Sin Alcahol

Stærstu mistök síðasta árs hjá seth er verslunarferð í Varde í Danmörku. Verkefnið var einfalt. Kaupa tvo kassa af bjór.

Fékk kalda kveðju frá fjölskyldunni þegar ég kom til baka með góssið. Annar kassinn var í lagi, Tuborg eitthvað en hinn kassinn er enn óopnaður inn í geymslu á Jótlandi. Áfengislaus bjór í Danmörku?, ég hélt að það væri ekki til.

"Miðbuna"

Þetta minnir á frétt af ökumanni sem lögreglan á Akranesi náði að klófesta á dögunum. Kannski það hafi verið Goggi Mikk sjálfur.

Með tónleika á Barbró,

Kannski?

Lyfjakokkteill? - Man reyndar sjálfur eftir skemmtilegu rugli á Sjúkrahúsi Akraness fyrir mörgum árum.. var að jafna mig eftir stóra aðgerð á hné og fékk slatta af morfíni til þess að lina þjáningarnar.

Morfín er gott stöff en líklega ekki gott stöff til lengri tíma litið. 

Skildi samt ekkert í því þegar hjúkrunarkonan var alltaf að biðja um þvagsýni á hverjum einasta morgni og krafan var að ég skilaði af mér "miðbununni"...

Ég var ekki alveg að fatta þetta?

Miðbunan?

Það er ekki eins og karlmenn séu með garðúðarar framan á sér? og úða þessu í allar áttir? Eða hvað?

Fékk skýringu á þessu mörgum árum síðar... þetta var víst ekki svona flókið...maður byrjar, hættir  og byrjar aftur sem er skilgreint sem miðbuna, hættir og byrjar síðan aftur og lýkur verkefninu.

Grindarbotnsæfing fyrir karlmenn.  

djöfull getur maður verið ruglaður á "lyfajkokkteil". 

Michael ók undir áhrifum „lyfjakokkteils"

Fleiri slík atvik?

Ég því fyrir mér hvort að fleiri slík atvik eigi eftir að líta dagsins ljós.

Stuðningsmenn gætu haft áhrif á úrslit leikja með því að ráðast á dómara og sjá til þess að gestaliðinu yrði dæmdur sigur???

Hver veit nema að einhver taki slíka ákvörðun á Råsunda á miðvikudaginn þegar Ísland sækir Svía heim?

Ég vona samt ekki. Freistingin er samt sem áður til staðar...

„Varð að flauta leikinn af"

Ágætis grey......

Hef ekkert upp á stuðningsmenn Liverpool að klaga. Ágætis grey upp til hópa.

Miðað við það sem sást á Parken í gær þar sem danski stuðningsmaðurinn var í sviðsljósinu og reddaði Svíum þremur stigum velti ég því fyrir mér hvort að fleiri slík atvik eigi eftir að líta dagsins ljós.

Stuðningsmenn gætu haft áhrif á úrslit leikja með því að ráðast á dómara og sjá til þess að gestaliðinu yrði dæmdur sigur???

Hver veit nema að einhver taki slíka ákvörðun á Råsunda á miðvikudaginn þegar Ísland sækir Svía heim?

Ég vona samt ekki en freistingin er samt sem áður til staðar...

UEFA: Liverpool með verstu áhorfendur í Evrópu

Grillaður máfur.......

Mikil umræða hefur átt sér stað um sílamáfinn við Reykjavíkurtjörnina og nú er byrjað að fækka þeim með skipulögðum hætti.

Ég tók þátt í því að fækka máfinum sem starfsmaður Tónabæjar sumarið 1990. Fór sem oftar með krakka á leikjanámsskeiði niður að Tjörn með gamalt brauð frá einhverjum bakara. Gargandi vargfugl át allt brauðið og ég grýtti grjóti inn í þvöguna og hitti einn.... málið er fyrnt og því játa ég brotið.

Í heimabæ mínum, Akranesi, sást varla til sólar fyrir máfi þegar sanddæluskipið dúndraði skeljasandi inn á geymslusvæði Sementsverkssmiðjunnar. Mörg þúsund fuglar tylltu sér niður á þak efnisgeymslu verkssmiðjunnar og biðu eftir því að sandsílunum yrði dælt upp í sandþrónna. Einn hugmyndaríkur maður fékk þá hugmynd að best væri að fækka máfinum með því að hleypa straum í bygginguna og "grilla" máfaskarann á meðan hann beið. Einföld aðgerð. 

