitandi verið að sneiða framhjá fréttum af körfunni....allsherjar plott hjá fjölmiðlum landsins..

Henry Birgir er framsóknarmaður

Ég get sannað að Henry Birgir Gunnarsson er framsóknarmaður.....

Hann skiptir um skoðun jafnoft og Birkir Byrgismálssoneitthvaðégmanekkihversson.

 
Meira síðar..

 

 

Savage á aldrei slæman dag

"Algengt að stjörnur þjáist í einsemd og vanlíðan þar sem þær hleypi fáum handan ímyndar sinnar og haldi jafnvel grímunni gagnvart sínum nánustu." 

Þá hefur maður fengið svör við ýmsum vandamálum sem Robbie Savage er að glíma við hjá Blackburn. Reyndar hefur Savage aldrei átt slæman dag.

Segir Owen hafa átt slæman dag

Sparkað í afturendann á fasteignasölum

Yfirburðir 68'árgangsins í golfi eru gríðarlegir og leikreynsla úr öðrum íþróttum er vanmetin þegar keppt er í holukeppni.

Fasteignasalarnir Bogi Mölby Pétursson og Hákon Svavarsson  voru með bros á vör eftir 12 holur í öðrum af alls þremur úrslitaleikjum þessa tímabils gegn síðuhaldara og Alexander Högnsyni. Bogi og Hákon unnu fyrstu viðureignina á heimavelli okkar á Akranesi en það kom í ljós síðar að útreikningur á forgjöf var rangur enda ekki séns að þeir geti unnið okkur nema með svindli.

Þeir starfa jú við þetta alla daga

Leikplanið gekk fullkomlega upp hjá 68'árgangnum. -

Reynum að hafa þetta jafnt eftir 9 holur þannig að þeir gefist ekki upp eftir fyrri hringinn," sagði Alexander enda rigndi eins og hellt væri úr fötu og Hákon er ekki mikið fyrir það að blotna - hárgreiðslan gæti farið úr skorðum.

Leyfum þeim að ná sér aðeins á strik eftir 12-13 holur," sagði fótboltakappinn á 5. braut.... það gekk einnig eftir... "síðan spörkum við í afturendann á þeim á lokasprettinum með "íþróttasálarfræði" og taktískum leik."

Það var ekki að spyrja að því. Eftir 16. holu í Hvaleyrinni vorum við búnir að snúa leiknum okkur í hag...unnum þrjár holur í röð og á 17. teig var búið að ganga frá heilabúi Hákons með þeim hætti að hann gat varla slegið boltann.. 2/0 game óver...

Þetta heitir REYNSLA.. og af henni eigum við nóg.. Burgerinn og sá kaldi í leikslok var besta máltíð ársins - enda í boði lúseranna. Djöfull er golf einföld íþrótt.

Við heimkomuna var okkur fagnað samkvæmt venju.. með flugeldasýningu..

Ótrúlega ógeðfelld árás....

Þessi færsla hjá Ragnari Gunnarssyni úr Borgarnesi er ekki við hæfi.. ótrúlega ógeðfelld árás á Samfylkinguna í Reykjavík og íþróttafélagið Val.

Útvarp Saga á eftir að loga eins og skógareldar í Grikklandi út af þessu bulli.

 

Wilson Muga eða Savage?

Þetta er þriðja skrefið af alls tólf hjá mér hvað varðar "öppdeit" á fína og fræga fólkinu í Hollí..

Ég hélt alltaf að Robbie Savage væri bara leikmaður Blackburn í ensku úrvalsdeildinni. Bý á Akranesi og það er eitthvað í vatninu hérna. Tvær stóriðjur sem pumpa blýi í vatnsbólið okkar í Akrafjalli.

Ég vissi ekki að Savage gæti flogið svona á milli eins og Becks og leikið í Hollívúdmyndum og allt.

Savage er einn besti leikmaður ensku úrvalsdeildarinnar og það er því ekkert skrýtið að hann sé vinsæll í USA.

