ZZZZZZZZZZZZZZZZZZZZ

Á Spáni get ég skemmt mér fyrir lítið fé........

Framhald síðar... 

PR blogg dauðans

Það er greinilegt að áhorfskönnun er i gangi þessa dagana. Ísland í dag hefur sjaldan auglýst eins mikið og blog(g)ið hans Steingríms er að breytast í PR blogg - dauðans fyrir þáttinn. 

Annars er eitthvað sem kveikir ekki áhuga minn á þessum þætti. Ég veit ekki hvað það er..... kannski svarta bókin hans Denna, grái sófinn, lýsingin, innihaldið og framsetningin.. ég skal ekki segja... 

Fjórir landsliðsmenn enska landsliðsins gifta sig með stæl

Flatirnar eins og á Nou Camp

Ég vona að Eiður verði áfram í herbúðum Börsunga. Á eftir að upplifa það að fara á völlinn  - og ætla mér að gera það áður en hann hættir að leika með liðinu.  - að öðru.

Stórmót samtaka íþróttafréttamanna í golfi fór fram á Kálfatjarnarvelli í dag. Gríðarleg þátttaka setti mótshaldið úr skorðum eða þannig. Það eru bara pulsur í þessari stétt.

Dagur á DV og Hjalti á Fréttablaðinu sigruðu með yfirburðum í sportpress/texasscramble.is. Þorsteinn Gunnarsson á Sýn og Valtarinn á XFM fengu silfrið, seth er alltaf jafnleiðinlegur það vildi enginn spila með honum en það skilaði samt sem áður þriðja sæti. (seth fékk bara að spila venjulegan höggleik). Fréttablaðstvíeykið Henry og Eiki Ásgeirs Mojito áttu fína spretti sem skilað fjórða sætinu.

Eiki Ásgeirs var með Sam Snead golfsett frá miðri síðustu öld og á golfpokanum var merki sem gaf til kynna að þetta sett hafði farið víða. Ef Ásgeirsson getur slegið með þessum prikum þá er hann betri "ballstriker" en Mickelson. 

Kálfatjarnarvöllur kemur á óvart, það er búið að breyta honum mikið frá árinu 2000 þegar ég spilaði þar í fyrsta sinn. Fínar flatir, stuttar og erfiðar brautir. 

Arnór Guðjohnsen: Ekkert heyrt frá Manchester United

Samsæri

Mjög djúp samsæriskenning sem ég heyrði á dögunum gengur út á það að Skagamenn hafi "plottað" að gera KR og Fram grikk með því að senda þjálfara frá Akranesi til KR og Fram .

Þetta plott er víst að ganga vel upp að mati þeirra sem trúa slíkri vitleysu.

Arnaldur Indriðason hefur ekki hugmyndaflug fyrir slíkar pælingar.. en það eru eflaust einhverjir sem trúa þessari samsæriskenningu. Meira að segja Þór Hinriksson aðstoðarþjálfari Vals var um tíma yfirþjálfari yngri flokka á Akranesi. Hann á víst að vera með í þessu plotti. 

Það er erfitt að vera KR-ingur en stuðningsmenn Fram eru vanir því að vera í þessari stöðu.

KR enn án sigurs eftir tap gegn FH

Bezzerwizzzzzzeeeeerrrrr

Varð að skjóta þessu í loftið... Trailer sem sýndur er á Sýn vegna opna bandaríska meistarmótsins í golfi.

Flottur trailer..og gott sjónvarp en þar fullyrðir þulurinn að Tiger Woods hafi aðeins einu sinni unnið opna bandaríska meistaramótið.

Það er ekki rétt.. hann hefur tvívegis fagnað sigri, 2000 og 2002. Kannski þeir breyti þessu í snarhasti fyrir helgina...

Óver and át.

Líkamlegt umhverfismat

Ég er ekki í vafa um að Strætó er þarfasti þjóninn... umhverfisvænn ferðamáti.