Bull í Efstaleiti

"Önnur umferð Íslandsmótsins í golfi stendur nú yfir á Korpúlfsstaðarvelli," sagði Benedikt Rafn Rafnsson í síðdegisfréttum RÚV í dag. 

Sjitt.... slæmt að missa af þessu Íslandsmóti..

Kannski er verið að sýna "Með allt á hreinu" þarna í Efstaleitinu......,

Benni hefur eflaust ekki mátt segja, Kaupþingsmótaröðin....

  Dagskrá Kauþingsmótaraðarinn 2007:

• 19. - 20. maí, Garðavelli
• 02. - 03. júní, Korpúlfsstaðavelli
• 23. - 24. júní, Hólmsvelli í Leiru
• 26. - 29. júlí, Íslandsmót, Hvaleyrarvelli
• 25. - 26. ágúst, Íslandsmót í holukeppni, Urriðavelli
• 07. - 09. sept., Vestmannaeyjavelli
• 22. - 23. sept., Lokamót allra flokka, Grafarholti

Þessi færsla er í boði Kaupþings...

Webber tekur tíma

Gott mál að fá LeBron James og félaga í úrslit. Ég velti því fyrir mér hvað Chris Webber er að hugsa í dag. Það á ekki að liggja fyrir honum að vinna meistaratitil..

Time Outið sem hann bað um í úrslitaleik NCAA með með Michigan háskólanum gleymist aldrei og núna var kallinn búinn að fá sig lausan frá 76'ers til þess að eiga möguleika á meistaratitli með Pistons. Hann fer kannski bara í Dallas eða Spurs.. 

Cleveland í úrslitaviðureign NBA

Bauninn er búinn að vera....

Púff... Gaurinn sem reyndi að lemja dómarann er 29 ára gamall Dani og hann býr í Svíþjóð..Lögreglan er með hann í haldi.. vonandi sem lengst. Morten Olsen þjálfari danska landsliðsins vildi ekki ræða um fótbolta á fundi með fréttamönnum eftir leikinn.

Hann var ekki í stuði.. skiljanlega...

Danska lögreglan fékk upplýsingar um SMS-skeyti sem gengur á milli manna í Köben en þar eru menn beðnir um að koma að heimili aulans sem reyndi að lemja dómarann. Og skilaboðin eru skýr...En heimilisfangið er ekki til samkvæmt fréttum danskra fjölmiðla.  

Úrslitin í leik Dana og Svía ekki staðfest

"Kögglavinafélagið"

Ég held að það væri best að Danir tækju aftur völdin á Íslandi....þeir kunna að berja frá sér og sýna hörku. Kannski aðeins of mikið af því góða á Parken í kvöld og stuðningsmaðurinn er búinn að ráða sig í vinnu á Kárahnjúkum...

Eftir að hafa horft á Ísland gera jafntefli gegn Liechtenstein í dag þá kannast maður varla við íslensku víkingana og "kögglavinafélagið" var hvergi sjáanlegt. Það sást varla tækling og menn voru í tómu rugli megnið af leiknum. Árni Gautur varði vel í öðrum leiknum í röð og án hans framlags hefði íslenska liðið tapað.

Gríðarleg vonbrigði.

Eiður Smári Guðjohnsen var langt frá sínu besta og mér finnst stundum að aðrir leikmenn gefi á Eið og "bíði síðan eftir því að hann geri eitthvað"  - svona Óla Stefáns syndróm sem við þekkjum úr handboltanum.

Leikurinn gegn Svíum á miðvikudag á Råsunda verður erfiður og ég býst við því að það verði leikinn 10 manna varnarleikur á vítateignum eins og við sáum gegn Spánverjum í "blíðunni" á Mallorca.

By the way.. golf er ömurleg íþrótt í 20 metrum á sekúndu...
 

Svíum dæmdur 3:0 sigur á Dönum á Parken eftir árás á dómara

Ölvaður Smjörvi við Melabúðina?

Pétur úr Melabúðinni í Vesturbænum hvetur alla til

þess að taka til hendinni í hreinsunarátaki á laugardaginn.

Hann segir m.a. 

Ég heiti Pétur og er oft kenndur við Melabúðina?  -

hmhmhmhmhm er gaurinn þá oft fullur í vinnunni? eða svona símjúkur....?

Ég er með tillögu um útvarpsauglýsingu sem gæti átt við Jörundarholtið á Akranesi. 

Ég heiti seth og hef oft verið kallaður Smjörvi.. enda er ég alltaf símjúkur...

Fékk græn númer á bílinn minn um daginn úr kínverska sendiráðinu .. CD 166... (sem þýðir constant drunk)  -  

Kolbrún Bergþórsdóttir á Moggann?