Ég veit samt ekki hvað Mark Hughes boltabulla og knattspyrnustjóri Blackburn segir við öllum þessum þvælingi á Savage. Hann hefur bara heilsað að hætti sjómanns úr Vestmannaeyjum - það sést á nefinu á Savage. Ég vona að hann verði klár í slaginn um næstu helgi í enska boltanum.

 

Owen Wilson óskar eftir að fá tíma til þess að ná bata í friði

Tré tapast og fréttir hverfa

Slatti af trjám sem hafa horfið í Heiðmörkinni...það er á fleiri stöðum þar sem eitthvað týnist..

Í morgun var áhugverð frétt á visir.is þar sem tekið var fram að Reynir Traustason ætti að starfa með Sigurjóni Egilssyni á DV. 

Fréttin er ekki lengur á fréttavefnum?????? - skúbb dagsins var kannski bara eins og Internetið... bóla. 

Uppfærsla...13:43: Reynir Traustason er ekki týndur.....skúbbið stendur sig og er ekki bóla. Gott mál...

Telja að yfir 800 tré hafi tapast í Heiðmörk

Old school ...tveir góðir......

Afhverju fékk ég aldrei svona í jólagjöf?

Dominique Wilkins náði aldrei að slá í gegn því hann tapaði alltaf í samanburðinum við Michael Jordan - en þeir komu inn í NBA á svipuðum tíma. Wilkins var skemmtikraftur, og gat stokkið yfir heilu liðin áður en hann tróð boltanum í körfuna. En vann aldrei titil í NBA.......

 

 

 

 

 

 

 

 

 

 

 

 

 

 

 

 

 

 

 

 
Það voru fleiri leikmenn sem voru "heitir" á þessum árum í Atlanta Hawks... Spudd Webb að sjálfsögðu.. vann troðkeppnina og allt.. Aðeins 1,69 m. á hæð og vann troðkeppnina árið 1986. Körfuhringurinn er í 3,05 m. hæð. Spudd var maðurinn og á myndinni má sjá að hann var ekki með neitt harpix í lúkunum að reyna troða með "Einari" eins og svo margir aðrir í þessum hæðarflokki. Þess má geta að síðuhaldari er 1,83 m. þrátt fyrir að menn úr læknastétt hafi úrskurðað að 1,79 m. sé hin opinbera tala. Bölvað kjaftæði og ég gat líka troðið (með harpix, aleinn í húsinu, og oftar en ekki á minikörfunar)...

 

Sveittur hamborgari á raðgreiðslum

Afhverju datt mér þetta ekki í hug. Staðarskáli er að sjálfsögðu gullmolinn sem á eftir að auka hagnað N1 verulega á næstu áratugum.

Vegasjoppa dauðans  - og allir sem hafa rennt sér með fjölskylduna inn á slíka staði vita að þar er verðlagið í takt við allt annað hér á Íslandi. Okur...  Fiskur og franskar eða  , sveittur hamborgari á  raðgreiðslum og  lítið gosglas á yfirdráttarvöxtum.

Núna fattar maður það afhverju strákarnir frá Rússlandi sem voru að spila körfubolta með okkur í gamla daga sátu úti í rútu og borðuðu nestispakka eins og góðir Norðmenn gera. Á meðan létum við hinir hafa okkur að fíflum í vegasjoppum út um allt land..... 

Ekki skrýtið að  matvöruverslanir og  veitingastaðir á Íslandi  auglýsi  það sérstaklega að "nýtt greiðslukortatímabil" sé hafið.  Alveg magnað..

Ætli það sé búið að selja Olíustöðina í Hvalfirði?, Botnskálinn er farinn., ég ætla að tékka á Ferstiklu.. það er góður bissness - allir hættir að fara í gegnum Hvalfjarðarrörið ekki satt? Ferstikla...það er málið enda er flest fólk fífl..