Fyrst umhverfismál eru hér til umfjöllunar.

Ýmsir hafa sagt að ég sé það illa á mig komin líkamlega (les:feitur) að réttast væri að fara fram á umhverfismat áður en ég fæ leyfi til þess að fara úr að ofan á sólpallinum.

Þessi umhverfisumræða er náttúrulega komin út í tóma steypu. 

Frítt í strætó fyrir Kópavogsbúa

Grunaður um að hafa sofnað á leik

Ég sá helv. skemmtilega "iðrun" hjá Eiríki "mojito" Ásgeirssyni kollega mínum á Fréttablaðinu þar sem hann játar á sig stórglæp í blaðamennskunni.

Heiðarlegt svar hjá Eiríki og hann hefur húmor fyrir sjálfum sér. Fyrst menn eru farnir að opna sig um slík málefni þá verð ég að játa á mig stórglæp.

Fyrir nokkrum árum fékk ég það verkefni að fara á leik í 1. deild karla á Valbjarnarvelli. Man ekki alveg hvaða lið voru að keppa en Víkingur var annað liðið og Ívar Örn Benediktsson Skagamaður og frændi minn var að leika með Víkingum.

Eins og menn vita er engin aðstaða fyrir fréttamenn á Valbjarnarvelli. Menn deyja ekki ráðalausir í slæmu veðri og rigninu.

Seth potaði bílnum, Renault Clio inn að hliðarlínu, og fylgdist með gangi mála. Leikurinn var  frekar leiðinlegur - ekkert að gerast...

miðstöðin var sett í botn í kuldanum, þreyta gerði vart við sig...seth vaknaði þegar langt var liðið á síðari hálfleik.

Ég bullaði eitthvað um leikinn sem endaði með markalausu jafntefli... en hrikalega var óþægilegt  að sofna í vinnunni...

Mín skoðun, lífrænt ræktað gras

Ég held að Eiður Smári ætli sér að berjast fyrir sæti sínu hjá Barcelona í eitt ár til viðbótar.. en auðvitað veit maður ekki hvað mun gerast.

 
Hinsvegar var merkilegt að hlusta á Valtarann, (Valtýr Björn) á XFM í dag.

Hann er með þátt sem heitir Mín skoðun... og í þeim þætti er hann að viðra hugmyndir um að það ætti að banna Garðari Hinrikssyni knattspyrnudómra að blogga.... og ekki nóg með það þá var Valtarinn á þeirri skoðun að blaða- og fréttamenn ættu ekki að vera tjá sig á blogginu???? Þetta kemur úr þætti sem heitir Mín skoðun

Púff...hvað getur maður sagt við svona bulli., eru menn að reykja eitthvað lífrænt ræktað????....óver and át..

Eiður Smári til sölu

Með greind á við tilraunarottu

Tæplega helmingur þeirra sem heimsótt hafa bullið mitt eru með greind á við tilraunarottu. Og þá er ég ekki að tala um bestu rotturnar, heldur meðalskussa..

Í skoðanakönnun seth.blog.is var spurt að því hvort síðuhaldari væri of þungur.

Þeir sem svöruðu því neitandi eru fífl... ég er að sjálfsögðu dálítið chubby..

Kornabörn sem eru með lítið hár, frekar spikuð og ranghvolfa augunum er sæt og krúttleg...

Ég fæ ekki sama hrós þegar ég er á nærbuxum og netabol, þunnhærður, frekar spikaður og ranghvolfi augunum... ekkert krúttlegt við það.. ný skoðanakönnun mun leiða það í ljós hvort fólk sé fífl...

Bono í Bíóhöllinni á Akranesi

Ég hef unnið að því lengi í minni fjölskyldu að þau fái U2 í fertugsafmæli mitt..órafmagnaðir tónleikar í Bíóhöllinni á Akranesi... mér er tjáð að þett mál sé í vinnslu. Það eru kannski meiri líkur á því að Stephen Harper verði veislustjóri hjá mér..

