Anja Andersen er rugl

Ég sá þessa handboltakonu leika listir sínar í Noregi á árunum 1998-2000.

Þetta myndband lýsir henni vel.

 

 

Ég skora á Guðjón Val Sigurðsson að taka upp eitthvað álíka dæmi. Áskorun. Stökkva inn í helv. markið með boltann eftir hraðaupphlaup. Og taka Íslandsmeti í langstökki í leiðinni.

Skrifaði bara bull um Golden State Warriors

Dreg í land allt það vonda sem ég sagði um Golden State Warriors þann 1. mars s.l. 

Á þeim tíma var ég ekki heill heilsu og skrifaði bara eitthvað bull.

Golden State er að sjálfsögðu mitt lið, Dallas?, who cares.

Don Nelson er snillingur.

Kv. seth@ragnarreykás.is 

Þrenna í dag

Starf íþróttafréttamanna er stundum fullt starf, og stundum fullt að gera í vinnunni.

Og ég veit það eftir öruggum heimildum að stundum hafi íþróttamenn verið á fullu í vinnunni - án þess að vera fullir.

Ég hef einnig öruggar heimildir fyrir því að íþróttafréttamenn hafi aldrei keypt lífrænt ræktað eðalstöff frá Kristjaníu.

En þegar maður les íþróttasíður reglulega, hlustar á útvarpið og sjónvarpið þá efast maður um að það sé rétt.

Í gær, sunnudag, var frábært í dag fyrirsagna þema á bls.  28 í Fréttablaðinu.

1.) HK mætir fram í dag

2.) Grétar Rafn getur orðið meistari í dag.

3.) Sigfús verður í eldlínunni á Spáni í dag.  

Þetta kallar maður þrennu.  

Vilji er allt sem þarf

Ég verð að deila þessu með ykkur.

Snillingur, 4 ára gamall, fékk áhuga á golfi á meðan hann var að jafna sig eftir aðgerð á auga vegna krabbameins. Vilji er allt sem þarf.

Og ég kann að linka myndbönd frá YouTube.

Hvar endar þetta?

Þá er það ákveðið

Þá er það ákveðið.

Bjór verður seldur á stærri íþróttaviðburðum í framtíðinni á Íslandi.

Skoðakönnun seth.blog.is gefur örugga vísbendingu að 70,3 % þjóðarinnar er sammála þvi að bjór verði seldur á stærri íþróttaviðburðum á Íslandi.

Hitt pakkið er ósammála. 

Alls voru 145 atkvæði sem töldust gild í þessari könnun en vegna bilunar í netþjón á blog.is þann 1. apríl s.l. gat síðuhaldari kosið 144 sinnum sama daginn. Pabbi á hitt atkvæðið. Hann er á móti bjórsölu - er frekar til í besta bjór í heimi, sem er ókeypis bjór.

Ný skoðanakönnun er á síðunni. Og þar er ekkert dregið undan.

Yfirsjón

Getur verið að samtökin hafi hreinlega gleymt að fresturinn rann út í dag?

Baráttusamtökin aðeins fram í einu kjördæmi

Er þetta fullt starf?

Fór með snillinginn minn í 5 ára skoðun á miðvikudag, er ekki að tala um bílinn, heldur yngsta soninn.

Læknir og hjúkrunarfræðingur, hæðin mæld og þyngdin, eyrun skoðuð og svo auðvitað sprautað í handlegg. Engin tár - en bara pínu vont.

Hjúkrunarfræðingurinn spurði við hvað ég væri að vinna  - hvort ég væri enn að kenna íþróttir. Ég sagði henni að ég væri blaðamaður á Morgunblaðinu og búinn að vinna við það í sjö ár.

"Nú er það fullt starf?," spurði hún og brosti.

Hvað getur maður sagt?

Snilld hjá XBjé

Ég verð að hrósa Framsóknarflokknum fyrir ótrúlega hagsýni. Eins og allir vita er eitthvað þak á útgjöldum stjórnmálaflokka vegna auglýsinga í fjölmiðlum vegna veislunnar fram fer 12. maí.

Þvílík snilld hjá Framsóknarflokknum að koma sínu fólki í flesta fjölmiðla landsins með lítilli fyrirhöfn og án þess að greiða fyrir auglýsinguna.

Fáum tekst þetta eins vel upp og Framsókn.

Hver segir að flokkurinn eigi undir högg að sækja?

Þetta er flokkur sem kanna að nýta tækifærin þegar þau gefast.