Ég missti af atburðum dagsins í hinu stórkostlega mötuneyti Árvakurs við Hádegismóa.

Þessi vinna er alltaf að þvælast fyrir..

Heyrði hinsvegar að Kolbrún Bergþórsdóttir blaðamaður á Blaðinu hefði ekki lýst yfir neinni sérstakri ánægju með atburðarás dagsins.

Þar sem ÓÞS var ráðinn sem yfirmaður hennar á ritstjórn Blaðsins.

Hitastigið var farið að lækka í matsalnum rétt fyrir kl. 13 þegar seth mætti á svæðið en Kolbrún var að sögn viðstaddra ekki mjög kát þegar hún yfirgaf svæðið.

Ég spái því að Kolbrún verði ráðinn sem aðstoðarritstjóri Morgunblaðsins. - það vantar konu í það starf.

Brynja...ég elska þig ekki

Fór í biðröð í gær við Aðalstrætið á Akureyri til þess að prófa hinn margrómaða Brynjuís.

Valið var einfalt, lítill í brauðformi með venjulegri dýfu.

Dýfan var fín en ísinn var langt frá því að vera sá "besti" sem ég hef prófað.

Það var vatnsbragð af ísnum... eitthvað vantaði. Vonbrigði.

Brynja.... ég elska þig ekki.... 

Höggbylgja frá Jaðarsvelli

Það gæti verið að höggbylgjan sem barst frá okkur bræðrum frá Jaðarsvelli hafi átt þátt í því að hreyfa við snjónum í Hlíðarfjalli.

Snjóflóð 27. maí?.

Fleiri stórundarlegir atburðir áttu sér stað á þessu svæði í dag.

Fjórir fuglar í röð hjá bræðrunum Thorolfsson í Texas Scramble.

Flatirnar eins og úti á Álftanesi og A. Knútur Thorolfsson átti ekki í vandræðum með að sulla þessu í. Fjögur dræv frá Árna enduðu meira að segja á braut. 

Fyrir þá sem trúa þessu ekki þá endar þessi saga á því að það er víst hægt að fá double bógí í Texas Scramble....

Niðurstaðan, 61 högg nettó, en mótið vannst á 57 höggum nettó. Helv. dúbble bógííííð...

Snjóflóð í Hlíðarfjalli

Matarlím sem átti að vera steinbítur

Ef tekið er mið af vaxtarlagi mínu þá telst ég varla matvandur.

Kröfurnar sem ég geri til mötuneytis Morgunblaðsins eru einfaldar. Ég stefni að því að verað saddur.

Í fyrsta sinn í dag þá kláraði ég ekki af disknum eins og mamma mín kenndi mér. (þá var ég 20 kg. með skólatösku). Mamma hvetur mig ekki til þess að klára af disknum í dag. 

Þetta leit vel út, Krydd og Kavíar???:

Pestó og sesam steinbítur með piparsveppasósu ...með brúnum kryddgrjónum. Salat dagsins. Sveppasúpa með madeira. 

En ef eitthvað bragðast eins og gamalt matarlím eða endurvinnsla á pappír sem er skammt á veg komin þá borðaði ég það í dag. Grár og klesstur viðbjóður...

5:2 sigur 4. flokks kvenna hjá ÍA gegn Fylki gladdi augað í kvöld. Frábærar stelpur í báðum liðum sem kunna að spila fótbolta. 

Fugl dagsins á Þingvöllum

seth.blog.is ætlar að einbeita sér að mikilvægum málum í sumar og aðeins fuglar og ernir fá seth til þess að skrifa eitthvað bull á þetta vefsvæði.

Bloggið og netið er víst bara bóla sem fer að springa. Leitin að hinum eina sanna dræver stendur sem hæst en miklar líkur á eru á því að niðurstaða fáist á næstu dögum.

Verð á Þingvöllum á fundi með ráðgjöfum mínum næstu daga þar sem við förum yfir sveifluferlið, hraðann og Einar Vilhjálmsson mun aðstoða mig við útkastshornið.

Sumir eru jafnari en aðrir á dönskum dögum.......

Sumir eru jafnari en aðrir hefur löngum verið hefðin á íþróttaviðburðum á Íslandi. Samanber þessa færslu hér á seth.blog.is frá 13. mars. s.l. þá er ekkert nýtt undir sólinni í umræðu um áfengi og HBG á Fréttablaðinu er með fínar pælingar um þetta efni á blogginu sínu. 