Að öðru: Þeir eru oft dásamlegir íþróttaþættirnir á Rás 2 kl. 11:30 á virkum dögum. Ungi maðurinn sem var með innslagið í dag fær hrós fyrir að hringja í Birgi Leif Hafþórsson og taka viðtal...en þessi spurning fer á topp 10 listann yfir undarlegustu íþróttaspurningar ársins:

 - Segðu mér Birgir. Hversu langt fram á sumarið stendur þessi mótaröð yfir?

Birgir átti greinilega ekki von á þessari spurningu og fræddi manninn á því að Evrópumótaröðin væri nú í gangi allt árið.

 

Hafði ekki áhuga á að hitta Bono

Friðarsúla Yoko Ono í Hveragerði

Ég reykti friðarpípu í gær með bakverði Skallagrímsliðsins, Mr. Eyjólfsson. 

Athöfnin fór fram í Hveragerði og hafa báðir aðilar náð sáttum.

Mr. Eyjólfsson var ekki sáttur við seth.blog.is vegna skrifa um leynilegar æfingar hans með Skallagrím.

Við féllumst í faðma á bílastæðinu við Gufudalsvöll fyrir stórmótaröð Árvakurs/Moggans og Blaðsins. Málið dautt.

Magnús var glaður og hann sullaði niður einu 20 metra pútti og fékk að ég held 2 pör á hringnum. seth var slakur og hann hefur ofmetnast eftir sigurinn á golfmóti körfuboltamanna í Borgarnesi.

Starfsmannapartý Árvakurs s.l. laugardag heppnaðist með ágætum. Besti bjór í heimi er sá sem er frír....helv. góð veisla og margir þreyttir í vinnunni í gær...

óver and át

Grár boxpoki

Þetta kemur mér ekkert á óvart. Var á Smáþjóðaleikunum á Möltu árið 2003 og þar var heitt í kolunum í leikjum Kýpur..

Vonandi fær þessi leikmaður langt keppnisbann en FIBA hefur alls staðið sig í því að úrskurða menn í löng keppnisbönn fyrir svona hluti.

Gaurinn var greinilega með eitt á hreinu.. hann hjólaði ekki í konuna sem var að dæma leikinn...en það er gott mál að konur séu að hasla sér völl á þessu sviði..

Ráðist á dómara í sögulegum sigri Íslands

Alveg rólegur, Magnús bakvörður?

Ég hélt reyndar að DV myndi skúbba þessu leyndarmáli.

Bakverðir knattspyrnuliðs Skallagríms úr Borgarnesi eru báðir Eyjólfssynir og þeir eru bræður. Þeir sem þekkja til í Nesinu segj að önnur eins yfirvegun hafi ekki sést áður í stöðu hægri bakvarðar. Magnús gefur sér tíma í að koma sér í sókn sem vörn - 

Magnús Geir Eyjólfsson hlýtur að æfa í laumi. "Hann er painfully slow," sagði Pat Riley um Pétur Guðmundsson körfuboltakappa á sínum tíma. Mr. Eyjólfsson er vissulega mun sneggri en Pétur var á sínum tíma.

 En þetta ætti ekki að koma á óvart hjá þeim í Sköllunum, enda er framherji liðsins jafnaldri minn, Valdimar K. Sigurðsson, og hann er enn að setja hann. Og ekki gleyma Ólafi Adolfssyni..hann er fertugur. - ég man líka eftir því að Þór Daníelsson og Guðlaugur Þórðarson heilbrigðisráðherra voru í Skallagrímsliðinu, líklega árið 1988?, Vá það var slakt fótboltalið. Þór Dan...

Skúbb dagsins.....