Gargandi snilld.

Bíð spenntur eftir næsta leik. 

Þessi færsla var að sjálfsögðu ekki í boði XBjé, né XDjé, eða XEss.

Bifreiðin á myndinni ber nafnið XB samkvæmt Google. 

Ég á von á olíukvóta

Í fréttum undanfarna daga hefur olíuleit við Ísland verið nefnd sem vænlegur kostur. Í ljósi þess að ég hef gríðarlega reynslu af olíuleit þá tel ég að stjórnmálaflokkar ættu að gefa það út að þeir sem hafi víðtæka reynslu af olíuleit fá einnig olíukvóta í réttu samhengi við "olíuleitarreynslu" fyrri ára.

Þetta var nokkuð löng setning.  

Olíuleitin hjá mér stóð yfir part úr sumri árið 2000. Kannski ekki mjög langur tími en ég var virkilega að leita að olíu sem farþegi í Norrænu rétt utan við Seyðisfjörð. 

Sá meira að segja nokkra olíuborpalla á leiðinni frá Noregi, einn við Hjaltlandseyjar og fleiri við strönd Noregs.

Það er krafa mín að ég fái stóran hluta af olíukvóta Íslands í nánustu framtíð. Kosningamál nr. 2 á eftir því að hætt verði að keppa í kvennaflokki í skák.

Sú gamla svarar fyrir sig

Þetta myndband er bara fyndið -

sú gamla með það á hreinu hvernig á að svara fyrir sig. 

Seinþroska Steingeit

Stjórmálin geta verið skemmtiefni. Horfði á endursýningu á RÚV eftir miðnætti í gær þar sem margt áhugavert var sagt í hita leiksins. Guðlaugur Þór frysti Ögmund með kaldri kveðju. Og var þetta í fyrsta sinn sem að hitastigið í þessu karpi fer yfir 0 gráður.

Margrét Sverrisdóttir og Magnús Þór Hafsteinsson hlið við hlið en höguðu sér eins og þau væru í fermingarveislu. Hefði viljað sjá nett olnbogaskot frá Margréti í Magnús. Það hefði gefið þessu enn meiri sjarma. Magnús hefði alveg þolað það, enda sterkur strákur. Og sjónvarpið hefði verið betra. Björgvin úr Samfylkingunni á sjaldan slæman dag í því að vera leiðinlegur. Alltaf jafnleiðinlegur. Er það kannski kostur í stjórnmálum? 

Það var mikið rætt um skólamálin í gær.

Allir hrikalega sammála - frelsi og engin samræmd próf.

Gott mál.

Árgangur '68 á Akranesi var notaður sem tilraunaverkefni á sínum tíma og sá árgangur tók ekki samræmd próf í 9. bekk (10. bekkur í dag).

Það skilaði fínum árangri og þeir sem náðu árangri á jólaprófunum fengu að demba sér í Fjölbrautaskólann strax í janúar.

Sumir höfðu þroska til þess að skilja þetta en Steingeitin sem er fædd næst síðasta dag ársins 1968 var ekki að fatta þetta á þeim tíma. Bjarni Ármannsson gerði það hinsvegar.

Helv. mistök að vera seinþroska Steingeit.

Flöskuskeyti frá Bahamas

Hlustaði sem oftar á Rás 2 á leið í vinnu, Ólafur Páll Gunnarsson með fína spretti, en hann hefur eflaust ekki ráðið því að Pósturinn er búinn að kaupa innslag í þáttinn.

Þóra úr Stundinni Okkar fær nú að ropa einhverja pistla frá Bahamas. Allt í boði Póstsins....

Horfði oft á Stundina með börnunum mínum. Þar var Birta (Þóra) að tala við börn og gerði það vel.

Þóra hljómaði ekki vel í útvarpinu í dag, og um tíma fannst mér ég vera að hlusta á gamla upptöku úr Stundinni Okkar.

Vonandi sendir Þóra bara flöskuskeyti í framtíðinni frá Bahamas.

Sem skilar sér seint og illa. - þetta var allavega vont útvarp.

Auglýsingaborðinn hér til hliðar er að sjálfsögðu óviðeigandi tenging við þessa frétt.  

Nadal ósigrandi á möl

Það er alltaf gaman þegar eitthvað bull kemur fram í hita leiksins í íþróttafréttum. Þar sem að gríðarleg íþróttadagskrá var í gær á RÚV á mánudegi var ekki von á öðru en að eitthvað færi úrskeiðis.