N1 kaupir Staðarskála

Það er ekki allt að fara til fjandans

Hver heldur því fram að allt sé að fara til fjandans í uppeldi barna á Íslandi? Var að lesa það í blaði allra landsmanna, Morgunblaðinu, að 3.400 kr. söfnuðust í hlutaveltu sem Arnar Ingi, 5 ára, Hekla Mist, 7 ára, og Alexandra Petrea, 7 ára, stóðu fyrir og Rauði krossinn fékk peningagjöfina. Þau hefðu getað keypt sér mánaðaráskrift að enska boltanum en í staðinn láta þau gott af sér leiða.

Selfoss er einnig með dugmikla krakka.   Haraldur Gíslason, Guðmundur Bjarki Sigurðsson, Bjarki Leósson og Konráð Jóhannsson. Margrét Lea Haraldsdóttir, Anna Kristín Leósdóttir og Irena Birta Gísladóttir. Unnur Lilja Gísladóttir, Þóra og Sigrún Jónsdætur, Margrét og Steinunn Lúðvíksdætur og Katharína Jóhannsdóttir söfnuðu 50,500 kr. í verslunarrekstri í sumar og gáfu þau Stróki á Selfossi gasgrill. Strókur er félag sem er með ýmsa dagskrá fyrir fólk með geðraskanir. - Fimmtíuþúsundkall eru margir peningar en ég tek hattinn ofan fyrir svona snillingum..

Þessir litlu molar á bls. 24 í Mogganum í dag sýna að það er ekki allt að fara til fjandans á Íslandi.

 

 

Jess, jess, jess... þessi var í beinni á SÝN

Ég skil vel að forráðamenn 365 séu ánægðir með að enski boltinn sé kominn heim..og þeir eru vissulega að sinna þessu eins vel og þeir geta - 4:4:2 þátturinn á laugardögum er t.d. mjög gott framtak..

ég velti því hinsvegar fyrir mér hvernig fréttamatið á fréttastofu 365 sé miðað við þá breytingu sem hefur orðið á fréttaflutningi af enska boltanum á einu ári. Í fyrra var greint frá úrslitum úr enska boltanum á 10 sekúndum...en þeim mun meiri tíma eytt í þær deildir sem eru í boði fyrir áskrifendur 365. Er fjallað meira um þá viðburði sem eru sýndir í beinni á 365 og nánast ekkert um hina viðburðina?

ég er líka mjög undrandi að í hvert sinn sem sagt er frá einhverjum viðburði þá er tekið fram að þessi eða hinn leikur hafi verið í "beinni" á Sýn eða SÝN2. Var ekki byrjað að sýna beint frá fótboltaleikjum hér á Íslandi 1986, 1982 úrslitaleikur HM í svarthvítu..?   -eru til menn og konur sem segja JESS þegar þessi frasi kemur. "þessi leikur var í beinni á SÝN.."

Fréttamenn SKY taka það ekki fram að Man. Utd.  - Liverpool hafi verið í beinni á SKY..er þetta séríslenskt eða hvað?..

Golf er snilld..

Þar sem að Arsenal var að spila í enska boltanum var að sjálfsögðu ekkert horft á boltann í dag.

Stóra feðgamótið var því sett á laggirnar á Hamarsvelli í Borgarnesi, 9:20 var fyrsta höggið slegið og þrátt fyrir að vera með 9 ára gutta með í förn og einn sem fær frítt í strætó vegna aldurs þá kláruðum við dæmið á 3 1/2 tímum. 

Golf er snilld, þar sem að 9 ára pjakkar geta leikið með afa og pabba - og haft gaman af því. Fyrri 9 holurnar voru góðar hjá öllum en það var aðeins erfiðara á síðari 9 enda fleiri "nýjar" holur og flatirnar eins og hrökkbrauð.

Hamarsvöllur á eftir að verða flottur...og það var gríðarleg traffík á vellinum í dag.

Axel Fannar átti lengsta drævið í hollinu á 12. braut, rúmlega 150 metra högg hjá stráknum.

 
Högg dagsins átti Þórólfur Ævar á "hótelholunni" þeirri 17. Ég sá að hótelstjórinn opnaði dyrnar þegar hann sá karlinn á teig -enda á hann fína beyglu í bárujárninu á hótelinu eftir "draghögg" aldarinnar. Hótel hamar sándar vel þegar dúndrað er í bárujárnið.