Ríkharður Hrafnkelsson úr Stykkishólmi er öðlingur sem skipuleggur árlegt golfmót fyrir þá sem hafa komið eitthvað nálægt körfubolta. Í dag var Rikki með gott mót á Hamarsvelli og fengum við að leika á nýja 18 holu velli þeirra í Borgarnesi. Þetta verður helv. flottur völlur og þarna eru nokkrar frábærar brautir.

Skúbb dagsins er að seth sigraði í keppni án forgjafar á 76 höggum eða 5 höggum yfir pari.

Helv. hann Finnur Jónsson stórglæpon úr Skallagrím fór að drekka eins skepna á miðjum hring, hann dældi í mig áfengi og vallarmetið er því enn í eigu Ómars Ragnarssonar (Örn)...75 högg.

Hef aldrei verið nálægt því að setja vallarmet og hvað þá eins og Smjörvi.. símjúkur...

Pétur Sigurðsson sigraði í keppni með forgjöf en þess má geta að við vorum saman í ráshóp... grunsamlegt í meira lagi.. 

Þvagleki í beinni á Sýn..

Ég las að þingeyingurinn hógværi er eitthvað pirraður út í mbl.is  -

Viðtöl eftir leikinn gegn Svíum voru ekki sögð vera úr herbúðum Sýnar..

Ágætis ábending frá Henry.... Sýn fer örugglega á hausinn......allt Mogganum að kenna..

Þetta mun aldrei gerast aftur enda erum við á mbl.is ekki hallærislegir. Bara flottir og það veit Henry manna best.

Ég hef farið með honum í sturtu.. meira af því síðar. Þessi færsla var í boði Sýnar.

Vissulega fer lítið fyrir því í fréttaflutningi Sýnar að einhver viðburður var í beinn á Sýn.

Ég bíð spenntur eftir þessum inngangi. "Englendingar fögnuðu sigri á heimsmeistaramótinu í knattspyrnu í S-Afríku eftir 3:1 sigur liðsins gegn Argentínu en leikurinn var í beinni útsendingu á Sýn og ekki á öðrum sjónvarpsstöðum." 

Lokakaflinn er frasi sem hefur heyrst áður... by the way á einhver fjórða þáttinn frá HM í póker sem sýndur er á Sýn.. missti af honum og verð að sjá hann....

 

Eyjólfur að hressast?

Það hefur mikið verið rætt um að Eyjólfur Sverrisson landsliðsþjálfari nái ekki að "mótivera" leikmenn landsliðsins fyrir leiki. Öskur, klapp og læti í búningsklefanum er nóg fyrir suma en ég held að þannig sé því ekki háttað hjá landsliðinu. Sumir hafa sagt að Eyjólfur sé leiðinlegur og nái ekki að rífa liðið með sér í baráttuna. Ég hef bara náð að kynnast betri hlið Eyjólfs og hann er langt frá því að vera leiðinlegur.

Haustið 1998 settist ég á skólabekk og bekkurinn minn í Noregi var fámennur og góður. Egil Drillo Olsen var einn af þeim sem kenndi okkur en hann var á þeim tíma búinn að koma norska landsliðinu í hæstu hæðir.

Í úrslit HM í Bandaríkjunum 1994 og Frakklandi 1998. Ef að Drillo er týpa til þess að ná upp stemmningu í landsliði þá er Eyjólfur skemmtikraftur. Drillo var ótrúlega "litlaus", lágstemmdur og lét aldrei fara mikið fyrir sér. En hann er klár kall.

Ég held að vandamál íslenska landsliðsins sé það að leikmenn liðsins eru margir búnir að ná því markmiði að komast að hjá "góðu" liði í Evrópu. Fjárhagsleg framtíð þeirra er tryggð og sá "sölugluggi" sem opnast í kringum landsleiki Íslands er ekki eins mikilvægur og áður. Landsleikir eru ekki eins mikilvægir og þeir voru áður. Það er því lítið um tæklingar, olnbogaskot og skallaeinvígi út við hornfánann. Það rennur varla blóðið í sumum leikmanna íslenska liðsins og því þarf að breyta. Fleir ný og fersk andlit sem nenna að hafa fyrir hlutunum. 