Federer tapaði í fimmta sinn í röð gegn Nadal.

Nadal hefur verið ósigrandi á möl og hefur unnið 66 leiki á því undirlagi," sagði Lovísa ísköld í 22 TVfréttum RÚV. 

Annars hefur Hans Steinar komið helv. sterkur inn á þessu sviði.

"Zach Johnson kom fyrstur í mark á Mastersmótinu í golfi."

Það mun fátt toppa þetta. Johnson lafmóður eins og Labradorhundur á 18. flöt á Augusta? 

"Ég skil ekki afhverju Pat Riley lætur Shaq taka öll þessi víti." - hmhmhmhm.... 

Smá skonsa

Ég hef ekki séð þetta myndbrot úr Íslandi í dag, en eftir lýsingunni að dæma þá er þetta ágæt lýsing á heimavist frá árinu 1970. Kynntist því sjálfur sem nemandi á ÍKÍ Laugarvatni. Smá skonsur fyrir tvo nemendur, en vissulega var boðið upp á sturtu, og salerni í hverju herbergi.

Að sjálfsögðu er ekki boðlegt að vera með fjögur salerni og fjórar sturtur fyrir 40+ manns.

Það er víða þar sem að framboð á húsnæði er lítið sem ekkert. Sem námsmaður í Osló gerði maður sér að góðu að vera í 38 m2, reyndar vorum við fjögur í þeirri íbúð. Stækkuðum við okkur eftir eitt ár og fórum í 42 m2.  Það eru ekki nema 10,5 m2 á mann. Lifðum það af og rúmlega það. Ég held að flestir íslenskir verktakar sem eru með menn í vinnu tímabundið geri sitt besta til þess að útvega þeim sómasamlegar vistaverur.

„Alvarlegar athugasemdir við fréttaflutning Íslands í dag"

Herskylda er aðalkosningamálið

Jafnréttisbaráttan heldur áfram og Sóley Tómasdóttir er ekki hætt að telja hausana sem fá boðsbréf í Silfrið hjá Agli. Hættu nú að telja Sóley, þetta reddast allt fyrir rest?

Ég gerði innrás á athugasemdakerfið hjá Tómasdóttur á dögunum, sú innrás var tæknileg mistök af minni hálfu.

Það er eitt sem að Sóley gæti tekið upp í kosningabaráttunni, og ég er viss um að hún myndi slá í gegn með því að leggja til eins árs herskyldu fyrir 19 ára stráka.

Líkt og gert er í Noregi en stelpur þurfa ekki að fara ótilneyddar í norska herinn. Veit ekki afhverju!

Þar sem við erum ekki með her þá legg ég til að strákarnir verði allir settir í vinnu á leikskólum landsins.

Þar verður þeim kennt að spila á gítar  -og verkefni þeirra væri einfalt -  að halda uppi stuði samhliða öðrum störfum á leikskólanum. 

Leikskólamenning Norðmanna er með allt öðrum hætti einfaldlega þar sem að nokkrir unglingspiltar eru ávallt til staðar á meðan þeir taka út herskylduna. Svei mér þá ef þetta gæti ekki verið aðalkosningamál vorsins.

 

Wenger með tommustokkinn á lofti

Jermaine Jenas átti mark helgarinnar í enska boltanum.

Vallarstjórinn á White Hart Lane á hrós skilið fyrir að leggja það á sig að stækka mörkin í aðdraganda leiksins gegn Arsenal.

Vel að verki staðið hjá vallarverðinum.

Wenger er víst með tommustokkinn úti á velli að mæla. Stangarskotin voru nokkur -

Færslan er í boði Samfylkingarinnar... XS 

Pravda var ljótur timburhjallur

Arna Schram hittir naglann á höfuðið í þessari færslu -

Pravda sem brann til kaldra kola í gær var ljótur kofi. 

Það góða við þetta allt saman að  Austurstræti verður í framtíðinni með  betri ásýnd. Villi Borgarstjóri var eins og Rudy Giuliani fyrrum borgarstjóri NY í gær. Mættur í átökin og stappaði stálinu í mannskapinn. 

Það væri gaman fyrir Reykjavík að eiga eftir 300 ár eitthvað álíka flott og húsin við bryggjuna í Bergen.

Eða gamla bæinn í Stokkhólmi.
 

Þessi færsla var að sjálfsögðu í boði  Frjálslyndaflokksins sem yfirbauð XB  seint í gær. Það er allt  til sölu fyrir rétt verð.