Henry er einnig ánægður með að hafa fundið upp fyrirsögnina Danskir dagar... sem birtist í þremur dagblöðum eftir 2:1-sigur Vals gegn Fylki. Þessi fyrirsögn birtist fyrst að ég held í lok maí árið 2003...

 

Föstudaginn 30. maí, 2003 - Íþróttir

"Danskir dagar" á Kaplakrika

ÞAÐ má segja að "danskir dagar" séu í herbúðum FH-liðsins þessa stundina þar sem dönsku leikmennirnir Tommy Nielsen og Allan Borgvardt láta mikið að sér kveða.

 

Hver er maðurinn í vítamínbætta hveitinu?

Og nú bíða menn eftir því að sá aðili komi út úr "skápnum"..

Stuðingsmaður Shrewsbury Town??

Sá hlýtur að vera Framsóknarmaður. 

Ég sá hinsvegar að Gay Meadow, heimavöllur félagsins, tekur 8.000 áhorfendur en til samanburðar er rými fyrir 7.000 áhorfendur á Laugardalsvelli....... Gay Meadow??? það er efni í nýjan pistil.

Við höfum sem sagt minni Þjóðarleikvang en Shrewsbury  (Pillsbury)vítamínbætta hveitið..

Myndin er frá heimavelli félagsins en hann er stundum á floti þegar áin River Severn flæðir yfir bakka sína. Þann 26. apríl árið 1961 mættu 18,917 áhorfendur á leik liðsins gegn Walsall í 3. deildinni. Til samanburðar er áhorfendametið á Laugardalsvelli rétt rúmlega 20.000 á landsleik Íslands og Ítalíu.

Það má reyndar ekki gleyma því að Shrewsbury hefur aldrei unnið B-keppnina í handbolta.

Ísland, best í heimi.

Shrewsbury í úrslitaleik á Wembley

Brotthvarf XBjé sparar tíma og vinnu

Framsóknarflokkurinn er úti í "kuldanum" í væntanlegri Ríkisstjórn og góður vinur minn sagði að mikill sparnaður yrði í heilbrigðiskerfinu við brotthvarf XBjé úr Stjórnarráðinu.

Vinur minn, sem er Framsóknarmaður, sagði mér í trúnaði að nú þyrfti ekki að kalla til sérfræðinga til þess að taka klíníska afstöðu til þess hvar andlitið á Framsóknflokknum byrjaði og hvar afturendinn á hinum stjórnarflokknum endaði.

Þetta hefur  vafist fyrir helstu sérfræðingum landsins fram til þessa.

Núna þarf aðeins einn sérfræðingur að afla sér upplýsinga um slík mál á næstu misserum. Í þeim heimsóknum getur sá hinn sami farið með barnabörnin í leiðinni og gefið öndunum brauð við  Reykjavíkurtjörn.

Hvernig leggst leikurinn í þig??

Hvernig leggst leikurinn í þig?, er lélegasta spurningin sem ég hef notað í starfi mínu. Gerði það einu sinni og mun aldrei spyrja aftur með þessum hætti.

Kosningasjónvarpið á báðum rásum um s.l. helgi var "orgía" fyrir þá sem elska "hvernig leggst leikurinn í þig?" pælingar og enn er leikurinn ekki byrjaður.

Upphitunin er hafin með viðræðum GH og ISG.

Líst alveg ljómandi á það partý.

Samfylkingin sér um mennta og velferðarmálin og Íhaldið um að útvíkka heimsveldið Íslandi og peningana.

Solla og Haarde verða fínt par... og ég er ekki vafa um að hún var langsætasta stelpan á ballinu. 

Long Beach airport á Akranesi

Afhverju datt engum þetta í hug?

Flugvöllurinn í Vatnsmýri á að sjálfsögðu að fara upp á Akranes.

Sá fyrir um 30 árum þegar Ómar Ragnarsson stakk sér niður á Langasand á "Frúnni" sem íþróttafréttamaður og með myndatökumann með í för.

Á þeim árum var það algengt að litlar rellur lentu á Langasandi. Sandurinn hefur breyst á þessum tíma en í kvöld gerðist það. Það lentu einhverjir snillingar á Langasandi, þeir röltu út, tóku mynd af sér fyrir framan vélina og fóru í loftið á ný.

Ég hætti að spila golf á 17. braut þegar ég sá vélina sveima yfir Langasandi og gera sig líklega til þess að lenda. Var í bullandi fuglafæri en sleppti því að pútta...

Ég var hinsvegar of seinn á svæðið. Helv. Runóinn fer ekki nógu hratt.