Í dag "feidaði" kallinn boltann alveg upp við stöng af 175 metra færi - ísí 3-tré. Fuglinn lét á sér standa...of stuttur.. kannast við það.

Á morgun tekur alvaran við.. þá er Gevalia stórmótið á dagskrá á Hamarsvelli.... bíð spenntur eftir að sjá drævin hjá Árna "litla" bróður mínum. Þau eru víst rosaleg......  

Hlandvolgt mál

Ég hafði stórar áhyggjur af því í dag að litli "bílskúrs-kælirinn" frá ömmu minni verði fjarlægður á næstu dögum úr bílskúrnum hjá mér.. en ég hef reyndar minni áhyggjur af því núna því ég veit að þeir Bingi og Villi kæmu græjunni ekki út þar sem að draslið er svo mikið í skúrnum..

hlandvolgt mál þarna á ferðinni og ótrúlega vanhugsað...

Kælirinn fjarlægður úr vínbúðinni í Austurstræti

Skál fyrir Eiríki þriðja

Samkeppnisaðilarnir heimta að fá línu vegna Stella Media Masters sem fram fór á Akureyri um s.l. helgi. Harði diskurinn var ekki alveg í lagi eftir helgina en núna er þetta allt að lagast.

Hrósið fær Eiríkur Ásgeirsson íþróttafréttamaður á Fréttablaðinu -

þrátt fyrir að hann hafi fengið 3 punkta og "skammarverðlaunin". Media Masters gengur einmitt út á þetta.. hitta aðra, spila golf og skemmta sér. Óháð því hvort það gangi eitthvað að slá helv. boltann..

Eiríkur getur gengið stoltur af velli, hann var flottur í tauinu og lúkkaði bara vel þegar hann gekk stuttar vegalengdir á milli högga.. max 80 metrar að mér skilst. Ég vona að Eiríkur hafi brotið niður veggi í fjölmiðlageiranum fyrir þá sem eru óöruggir með golfið sitt og þora ekki á Media Masters...

að öðru... það er alveg brunnið að mæta í svona mót og sjá gaura sem eru með Gatorade og banana á lofti á 4 holu fresti.,,, slíkt á að vera frávísun á Media Masters..og það á jafnvel að vera með áfengismæli á 5 holu fresti og dæma kylfinga úr leik sem eru ekki yfir eðlilegum mörkum í svona keppni.

spilaði á golfmóti körfuboltamanna í Borgarnesi fyrr í sumar og þar var mér sagt frá því að það væri í lagi að vera með Gatorade orkudrykk og banana.. fyrir mér er það líka frávísun.. og vatn á líka að vera bannvara á slíkum mótum... skál fyrir Eiríki þriðja

Að öðru.........................

Ég hef einnig samið um sátt í meiðyrðamáli sem höfðað var gegn mér síðdegis í dag. Bessastaðabeikon var kannski ekki góð hugmynd að vörumerki, þrátt fyrir að bróðir minn búi á Álftanesi. -

Hef ákveðið að láta af þessum áformum.....að öðru..

á kjörstað í Laugardalnum í kvöld var sagt frá því að um 4000 miðar hafi verið seldir á landsleik Íslands gegn Kanada. Í þessari færslu frá því gær var ég undrandi á því hve margir miðar voru þá þegar seldir. Hið sanna er að sponsorar KSÍ kaupa miða fyrir hvern leik, 200 miða í hverju hólfi, og þeir koma þeim síðan á sína viðskiptavini.

Það er sorglegt að þeir sem fá miða gefins nenna ekki að mæta..kannski ekkert hægt að gera í þessu. RÚV var líka með heljarinnar kynningu á beinu útsendingunni frá leiknum í Laugardal.. eða þannig.. Leikurinn eins og bragðlaus kartöflustappa frá Krydd og Kavíar í mötuneyti Árvakurs... - þú verður saddur en ekkert spes..

Paris Hilton semur í meiðyrðamáli