Spóinn var að vella á dönsku

Það er ekki oft sem ég sé fullorðið fólk sem er hætt að vinna (fyrirgefið - hætt að kenna), vera með grátstafi í kverkum yfir tæknilegum mistökum á RÚV.

Karl faðir minn (Þórólfur Ævar Sigurðsson), var eins og lítið barn í sófanum í Jörundarholtinu í kvöld og beið hann eftir heimildamynd eftir Pál Steingrímsson.

Spóinn - spóinn var að vella. 

Ógleymanlegur svipur á ÞÆS þegar þulan tilkynnti að Spóinn yrði ekki á dagskrá vegna tæknilegra mistaka.

(Hef ekki séð önnur eins vonbrigði frá því að Ísak Örn, sem er 5 ára gamall, sá að ástralski kappaksturinn var á dagskrá í  stað barnaefnis á  laugardegi.) 

Þess í stað var sýndur þáttur um eina vinsælustu söngkonu Dana, Sanne Salomonsen, sem kom fyrst fram í sjónvarpi sex ára, gaf út sína fyrstu plötu 17 ára og á nú að baki 35 ára farsælan feril.

Eini tengdasonur ÞÆS er danskur, Ole  er eðalgripur, og það var skemmtileg tilviljun að við vorum með fjóra danska krakka í heimsókn hjá okkur í kvöld.

En þetta var aðeins of mikið af dönsku fyrir þann gamla, sem er nota bene er hættur að kenna. ÞÆS leggur mikla áherslu á að hann er ekki hættur að vinna.

Ég er enn að hlægja, þetta var bara bráðfyndið.

Hann hefði kannski átt að ssssstjékka betur á heimasíðu Saaaaaaanne.

Hún á flottann leðurgalla.

Eða er þetta bara latex??? 

Að sjálfsögðu var þessi færsla í boði Framsóknarflokksins og fjárlaganefndar Alþingis. Bönns af monní þar á ferðinni. Munið bara að kjósa XBXBXBXBXBXBXBXBXBXBXBXBXBXBXBXBX - djók.

 

 

Bönns af monní

Til hamingju  -

Það var ekki karl faðir minn sem var gestur nr. 10.000 á seth.blog.is -

Seldi sálu mína og verð hér eftir með stanslausan áróður fyrir Framsóknarflokkinn á þessu bulli.

Gestur nr. 10.000 er því fyrsta kynningarverkefnið hér á seth.blog.is. og það var að sjálfsögðu formaður fjárlaganefndar. seth.blog.is fær bönns af monní fyrir þetta gigg. Jíha.

Þetta er að sjálfsögðu Birkir Jón Jónsson, sem hefur stundað nám í stjórnmálafræði frá árinu 2000.  

Hann notar víst sömu sultuna í hárið og Trumparinn í USA. Birkir Jón er á myndinni til hægri.

 

Þegar Bayless varð hvítur

Sigmar Guðmundsson sjónvarpsmaður er að rifja upp flugferð á Ísafjörð á bloggi sínu. Það er ekkert grín að fljúga vestur.

Verð í þessu samhengi að rifja upp fína ferð körfuboltaliðs ÍA árið 1997 til Ísafjarðar. Þetta var um miðjan vetur, í febrúar að mig minnir.

Ronald Bayless bandaríski leikmaðurinn í okkar liði vissi ekk betur en að ferðalagið yrði þægilegt þrátt fyrir hvassviðri og skafrenning. Hann var því grunlaus á leið okkar fyrir Hvalfjörð á leið í flugið.

Flugvélin var frekar lítil, rúmaði þó heilt körfuboltalið.

Bayless sagði ekki orð eftir flugtakið, enda hristist vélin heilmikið og veðrið var vont. Bayless stökk út úr vélinni eftir lendingu en hann var ekki kátur þegar hann vissi að við vorum bara að millilenda á Þingeyri. Tveir glaðir sjómenn bættust í hópinn.

Ferðin yfir í Skutulsfjörðinn var frábær, eða þannig. Og hörundsdökki bakvörðurinn okkar var hvítur í framan þegar við lentum á Ísafirði.

Það er hægt að fljúga mjög nálægt klettum og fjallshlíðum þrátt fyrir vont veður.

Hann reimaði síðan á sig skóna, skoraði 40 stig í sigurleik ÍA.

Framhaldið var enn eftirminnilegra. Veðurtepptir á Ísafirði í 3 daga. Úff.