Pissbjór á Parken

Í dag átti ég gott samtal við danskan blaðamann sem var eitthvað að pumpa mig um stöðuna í EM-riðlinum. Ég hló nú bara. En skaut eitthvað út í loftið. N-Írar og Svíar fara áfram úr þessum riðli og Spánverjar sitja eftir.

Við ræddum aðeins um ástandið í Danaveldi eftir uppákomuna gegn Dönum þar sem að einn maður eignaðist 5 mill. óvini þegar hann reyndi að lemja dómarann. 

Ég spurði blaðamanninn hvort gæslan hefði ekki brugðist í þessu tilviki og hann var sammála því. Það sem var merkilegast við samtalið var að þrátt fyrir að bjór sé seldur á Parken þá er bjórinn bara pissvatn.

Blaðamaðurinn sagði að á fundi með forsvarsmönnum danska knattspyrnusambandsins og fulltrúum frá rekstraraðilum Parken hafi það komið í ljós að Danir hafa drukkið köttinn í sekknum á undanförnum árum. Bjórinn er sem sagt með minna áfengismagn en Íslandshreyfingin fékk í NV-kjördæmi, 1,5-2 % styrkleiki. Ég myndi frekar drekka Pepsi Max en pissbjór á Parken.......

Góð landkynning

Ég er ekki í vafa um að fimmta markið sem Ísland fékk á sig í gær á Råsunda á eftir að verða ein mesta landkynning sögunnar.

Horfði á Eurosport seint í gær og þar var fimmta markið sýnt aftur og aftur.

Þessi farsi á eftir að lifa lengi...Ívar fór ekki í felur eftir leikinn eins og svo margir hefðu gert.. ég tek hattinn ofan fyrir honum. Maður með breitt bak.

Fótboltinn er undarleg íþrótt og ég held að það eigi eftir að taka langa tíma að byggja upp gott landslið. Ég held að Eyjólfur eigi ekki eftir að fá vinnufrið fyrir næstu verkefni og það kæmi mér ekki á óvart ef hann myndi hætta. Ég myndi allavega ráðleggja honum að hætta og finna sér tíma fyrir golfið. 

Ég legg til að erlendur þjálfari verði ráðinn í starf landsliðsþjálfara....

Ívar Ingimarsson, varnarmaður Íslands, tekur á sig sökina af þremur af fimm mörkum Svía

mbl.is, Animal Planet og Discovery

Animal Planet og Discovery mega nú fara að vara sig.

VefTV mbl.is með puttann á slagæð náttúrunnar.

Laxveiði verður í álíka fjarlægð frá íslenskum almúga í framtíðinni og golfið er fyrir "bolinn" í Japan eða Indlandi. $$$$$$$$$$$$$$$$$$$$$$$$$$

Ég vann einu sinni hálfan dag í Langá á golfmóti... hefði betur selt vinninginn eins og Á. Knútur Thorolfsson stórkylfingur gerði. Ég hékk að mestu inn í jeppanum hjá þeim gamla á meðan HBS stórveiðimaður barði ánna eins og óður maður, fór meira að segja niður í Borgarnes til þess að ná í Rósu Danica vindla, lúxus þar á ferð - komum heim með öngulinn í rassinum.

Laxveiði,,, tja ég veit það ekki...

Þrír laxar úr Norðurá í morgun og einn úr Blöndu

Grunaður um getuleysi?

Viagra og rétt smurefni og þá er búið að redda getuleysinu hjá Ralf... Hann er kannski grunaður um getuleysi eins og maðurinn sem fékk aðsvif um daginn í ökuferð. "Grunaður um aðsvif" var fyrirsögnin á Vísi.. Frábært stöff. 

Toyota tekur getuleysi Ralfs á sig